Ruhy asudalygyn gözleginde
Ruhy teselliň gözlginde
Ruhy tesellin we deňagramlyk temasy her bir adama gyzykly bolsa gerek. Her zaman adamlar, adamyn derisinin reňkine, jynsyna, ýaşyna, imanyna, milletine, baýlygyna, mümkinçiliklerine garamazdan, içki garmoniýa ymtylypdyrlar.
Adamlar bu arzuwly maksada her hili ýollar bilen barýarlar: kimisi – baýlyk ýygnaýar, kimisi – narkotik dadyp görüp, saza, meditasiýa girýär; käbirleri tesellini ýoldaşynda ýa aýalynda tapýarlar, ýada karýerada, ýada çagalarynyň üstünliklerinde görýär. Bu sanawa ýene-de soňsuz dowam edibermeli.
We gözleg hem dowam edýär. Häzirki döwürde yokary tehnolgiýa we modernizasiýa fiziki komforty üpjün edýär diýip bilinýär. Netije şolar adamy ruhy tesellä getirýär (ýada getirmeli).
Ýöne, gynansagam! Umytlar puç bolýar. Mysal hökmünde Amerikany alalyň. Amerika – tehnologiýa we senagat jähtinden iň ösen döwletleriň biri. Biz name görýäs? Teselli we garmoniýany? We ýene-de ýok, gynansagam! Statistika görä, ýaşy uly adamlaryň 20 milliony depresiýadan şikaýatly. Bu depresiýa eýsem içki tesellimidir? Mundan başga, 2000 ýyla golaý özüne kast edip öldürmeler “SPID” keseli sebäpli ölýänlerden 2 esse artdy. Ýöne köpçülikleýik habar beriş serişdelerinden biz köplenç “SPID” ýaly kesellerden ölýänler barada köp eşidýas. Hatda jenaýat bilen öldürilenleriň sany özüne kast edip öldürmelerdenem az.
Diýmek, ösen tehnologiýa we modernizasiý içki asudalyga we tesellä getirenok eken. Fiziki komfortyň we daşky dünýän ösüşi – bizi teselliden daş düşürýär. Biziň ata-babalarymyzam bize görä has içki tesellili durmuşda ýaşanlar.
Umuman, içki garmoniýa we teselli bize nesip etmejek garyşyk, bulaşyk bir zat ýaly görünýän ýaly.
Biziň köpümiz içki tesellini şahsy kanagatlanma diýip ýalňyş düşünýärler. Köp zatlar bize bir näbelli derejede kanagatlandyrýar. Isle bu baýlyk bolsun, isle jynsy gatnaşyk w.ş.m. Yöne uzak dowam etmeýär, gelşi ýaly gidýär. Hawa, wagtal-wagtal bu tüýsli kanagatlanma bolup geçyär, bize bir zatlar begendirýär, ýöne bu içki teselli däl. Hakyky içki teselli – durmuşyn agyr kynçylyklaryny ýeňip geçmäge kömek edýän hemişelik kanagatlanma duýgusy diýip kesgitlenýär.
Asudalyk diýip –bizi gurşap alan barlyklardan ybarat boljakdyr diýip düşünmeli däl. Beýle düşündirişi sözlükler düşündirýär. Asudalyk – bu uruşsyz we halklaryň garşylygy bolmaýan asudalyk (Sözlük düşündirişi). Uruş hiç haçanam gutarmady. Ýeriň haýsam bolsa bir ýerinde hökman asudalyk ýok. Eger biz asudalygy döwlet derejesinde garasak, onda köpçülikleýin düzgünlikler we howpsuzlyk asudalyk diýip düşüniler. Yöne bu şekildäki doly asudalyga düýäde haýsydyr bir ýerde görüp bolarmy? Eger jemgyýetçilik derejesinde asudalygy kesgitlesek, onda bu maşgalada ýada işde onuşmazlyklaryň we jedelleriň ýok bolmagy. Ýöne beýle asuda sredany nirde tapyp bolar? Eger sreda barada aýtsak, biz bärde adamyň bolýan ýeri diýip göz öňünde tutýas, onda elbetde, ýuwaş we asuda sreda bar. Hiç adamsyz ada, meselem. Ýöne aňyrda-da uragan we güýçli yeller asudalygy bozýar.
Beýik Allah tagala aýdan:
“Hakykatdan hem, Biz ynsany mähnet-muşakgat (alada) üçin ýaratdyk”
Kuran 90:4
Ýokardaky aýata düşündiriş: Ýagny, ynsan özüne jan bagyş edilenden, tä şol jan bedenini terk edip gidinçä, zähmetde, aladada ömür sürýär. Bu barada musulman hem, käfir hem deň derejede mähnet-muşakgatlary başdan geçirýärýärler. Ýöne musulman Ýaradanyň buýran iş-amallarynda jan köýdürýär, özüniň güýç-gaýratyny mümkingadar sogaply işlere sarp edýär we gerek bolsa, Hak ýolunda janyny gurban edip, ahyretdäki baky rahat-asudalyga ýetýär. Emma käfir, ygtykatsyz kimseler bolsa, arzan haý-höwesler we özlerine hem, özgelere hem bipeýda-biwepa bolan puç arzuw-hyýallara ýetmek ýolunda janlaryny jepalara berip, akybetde bu dünýädäki zähmet-kynçylyklaryndan daşgary, ol dünýädäki dowzah azabyna-da giriftar bolýarlar.
