KENDIR (KETEN) TOHUMY Linum usitatissimum

Diş etlerindäki, ýüzdäki, ses perdelerindäki, göwüsdäki we islendik bir
organdaky içerki we daşarky çişleri gidirer, ses bozuklyklaryny ýok eder.
Böwrek we siýdik halta daşlaryny düşürer. Peşewi köpelder,
dogurmany aňsatlaşdyrar, aşgazany, içegäni we saçlary kuwwatlandyrar,
ýaralary ýapar. Aýratyn hem gökbogma, üsgürme we ýara üçin köp
peýdalydyr. Rak keseliniň öňüni alar, täze başlan rak keselini durzar.
■ 1 çorba çemçesi kendir tohumy owradylar, 1 çorba çemçesi bal we 35 diş
ýenjilen sarymsak bilen garyşdyrylar we ýuwudylar, üstüne suw içilse
(«Suw» bölümine serediň!) iç geçmäni durzar, iç gatamanyň öňüni alar.
■ 1 çorba çemçesi kendir tohumy gyzgyn suw bilen garyşdyrylyp, üstüne
mata ýapylar we 1-2 sagat demini almaga goýular. Ýa-da 1 çorba çemçesi
kendir tohumy 50 gr sowuk suw bilen garyşdyrylar we 5-6 sagat saklanar.
Soňra çigitleri bilen bilelikde günde 1 gezek içiler.
■ Täze owradylan kendir tohumy suw bilen garyşdyrylyp, ýenjilen ýerlere we
çişlere kompress ediler.
■ Gaýnadylan kendir tohumynyň goýaltmasy ýanyklara çalynar.
■ Kendir tohumy çitçiti bilen gaýnadylyp, bal bilen ýada ýönekeý iýlende,
rak keseline gowy peýda eder.
■ Çörek hamyryna goşulsa, çöregiň siňişini aňsatlaşdyrar.
■ Täze gowrulan we owradylan kendir tohumyny zeýtun ýagy bilen
garyşdyryp, kelle derisine çalmak kelligi durzar, saçlaryň uzamagyny we
gür bolmagyny üpjün eder.
Duýduryş: Owradylan kendir tohumyny garaşdyrman ulanmak zerurdyr.
Çünki içindäki omega kislotalary şypaly täsirini ýitirer!

●HYNA Cinchona
Hadysyşeriflerde: «Garrylygyňyzy hyna bilen gideriň! Sebäbi bu
ýüzleriňiz üçin owadanlyk, agyzlaryňyz üçin hoşluk we aýallaryňyz üçin kuwwatdyr. Hyna Jennet ähliniň yslarynyň seýýididir we hyna küpür
bilen imany böler»diýlendir.
Hyna gaýnadylyp içilse, gakylygy gidirer, owradylan we çyglandyrylan hyna
agyrýan aýaklara ýapylsa, aýak agyrysyny geçirer, gyzgynlykly çişlere
daňylsa, çişligi ýumşadyp, çişi gidirer. Hyna ýagy, nerwleri we ähli çişleri
ýumşadar. Hyna, owradylyp suw bilen garyşdyrylyp, dyrnak infeksiýasynda,
ýanyklarda we saç ideg etmede ulanylar.

■GYZYL ŞUGUNDYR Beta vulgaris
■ Gyzyl şugundyryň suwy iň güýçli gan düzedijilerden biridir.
■ Günde 400 gr käşiriň suwy bilen gyzyl şugundyryň suwuny garyp içmek
eritrositleriň sanyny gysga wagtda beýgelder. Damarlarda ýygnanan
mineral kalsiýni iň gowy eredip bilýän diňe şugundyr suwudyr. Mürrisafi,
zerdeçal ýada dalçyn bilen bişirilen gyzyl şugundyr, bagyr we dalakdaky
dykylmalary açar. Böwrek we öt haltasyny tämizlär.
■ Bişirilip ýenjilen gyzyl şugundyr çişlere ýapylsa, çişleri aýyrar.
■ Gyzyl şugundyryň suwuny içmek, ýatgydaky fibromlary we miýomlary we
gözdäki perdeleri ereder, gan şekerini we gan basyşyny peselder.
■ Prostat, tuberkulez we nerw kesellerinde peýdalydyr.
■ Gulaga ýyly şugundyr suwy damdyrmak, agyryny aýrar, iriňlemegi durzar.
■Kelle derisine çalmak goňagy aýyrar.
■ Petruşka we seldereý ýapragy bilen bilelikde ulanmak gyzyl şugundyryň
peýdasyny artdyrar.
■ Gyzyl şugundyr suwy gara kelem, ysmanak, käşir ýada semzek suwy bilen
garyşdyrylyp bilner.
■ Gyzyl şugundyr suwyna 30-50 gramdan başlap, 400 grama çenli çykmak
mümkindir. Ilkinji başda 50 gr gyzyl şugundyr suwy 150 gr käşir suwy
bilen garyşdyrylar, soňra 75 gr gyzyl şugundyr suwy, 125 gr käşir suwy,
soňra 100 gr gyzyl şugundyr suwy, 100 gr käşir suwy, soňra hem arassa
gyzyl şugundyr, suw bilen garyşdyrylyp içiler.