KIMÝON Cuminum cyminum

KIMÝON Cuminum cyminum
Kimýon peşew kynçylygyny we iç geçmäni gidirer, prostat we beýleki içki
mäzleri gorar, naharlaryň siňdirişini we gazyň (ýeliň) çykarylmagyny
aňsatlaşdyrar, böwrek we siýdik haltany kesellerden gorar, daşlary bölüp döker,
içege ýaralaryny bitirer, derini owadanlaşdyrar. Kimýon köp ulanylsa, derini
saraldar. Kimýon palowa ýada çorba däne ýagdaýynda, başga naharlaryň üstüne
bolsa, owradylan görnüşde goşulyp bilner. Owradylan kimýon çalt zaýalanar.
● Bir ölçeg kimýon, senna bilen käkilik oty ýada kişmiş owradylar, şu
garyşymdan 1 çaý çemçesi naharyň üstüne sepiler. ●Däne ýada kimýonyň külkesini iýmek ýada çaýyny içmek iç geçmäni
durzar, daşlary düşürer.
● Owradylan kimýon bal we zeýtun ýagy garyşdyrylyp, erkek mäzlerindäki
çişlere ýapylar we 3-5 sagat saklanar.
● Bal sirobyna goşulanda ene süýdini artdyrar. Bal sirobyna azajyk sirke we
kimýon goşup içmek peşew kynçylygyna we dem alyş darlygyna gowy
peýda eder.

●LIMON Citrus limonum
13 limonyň suwy sykylyp, suw bilen garyşdyrylyp, her gün irden aç garyna
içilse şypadyr. Limon gandaky PH deňagramlylygyny üpjün eder, allergiýa,
egzema we kömelege (griboga) garşy örän gowudyr. Ýokary gan basyşy,
gyzgynlygy we şekeri peselder. Iriňi guradar, gakylygy ýumşadyp,
öýkenlerden söker, horlanmagy we iýmit siňdirişi aňsatlaşdyrar. Aýratyn hem
gan topary «A» bolanlara limon we limon suwy örän peýdalydyr. Limon
bedendäki duzy ereder, peşewi köpelder, siýdik halta we böwrek daşlaryny
bölekläp düşürer. Derä çalynsa, derini owadanlaşdyrar, örgünleri geçirer.
Limon suwy kelle agyra, bogaz infeksiýalaryna we angina çişmegine gowy
peýda eder. Gusmagyň öňüni alar, iç geçmäni durzar. Gyzgyn suw bilen
içilende derleder. Limon gabygyny çeýnemek dişiň etiniň ganamagyny,
şäniklerini çeýnemek iç gatamanyň we gemorroýyň öňüni alar. 2-3 gr gury
limon şänigi ýada limon gabygyny owradyp, suw bilen içmek zäheriň her hili
görnüşiniň täsirini azaldar. Ýylan çakan ýagdaýynda, limon gabygynyň
suwuny suw bilen garyşdyryp içmek we dişlenen ýere limon gabygyny ýapmak
gowy peýda eder. 2-3 gün boýunça, mazola günde 2-3 gezek üýtgedip limon
gabygyny ýapmak, mazoly ýok eder.
Limony şeker bilen iýmek zyýanlydyr, gan kislotasyny beýgelder,
duzlanmaga, allergiýa we kömelege sebäp bolar. Gural bilen sykylan limon
suwy turşy däl, turşumtyk süýji bolar.
Limon halamaýan kişi her gün irden suw goşup, greýfurt suwuny içmeli ýa-
da greýfurt iýmelidir.
Ýüň eşikleriň we ýüň zatlaryň arasyna limon gabygyny goýmak güýeleriň
köpelmesine böwet bolar.
Limon suwy 15-30 minutdan soňra şypaly aýratynlygyny ýitirmäge başlar.

●MISWAK Salvadora persica
Miswak dişlerden hem köp diş etleri üçin möhümdir. Çünki her bir dişiň
düýbinde tapawutly organlar bilen gatnaşykly iki akupunktur nokady bardyr.
Miswak akupunktur nokatlary arkaly, diş etlerine 28 nerw bilen baglanan beýniniň, 5 duýgy organy we sinuslaryň, myşsalaryň, içki organlaryň we jynsy
organlarynyň işleýşini deňagramlaşdyrar.
Miswak gakylygy aýrar, görme güýjüni köpelder. Agyz tagamyny
gözelleşdirer, diş etleri, aşgazan, içege, prostat, ýumurtgalyk we ýatgy
nerwlerini güýçlendirer, gakylygy aýyrar, diş daşlaryny (tartary) azaldar.
Miswak myşsalarda agyryny azaldar, diş etiniň keselleriniň we diş
çüýremeleriniň öňüni alar, agyzdaky zyýanly mikroplary öldürer, peýdalylaryň
ýaşaýşyny aňsatlaşdyrar, akyl saglygyny we ýatkeşlik kuwwatyny soňky deme
çenli gorar. Miswagyň täsiri ulanylandan soňra 48 sagat möhlete dowam eder.
Miswak ulanmak sünnetdir.
Dişi bolmadyklar ýada dakma dişi bolanlar (diş goýduranlar) hem diş
etlerine miswak ulanmalydyr. Dişlerinde gaplama bolanlar, diş etlerinde
dowamly gan dolanşygynyň bozuk bolandygy üçin, miswak ulanmakda has
näzik bolmaga mejburdyr.
Miswagy tüýkürik bilen çyglandyryp, alynky dişler bilen ýumşatmak
zerurdyr. Şu hereket ýatgy, ýumurtgalyk, prostat we merkezi nerw ulgamyny
güýçlendirmek taýdan möhümdir. Miswagyň şu görnüşde ulanylmagy şol bir
wagtda dişleriň gymyldamagynyň öňüni alar, gymyldan dişleri
kuwwatlandyrar. Günde 3-5 gezek we iň az 40 gün möhlete yzygiderli miswak
ulanmalydyr. «Miswak bolmadyk ýagdaýynda barmak miswak ýerine
geçer». (Hadysyşerif, Ibni Omar razyýallahu anhumäden).
■ Siýdik halta we böwrek daşlaryny eredip düşürmek üçin, süýem barmagyň
galyňlygynda 15 cm uzynlygynda 5 sany miswak alynar. Her biri 15 bölege
bölüner, 6 litr suwuň içinde, pes otda garyndynyň derejesi ýarym ýaryma
azalýança (takmynan 6 sagat) gaýnadylar. 3 gün boýunça, gutarýança
owurt-owurt içiler.