NARPYZ Mentha pulegium, M. Sylvestris

NARPYZ Mentha pulegium, M. Sylvestris

Narpyz aşgazany ýyladar we kuwwatlandyrar. Iýmit siňdirişe kömekçidir.
Gakylygy we gusmagyň öňüni alar, aşgazan we öýken çişmegini guradar. Limonly narpyz çaýy üsgülewigi aýrar. Narpyz, iýmitleriň
bozulmagyny gijikdirer, ýüz we agyz ysyny gowulaşdyrar. Senna bile bilelikde
ulanylanda içegeleri tämizlär, gurçuklaryň we zyýanly mikroplaryň
zyňylmagyny üpjün eder. Süýde goşmak, bozulmanyň öňüni alar. Täze narpyz
ýapragyny iýmek derleder, kelle agyrysy, baş aýlanmagy, aýbaşy agyrysy we
aşgazan ajamagyny gidirer, jynsy islegi azaldar.
Narpyz ýapragyny ýenjip, azajyk duz, suw we sirke bilen garyşdyryp içmek,
dalak kesellerine şypadyr. Injir bilen birlikde iýmek öýkenleri tämizlär, serroza
we sarlama örän peýdalydyr. Narpyz bilen bilelikde gatyk suwuny içmek, aýak çişme keseline we warikoza gowy peýda eder.

●NAR Puniсa granatum
Hezreti Aly razyýallahu anhu: «Allanyň nury, nar iýýänleriň kalbyndadyr»
diýipdir.
Biýologiki döwürleri çaltlandyrmada örän täsirlidir. Iýmit siňdiriş
ulgamyndaky ähli bozuklyklary düzelder, gany tämizlär. Ýürek gowşaklygy,
öýken keselleri, içdäki ýaralar, ýatgydan akýan suwuklyk, öt haltasy
rahatsyzlygy, gusmak, gemorroý, örgün we uçuklarda ulanylar. Nar suwy, bal
garyndy siňdirişi kuwwatlandyrar. Gabygy ýaşyl bolan peşewi köpelder. Turşy
nar iriňli kesellere we süýji kesele, süýjisi bolsa, bogaz we göwüs kesellerine
dermandyr. Nar, gyzgynlykly kesellere şypadyr. Däneleri we iç gabygy bilen
iýilse, iç gatamanyň öňüni alar, aşgazany tämizlär. Möwsüminde içilen nar
suwy derini tämizlär we ýalpyldadar. Dänesiz nar we arassa nar suwy içi
gatadar. Şo sebäpli nar suwy içilende, günde 1-2 gezek üzüm ýada injir iýmek
zerurdyr.
Nar gabygy iç geçmäni kesmekde we gurçuk düşürmekde derman hökmünde
ulanylar.
● Naryň daşky gabygy guradylar we owradylar. Irden-agşam bir çaý çemçesi,
suw bilen ýuwudylar. Çagalara bolsa 1/2 çaý çemçesi beriler, bal bilen
garyşdyrylyp bilner. Iç geçmäni durzar, gurçuklary azaldar, giňelen
aşgazany ýygnar.
● Yzly-yzyna 4-5 gün şänikleri bilen bilelikde nar iýmek içege gurçuklaryny
düşürer, iç geçmäni durzar we içege ýaralaryny bitirer.
● 1 çorba çemçesi gowrulan we owradylan bürünç we 1 çorba çemçesi ýuka
kesilen nar gabygy 400 gr suwda gaýnadylar we 4 gezekde içiler ýada
hemmesi klizma üçin ulanylar. Iç geçmäni durzar, aşgazan we içege
ýaralaryny bitirer.
● Nar çigitlerini guradyp we owradyp, günde 2 gezek 1 çaý çemçesi suw
bilen içmek, iç geçmäni durzar, aşgazan we içege ýaralaryny bitirer.
● Turşy nar suwy örgünlere we uçuklara çalynar.
●Aşgazan çişmesine garşy we peşew sökdürmek üçin, turşy (bal bilen bolup
biler) ýada süýji nar, çigitleri bilen bilelikde iýiler.

●SAFRAN Сrocus savitus
Safran içki organlary kuwwatlandyrar, kalby giňelder, dykylmalary açar,
işdäni azaldar, ýüz reňkini owadanlaşdyrar, dogurmagy aňsatlaşdyrar, peşewi
köpelder. Seldereý suwy bilen içilse, dalaga gowy peýda eder. Bal bilen içilse,
çägäni düşürer. Ýylanjyga, ýatgydaky rak keseline, bagyr we dalak kesellerine gowy peýda
eder. Göz üçin has gowudyr. Kataraktyň öňüni alar, gözleri kuwwatlandyrar.
●1 gysym safran 200 gr suw bilen garyşdyrylar, bir gün soňra süzüler. 50
100 gr suwa 12 çorba çemçesi goşup, günde 2 gezek içiler. (Suw bilen
garyşdyrylanda pyrtykal reňki bolmalydyr).