Nähili satsagam alarsyňyz. Ölseň öläý.
Salawmaleýkim hormatly agzalar.
Arada pikirlerde şeýle sorag bilen ýüzlendim welin, gaty gowy pikirler geldi bu mesele gozganylmaly diýlen karara geldim. Şu ýerde özüm kiçijek maglumat ýygnadym we siz bilen paýlaşmak isledim. Siziň hem bu barada pikirleriňizi ýazmagyňyzy we bolan wakalary gürrüň bermegiňizi haýyşt edýän.
Asyl meselä gelsek, Türkmenistanda öndürilýän önümleriň köpüsinde, esasan hem iýmit önümlerinde "öndürilen senesi" diýlen formanyň boş goýulýandygy. Ýagny kolbasa, gaýmak, gatyk we ş.m çalt zaýalanýan önümleriň köp böleginde hiçhili öndürilen wagty ýazylmaýar.
Ählisinde diýen ýaly, "ýaramlylyk möhleti" 72 sagat, 24 sagat ýaly ýazylýar, emma haçan öndürilendigi ýazylmaýar. Eger-de çykarylýan kolbasalar 1 ýyllyk saklanyp bilýän bolsa, ýa başga bankada önümler bolsa 1 ýyl, 2 ýyl saklanyp bilinjek, onda hiçhili geň görjek däl. Nähili hem bolsa srogy geçmedik diýip satyn alyp bileris. Emma 72 sagatda zaýalanýan birzadyň öndürilendigine näçe sagat bolmandygyny bilmän satyn almaklyk birhili.
Pikirlerde hem, bu öndürilen wagtyny ýazsalar hem-de ýaramlylyk möhletini ýazsalar köp önümler şol görkezilen sagatdan köp durandygyny bilerler we adamlar satyn almazlar diýip ýazypdyrlar. Öndürýänleriň şeýle pikir bilen edýändikleri hemme kişä hem mälim birzat, iň gowusy srogy geçdi diýlenden srogyny ýazmaly düşünje bilen ýöreýärler. Ýöne bu ýol dogrymyka? Satyn alýan adamlar näme bolsada adam we saglygyna zyýan getirip biljek derejede bir ýalňyşlyk edýän bolmaklary mümkin. Ýa-da türkmen näme iýse siňdirip otyrmyka gök çaý bilen?
Garaz bu mesele boýunça, döwlet edaralarynyň haýsysynyň jogap berýändigini bilmedim. Ýöne TDS (Türkmen Döwlet Standartlary) her önüme sertifkatlaşdyryp ýaramlylyk möhletini çykaryp berýär. Ýagny bir firma gaýmak öndürjek diýse, şol gaýmagyň näçe wagtda zaýalanýandygyny anyklap berýär we şol ýazgy bilen satylýar. Ýöne haçan öndürilendigine kimler jogap berýär we näme üçin bu işlere göz ýumulýarka?
Dogrusy gaty çişirip ýazar ýaly meseleleriň biri hem däldir, onda-da şeýle ýönekeýje zatlara seredilse we halk üçin kontrolda saklanylsa halka peýdaly bolar diýip pikir etdim. Eger bu barada bilýän maglumatyňyz bar bolsa, ýagny şeýle önümden soň saglyga zyýan degen bolsa kime ýüz tutmaly, öndürijä nähili jerime berilýär ýa-da öndürilen wagty ýazylmadyk bolsa nähili çäre görülýär we ş.m maglumatlary paýlaşsaňyz begenerdim. Çünki aramyzda bu ugurda okap we işläp ýören oglanlar, gyzlar hökman bolaýmaly.
Arhiwiň ýagdaýy
● Doly tekst
● 91/91 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 5 maý 2012 ý. · Asyl sahypany gör ↗
Teswirler 91
daşoguzda bir tanyşlarymyň dükanyna sanstansiýadan hergün diýlen ýaly adam gelip önümleriň möhletini barlap gidýädi... barlaýanam öz iýjek kolbasasy ýa-da smetanasy... 😆
Gök chaý bilen siñdirmäne dowam ederis entek entek...
Dashoguzda bir dostum market ishledyar, shonun aydyshyna gora kop dukanlarda, marketlerde ondurilen senesi wagtyndan gechen bolsa da satylyar. Bir iki yerde ondurilen senesi gechenlerin ustine tazeden ozleri kagyz bilen yapyp taze ondurilen yaly edipdirler. Stansiya diylen yerden gelenlerem name... ay bolya da. Yone hemmesi daldir elbetde. Halky hem bu temada bilgilendirmeli.
pikir ediň, gatyk öndürip satýaňyz... gatygy gaplap satuwa taýýar edeniňizden soň eger 72 sagat möhleti başlanýan bolsa... şol 24 sagatdan 5-6 sagadyny dükanlara gidýänçä ýoldaky wagty bolsa... soňam dükanda 10 sagada golaý alyjysyny garaşyp dursa... bir gelneje gelip agşamlyk naharynda mantynyň ýanynda gatyk hem bolsa erbet bolmazdy pikiri bilen gatygy aldy.... mantysy bişýänçä ýene 4-5 sagat geçdi... jemlesek 20 sagat töweregi bolmaly... amatlyja wagt...
