Paradigmalaryň netijesi
Bu mowzugy köpden bäri ýazjak bolup ýördüm. Asyl Paradigmalar temasyny, şu ýazgydaky meseleler üçin başlapdym.
Ilki bilen öňräk pikirler bölüminde bolup geçen bir hadysa ylham bolupdy. Saýtyň adminleri, ýene bir sagatdan... diýp pikir ýazypdy. Käbir agzalar muny ýalňyş düşinip saýt ýapylýarmyka? diýp soradylar... şondan ala-goh başlady, hoşlaşyklar, soňky sözlerini ýazýanlar. Aslynda weli, beýle bir zat ýokdy. Sebäp bolsa, ýekeje bir adamyň, saýt ýapylýarmy? diýen soragy adamlaryň pikirlerini gönükdirenine şaýat bolupdyk.
Ikinji bir hadysa bolsa, bir gyz agzanyň häsiýeti baradaky jedeller, temalar, pikirler. Bu agza bilen käbir agzy hapa agzalar gürleşende bu gyz hem sögünýärdi. Emma dogry gürleşenler bilen sögünçli gürleşenokdy. Reaksiýa berýärdi. Dogry, adamyň asyl häsiýeti şeýle reaksiýalar bilen orta çykýar. Ýöne, her adamdan birhili jogap gelmejegi tebigy dälmi eýsem. Meni oýlandyran ýeri şudy, eger hemme adam şol agza bilen sögünçsiz arassa gürleşse diýmek bu agza hem hemme bilen dogry aragatnaşyk etjek ekeni. Belki öz içinde, şahsy durmuşynda duş gelen käbir wakalar sebäpli, başgalara garşy ynam azalandyr. Belki, şonuň üçin özüni goramak niýeti bilen, aslynda ejizlik duýýandygy, ýekelik duýýandygy sebäpli, hemmeler oňa garşy gelýän ýaly bir halat duýýandyr. Şonuň üçinem agyr rekasiýa görkezýändir. Eger adamlar ynamdarlyk oýandyryp biljek häsiýetde bolsady beýle bolman bilerdi. Ýagny adamlaryň sözleri, özlerini alyp baryşlary, adamlary gönükdirýändigine şaýat bolduk.
Üçinji bir waka, arada dini temalarda jedeller köpelipdi, käbir agzalar başga agzalary, saýtda bir konspirasiýa teoriýasy bar ýaly, her hili gelşiksiz sözler, adlar bilen sypatlandyrdylar. Din barada az bolsada köprak maglumata eýe, dini düşinjeleri bilen hormat görýän, dini kimlikleri bilen tanalýan agzalaryň, bu jedelde, uslup hatasy üçin başgalaryny gaty gelşiksiz sözler bilen kemsitmekleri, başgalaryny, din baradaky pikirlerini we dini kimlik bilen öňe çykýan agzalar baradaky pikirlerini gönükdirendigine şaýat bolduk.
Bu 3 hadysanyň ortak bir nokady bar. Jedelleri başladýanlar, ala-gohlary tuzyrýanlar, pitneleri oýandyrýanlar, aslynda lar däl. Köplenç bir ýada iki adam bilen başlap bilýändigine şaýat bolduk. Bir adamyň hereketi jemgyýeti ýada topary gönükdirip bilýär. Toparyň mundan hiç habary bolman galar. Birje söz, birje hereket, birje şarpyk uryşlary netije berip biler. Ynanmaýaňyzmy? Birinji we Ikinji Jahan uryşlary ýekeje bir adamyň öldürilmegi bilen başlanyny ýatladaýyn. Arap Bahary diýlen, ençeme ýurtlardaky hadysalaryň, Müsürde, bazarda polisiýa işkäriniň bir oglana degmegi bilen başlanyny hem ýatladaýyn.
Gör bu jemgyýet, adamlara hapa sözler bilen degip, hapa gürleýän oglanlary we gyzlary çykarýar. Gör bu jemgyýet, adamlaryň ýalňyş hereketleri bilen näçe jenaýatçylary çykarandyr. Gör bu jemgyýet, birje adamyň sözüne seredip näçe aklary gara edip asyp ýere gömendir, garalary ak edip hormat bilen öýüne suratyny asandyr. Gör bu jemgyýet, bu adamlar, jemgyýetiň esasy bolan adam, ýekeje adam, başga adamy, başgalaryny, jemgyýeti zyýana eltendir. Bu jemgyýet, näçe Sokratlary näçe Mansur Hallaçlary terbiýeländir we şol bir jemgyýet bu adamlara ölüm permany berendir.
