Gyzlara

Gyzlara

Wasp etmäge mejbur etdi dillerim,
Derdime derman bolup, ýaran näzleriň.
Ýigit baryn perwaz edip ugruňda,
Messan basyp, assa garan uzlaryň.

Saçlaryň owsunar ylla mar ýaly,
Sende üýtgeşik jady bar ýaly.
Alkymyň misli akja gar ýaly,
Mährine bendi eden, şirin sözleriň.

Her göremde haýran, nurly keşbiňe,
Nädip ýaratdy zemin, ajap keşp diňe.
Meni bendi eden, çeken keşdime,
Kirpigi ok, ol garaja gözleriň.

Bagda bilbil bolsaň, menem bagbanyň,
Görküne görk goşar, gözel çarbagyň.
Güller gurşap alsa, dolap çarýanyň,
Bahary bahar eder, seniň ýazlaryň.

Aklym haýrandyr nurly jemala,
Saçlaryň tolkunar, ygyp şemala.
Gül bilen bäsleşýän ýaly hamala,
Bark urar anbar ysy, ýörän yzlaryň.

Gara gözleň jan almanyň kastyna,
Durabilmen ol bakyşlaň astyna.
Aýdymlarym diňe seniň waspyňa,
Bagyş edeýin, iň ajabyn sazlaryň.

Bir-birinden görmegeý, serwi gözeller,
Ýene näçe ýazsaňam, azdyr gazallar.
Deňäp bolmaz size, altyn gyzyllar,
Yegen waspyn eder, gözel gyzlaryň.

Saňa...

Arzuw etdim ýeke bagty,
Söýenim gelin boldy.
Ak bagtymyň çyragy,
Saýanym gelin boldy.

Gündiz doýman käte gije,
Duşuşardyk nije-nije.
Aýralyga düşdi bije,
Arzuwlanym gelin boldy.

Söýdüm gara gözlerini,
Söýdüm näzli uzlaryny.
Gyşa öwürdiň ýazlarymy,
Baharym gelin boldy.

Ýatlamalar yzda galdy,
Jigerimde yza galdy.
Göwnüm özge gyzda däldi,
Saýlanym gelin boldy.

Indi maňa ýetme ýok,
Saňa tarap ätme ýok.
Salan ýaraň bitme ýok,
Söýlänim gelin boldy.

Ýetginjeklik ýaş waägty,
Köp gördüler bu bagty.
Yşk bagymyň daragty,
Deregim gelin boldy.

Diýerdiň sen geregim:
"Özge tutmaz deregiň,
Sen dünýede diregim",
Diýenim gelin boldy.

Ykbal bize ýazypdyr,
Aýralygy gazypdyr.
Indi söýgim gazapdyr,
Ak bagtym gelin boldy.

Arzuwlapdym umyt baglap,
Käte ýatlap, kä hem aglap.
Şum kysmatdan bagrym daglap,
Täji tagtym gelin boldy.

Şat geçipdi bile günlem,
Desse bogup beren güllem.
Waspyň eden şirin dillem.
Alma narym gelin boldy.

Indi boldy besdir maňa,
Puç söýgini ýatlap daňa.
Gözýaşlarym dama dama,
Dildarym gelin boldy.

Yegen indi batma gama,
Umytda bol elmydama.
Özge gözel duşar saňa,
Ol gyz indi gelin boldy.
Köňlüm otly ýalyn boldy,
Pany dünýe ýalan boldy,
Umytlarym weýran boldy...