HEKAÝA

Leman atly bir gyz çagajyga kakasy aşhana oýunjaklaryny alyp berdi. Ýalpyldap duran bu gaplary gyzjagaz örän halady. Oňa mundan gowy sowgat etmek mümkin däldi.
Aşhana oýunjaklaryna eýe bolan güni begenjiniň çägi ýokdy. Olary ýuwup, guradyp gutusyna ýerleşdirerdi. Joralary ýanyna gezmäge geleninde aşhana oýunjaklaryny çykaryp olara nahar taýýarlan kişi bolýardy. Jigisi Kemal köplenç oýunlaryny bulaşdyrýan hem bolsa, Leman muňa kän üns bermeýärdi.
Bir gün Lemanyň mekdepde wagty jigisi onuň oýunjaklaryny oýnasy gelýändigini aýtdy. Kakasy hem alyp berdi. Kemal göribräk çagady. Niýeti oýunjak oýnamak däldi aslyýetinde. Lemanyň oýunjaklaryny zaýalasy gelýärdi. Soňra oýunjak oýnaýan kişi bolan bolup, käseleriniň birini aýagy bilen mynjyratdy.
Leman öýe geleninde oýunjaklarynyň pytrap ýatandygyny görüp aljyrady. Olary ýygnajak bolanynda mynjyradylan käsesini gördi. Gynanjyndan gözlerine ýaş aýlandy. Ejesi oýunjaklary kakasynyň berendigini aýdanynda bolsa sesini çykarmady. Gynanjyny içinde saklady.
Ertesi gün ýene-de iki sany tabajyk şeýle hala getirilipdir. Leman çydap bilmän mynjyradylan käsäni we tabajyklary alyp kakasynyň ýanyna bardy we:
– Kaka jan, seretsene! Kemal meniň oýunjaklarymy nädäýipdir?!- diýdi we aglamaga başlady. Kakasynyň jogaby näme bolandyr öýdýärsiňiz? Şeýle diýdi:
– Näme bolanmyş indi?! Olary saňa men alyp bermänmidim näme? Ýok bol ýanymdan, senden başga-da işim kän.
Leman özüniň söýgüli oýunjaklarynyň mynjyradylmagyna üns bermeýän kakasyna garşy içinde ýigrenç döretdi. Aradan bir hepde geçip-geçmänkä gyzjagazyň ýüzüniň reňki üýtgedi. Öňki şatlygyny ýitirdi. Ol wakadan soňra onuň kakasyna söýgi bilen garanyny gören eşiden ýokdur.