Ala gözli Maral

Ala   gözli   Maral   gaýadan  gaýtdy,
Gün  nuruna   al  öwüsdi  alkymy.
Soňam  esli  salym   ýaňlandy  durdy,
Bir   elhenç   gümpüldi   säher   salkyny.
Bu  goha  çalaja  tisginen  owlak
Howlukmady,   äwmän   ýerinden   turdy.
Soň  julgäň   düýbüne — bir   gara gorpa
Geň  galyp,  geň  galyp  garady  durdy.
Birdenkä-de   diriň-biriň   bökjekläp.
Başlady  ol  bir  günäsiz  oýuna.
Özün  goýup  gaçan  enäň yzyndan
Bökdi  keýp   bilen  jülgäň  teýine...