Mediýa, günimizde paradigmalary şekillendirýär. Musulmanlary terrorist, gyzlary her bir zatda reklamalarynda ulanyp keýpu sapanyň materialy edip görkezmek. Gündogar we günbatar medeniýetlerini, milletleri bir-birine duşman edip görkezmek. Adamyň özüni doglanda günäker bolup doglan ýaly edip görkezmek we barybyr jähenneme gidersiň diýp umytlaryny ýykmak. Halk, çalt ýatdan çykarýar, halk köp pikir edip duranok. Halk diňe bir näçe täsirli söz bilen hereket etýär. Halk, köplenç nadandyr. Bu, adamyň sosiýal zehni, ýada sosiýal häsiýeti şeýle bolandygy üçin şeýle. Bir adam bir topary ýalňyş pikirlere we netijelere eltip bilýär. Adam gowy bolsa, jemgyýet gowudyr. Ýurt parahatdyr. Dünýä jennetiň kölegesi ýalakdyr. "Nähili bolsaňyz şeýle dolandyrylarsyňyz."
Pygamberimiz (s.a.w.) we sahabalary, hiç haçan konspirasiýa teoriýalary bilen meşgul bolmadylar. Munapyklary tanasalarda, olara garşy ýekejede bir kemsidiji söz aýdylanyny taryh ýazanok. Onda biziň, tanamaýan adamlarymyza bilmeýän adamlarymyza, munapyklara hem aýdylmadyk sözleri aýtmagymyz, haýsy adalatyň haýsy düşinjäniň netijesi?
Gel indi, şunça sözden soň, tanamaýan adamlaryňa hapa söz aýt, ("ähli musulmanlar dogandyr" hadysyny bilibem) gyz ýada oglan doganyňyň göwnüne deg, bir şarpyk ur. Ýöne soňunda bu edenleriň üçin, Biriniň göwnüne degip, hapa söz aýtdyranymyz üçin, dinimizi dogry mysal bolup tanadyp bilmedigimiz üçin, Uly Kazyýetde, Iň Adalatly Kazyýetde jogap bermäne de taýyn bol! Bilmedim, eşitmedim, habarym ýokdu diýerismi? Onda habarymyz bolsun!
Arhiwiň ýagdaýy
● Doly tekst
● 98/98 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 1 maý 2012 ý. · Asyl sahypany gör ↗
Teswirler 98
Konstruktiw kritika shul oydyan)
Seninle arkadas olmak isterdim)
şu zatlary pikir edip ýazyp bilmegem seň terbiýä eýedigiň we terbiýe berip biljek güçdedigiňi görkezýä. Metodika ýalňyş bolsa-da bir ýerlerden ýol arçap dogry terbiýä ýeten bolsaň öziňden soňky nesillere geçiribem bilersiň. Mydama bir zada garşylygym bar. Anyk gürlelenok. Ýa özüňe maslahat berýän ýaly ýa-da ilki öziňi basýandygyňy görkezip (bulam bir dereje özini pespäl görkezip garşykyň duýgysyna pitikläp) öwretjek bolmak. Aslynda düşünýänler üçin iň täsirli ýol. Ýöne häzir (bilemok meň göriş künjegimdenem bolup biler) seredip otyrýaň-da bilmän edýänden bilip edýän köp. Wot bilýä, we tupo şony edýä. Beýleleri üçin anyk gürlemekde, açyk fakt getirip ýalňyşyny gözine dürtmekde peýda barmykan diýýän. Sypaýçylygy kä wagt gereginden agdyk halpartýas.myka diýýän. ýene özim faktsyzam gürleýän-dä. birazajygam batyrgaýlyk gerek...