ýöne bir bellenmeli zat bar!!! şol gatyk hakykatdanam şol agzalan wagtda tükedilýärmi?... dükana geliş ýoly 10 sagat tutsa näme etjek?... dükanda 2-3 günläp duran gaatyklar ýokdyr öýdýäňizmi?... özüňiz alan gatygyňyzy derrewjik alanja günüňizde tükedýäňizmi?..
😆 hahaha ay tm onumleri sroksyz oydyan. hachan iyesin gelse iyibermeli, kolbosany 1 gunde sutdaka iymeli yone.
haýsy stansiýa? lawak?
Koroçe, men pikirim şeýle. Bu gatykçylar zatlar korobkasyny öňünden başga bir firmadan zakaz edip öňdürýäler. Soňundan gatyk guýulan soň çislo basmaga apparatlary ýok bolaýmasa? Ýöne olam basmazlyga bahana däl!
Edil 72 sagat geçeni bilen iýeniň bilen hiçzat bolmaýan bolsa, çala tagamy üýtgeýän bolsa, onda 120 sagat hem ýazyp bilerdiler. Şu gatygy maksimum 5 gün içinde iýip bolýar diýip, onda hä diýersiň, bular hem 72 sagat diýip ýazýar, hemem ony oňaranoklar.
Mesele shu, hany bir alym diypdira shu wagt milletimizin 3 sany dushmany bar 1.jahyllyk 2.garyplyk 3.agzalalyk. Shu tema edil sho 1-nji punkty gorkezyar. Birinjidena adamlaram kan bilgili dal, ikinjidena bu halkyn ichinden chykan we sho zatlary barlamaly adamlaram kan bilgili dal (bilgili dal diyyanim bilmeyan yaly hereket edyaler yogsam kop zady bilyaler weli). Bilyanini bilmeyan adamy oyandyr diypdirlera. Bu adamlary nadip oyandyrmaly? Yagny shu barlag gechirmeli adamlary. Yone men elimden name gelyar. Hich zat dine teswir yazyan barde. A olar name bu teswiri okayarmy diysene. Boljak zat yene boljagyna barar. Biz dine sessizlige gygyryp galyas. Yada tarapsyz tarapa, hich tarapa gygyryas.
Wawwaly temaň ustunde durup geçipsiňaý, kolbosaň dagy haçan çykany belli däl, iýeňsoň haçan ýor diýse gidibermeli 😆
San-stansiya
bärde towuk ýumurtgasyny gulan gününe çenli ýazýarlar... soňam plança günde tükediň diýip agzalan... ýazylanda hem nakleýka ýazylan soňam gabyň daşyna ýelmeşdiribermeli... kän kyn bolmasa gerek...
shulam bolmagy mumkin dost. garaz tmna azyk paketleme enjamlary yetenok oydyan.potensial bar oydyan.
süyt her gün täzelenyär bärdeha. Halkyn icyan cayy dine süytlicay bolany ucin. Agsama käte tapyp bolmaya süydi sagat 6 töwerekleri srogy bilen ma$ynlar gatnap dükanlara paylayar. Süyt öndurulyän yerler sanardan köp bolsada alynyar we zayalananyn satylyany azmyka diyän. Süyt pakedin icinde firmalar bar $olaryn arasynda yary$ gityän yaly hemem. Gatyklarynda 14gün srogy bar cislo yazyk. Gecen alanymda zayalanypdyr son baryp aydamda bagyslan diydi. Olam men yalnyslygym howlugyp alypdym seretmän. Kolbasa yok gynansakda.
Sanepidstanciya gelyar, yalandan barlan bolyar, gerekli pulyny alyar (onumlerin sroklaryna seretmeyar, gigiyena seretmeyar, dine dolyasyny alyra) gityar... Charh aylanyp dur. Yone mena entek kan eshidemok, gatykdan, ya da kolbasadan otravleniye bolupdyr diyip.
Beyleki dowletlerde nutrition fats yazygly bolmasa bir onumin dashynda, suda hem beryarler...
Yashasyn Baky, Bitarap, Garashsyz Turkmenistanymyz!
Biz rus.da gundelik buhanka, suyt taze bolmasa almadyk bolýashow (wçeraşnyý diýen bolup) Aňyrda sorasaň <ölesiň ýok alyber> diýerler
Edil olesing yoklay korpe. Almasang bowrune yarag dirap duran yokdyra. 👍
Talap bolmadyk ýerde ösü$ hem bolmaz.Talabyñ hökum sürmeli ýerindi pul höküm sürse,iýjegin srogy geçen önümler bolar.
Reklamada Aşyr däde iýýär we öwýär. Aşyr däde aýtýara : ''Örän tagamly we ýokary hilli'' :-)