temada anyk gürriň bar. men iň gowsy ýataýyn 😆
konstruktiw - yapici, olumlu şekilde, adekwatny - uyumlu, uygun şekilde
Köplenç internet äleminde hiç kim ýüz görenok, kimligimi bilenoklar ýa men başga adamyň keşbine girsem tanamazlar diýilýär, emma ýazgylaryna, ýazgylaryndaky pikir yzygiderliginden adamyň içki dünýäsini, terbiýesini, sylanyşygyny bilmek aňsat. Biziň terbiýe metodlarymyzyň netijelerini häzirki wagtda şu ýerdäki zatlara göz gezdirip çaklanan baha bermek kyn däl. Ene-ata çaga üçin görelde bolup, dogry ýola gönükdirmeli, ýöne öýde çagalaryna ene-ata bolmakdan daşary çagasy üçin dost-jora bolmagy unutýarlar. Çagalaryna has ýakynyrak bolan ýagdaýynda çaga öz pikiri bilen erkin paýlaşmaga arkaýynçylyk döredip, olara hem özbaşdak pikir ýöretmegi öwretmeli. Bizde ene-atalar tankyda ýol berenoklar, onuň bir sebäbi olaryň özleri hem şeýle jemgyýetde terbiýeleneninden bolup bilmezmi? Ýagny geçmişdäki ýapyk jemgyýetler, bir-birekden öwrenip bilmezlik sebäp bolup bilmezmi? Ýokarda belleýşiňiz ýaly <<köpçülik garyn doýurmagyň aladasynda>>. Maşgalada eje öz hakyky roluny ýitirdi diýen ýaly, şu ýagdaý çaga terbiýesinde uly oý döretýän zat diýip hasaplaýan. Soňky aýdanlaryňyz bilen doly ylalaşamok: Çaga <<Men sögünemok, senem sögünme, men edemok, senem etme>> diýip terbiýe bermeli däl. Ene-ata özi nähili ideal bolsalarda çagasyna özleriniň ideal bolany üçin şeýle bol diýmeli däl-de, şolar ýaly gowulygyň we ideallygyň polozitel taraplaryny düşündirip, çaganyň özi şeýle bolmaga höwesi dörär ýaly etmeli. Gepiň tümmek ýeri hälki birki sany temadaky ýaly ýene aýlanyp ene-atanyň çagasyna berýän terbiýesine dolanyp gelýär. Ýöne bu ýerde bellik etmeli zat ene-atadan daşary mekdebiň öwretjek zatlary hem girýär. Ýene mesele başga düýbe gitmeli bolýar.
Biz bir yany pyntyklajak bolyan bag gornushi. Acylmak ucin koop okamaly. Men hic hic zat bilemok cynym blen, a nebsim bolsan ciship yarylayjak bolya men kop bilyan diyip. Gaharly, kineli yazylyan teswirleri nebsime boyun bolan wagtym yazyan. Tema gaty ickin ajayyp deneshdirme. 😊
Cagan terbiyesi gezyan dost,jorasynada gaty bagly. muna durmushda kop shayat boldum
Bu ýazylanda konstruktiwlik bar bolup biler, ýöne hiç hili kritika ýok. Adekwat - her kim üçin dürliräk bolsa-da normadan çykmaýan derejedäki normadaky zatlar, çäkden çykmaýan gürrüňler. Konstruktiw - Yzygiderli, pikir yzygiderligi, konstruktiw jedel - yzygiderli jedel.
Ýazylanlara goşulýan. Bu hem ýokarky ýazgylary başga düýbe äkitýän gürrüň.
eger özi etmeýän zadyny düşindirýän bolsa, tesiri bolanok. Kakasy, sögünmekligiň erbetligini düşindirip özi daşarda sögünýän bolsa, çagalaryna sögünmezlik barada nähili gowy hekaýa, polojitel sözler aýdyp beräýsin, kän täsiri bolanok. Indi, gepiň tümmek ýeri, ene atalaryň çaga terbiýesi dälde, bize gelýär. Ýagny temany başga düýbe ýada başga ýerlere däl, özümize getirmeli. Ene-ata terbiýesi temalary, howadaky temalar, olar başga birilerimişin ýaly gürleşilýär. O gürrüňleriň peýdasy kän ýok. Şu temada sanalan 3 ýagdaýda subýektiwny temalardan çykyp öz bolup ýörşümiz.
...mbah
dos gowy tema.mena gije okamson kelle gowy daldir 😆.yöne bari wirtual dp edeniniz etman!
S.A.V.
Şu gün Jumga namazynda hem adamlaryn göwnüne degmezlik barada hutba bardy...
Yerlikli mowzuk, sagbol Free.
Yöne in wajyp agza teswir yazmandyr, gaty göwnüne degipdirler öytyan (:
bu tema, menin bir gez beygelip onkuden hem seryozny bolup, oylanyp ayak basjak harakterlerimin doremeginin sebabi bolsa gerek
aşakdaky kostruktiw adekwat teswirleri okap menä bir hili özümi günäkärem duýup başladym 😆
gipnoza sokyan blog oydyan bu 🙂
gowy pikirler
gaty yerlikli mowzuk ozem her bir sahsa dusnukli bolar yaly edilip yazylan
''Halk, köplenç nadandyr. '' shu sozunizi basgaca aytsanyz gowy bolardy, yalnysh dushunjekler kopdur.