Ine, biziň durmuşymyz hem şeýle. Biz kynçylyklar we söweşler bilen gurşalan. Käwagt ösýäs we çökýäs. Käwagt alada edýäs we käwagt teselli tapýas.
Durmuş synagdan doly. Allah tagala aýdan bu barada:
We, elbetde, size howp-hatar, açlyk, malu-jan we miwe-çiweleri kemeltmek ýaly närseler bilen sapak edýäris. Bir musybat gelende: “Elbetde, biz Allahyň (bendeleridiris) we, elbetde, biz Oňa gaýdyjylardyrys” diýýän sabyrlylara hoşhabar beriň, (eý, Muhammed)!
Kuran 2:155
Diýmek, durmuşdaky kynçylyklary ýenip geçmek üçin sabyrly bolmaly eken.
Ýöne içki garmoniýaň bolmasa sabyrly bolup bolanok. Näme etmeli?
Hatda daş-töweregiň kynçylyklar bilen dolan hem bolsa öz içiňde asudalyk gazanyp bolýar, hemmelere bolan asudalygy.
Içki asudalygy we garmoniýany gazanmaga bize näme päsger berýär? Bu päsgelçiliker ýüze çykaryp olary ýok etmegin strategiýasyny işläp düzmeli. Olar biz islämzok diýenimiz bilen ýöne aýyrylyp gitmezler. Bize plan gerek. Şeýlelikde, biz bu päsgelçilikleri ýok etmek üçin näme ederis we netijesinde ruhy asudalyk gazanyp bileris?
Birinji ädim – päsgelçilikleri ýüze çykarmak. Biz ony bilmesek, biz ony hijem ýok edip bilmeris ahyryn. Ikinji ädim – kesgitlenen päsgelçilikleri hakykatdanam päsgelçilik diýip tassyklamaly. Meselem, gahar – asudalyga eltmeýän uly päsgelçilik. Eger adam gaharda özüni ýitirse, onda nädip ol içki asudalygy gazanyp biler? Hiç mümkin däl! Şol sebäpden gahary – päsgelçilik diýip tassyklamaly.
Ýöne, “Hawa, gahar – bu päsgelçilik, ýöne men gaharlanamok” diýip pikir edýan adamda problema bar. Diýmek, ol muny päsgelçilik diýip tassyklanok. Sebäbi aýan zady ýagny, ganaryň içki asudalyga eltmeýänligini kabul edenok. Beýle päsgelçilikeri dürli gruppalara bölseň bolýar: şahsy problemalar, maşgala oňuşysyzlyklary, pul problemalary, işdaki uly basyşlar, ruhy bulaşyklar. We her gruppa özüne layyk çözgüti talap edýär.
Arhiwiň ýagdaýy
● Doly tekst
● 8/8 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 4 maý 2012 ý. · Asyl sahypany gör ↗
Teswirler 8
Kadardakyny (maňlaýda bar bolany) kabul ediş.
Durmuşda kynçylyksyz, päsgelçiliksiz, problemasyz adam tapmak kyn bolsa gerek. Haçanda biz her birini yzly-yzyna çözmäge başlasak, onda biz tükeniksiz aýlawyň içinde bulaşyk galarys. Olary ýenip geçmek üçin diňe gruppalara birleşdirmek gerek. Şonda biraz kynçylyklar bilen söweşmek biraz ýeňil bolar.
Ilki bilen, bize çözüp bolmaýjak ýaly görünýän problemalary ýüze çykarmaga çalyşyň. Biz olary päsgelçilik diýip kabul edip bileris. Ýöne beýle pikir etmek ýalňyşdyr. Aslynda bolsa bu kynçylyklar we muşakgatlar – Allah tagalanyň bize ýazan kadarydyr, başgaça aýdanymyzda – ykbaldyr.
Meselem, kimisi garalary islenilmeýän ýerde gara bolup dünýä inendir, kimisi hemmeleriň diňe baý bolmak islenilýän wagty garyp boldy eneden boldy, kimisi hiç saglyk kemçiliksizleri islemeýän wagty, saglyk kemçilikli eneden boldy w.ş.m.
Bu problemalaryň çözgüti şu wagtam we owalky döwürlerde-de adama bagly däldi. Özümiziň haýsy maşgalada dogmalydygyny biz çözemsoz, biz öz ruhumyzy ýerleşdirer ýaly beden saýlap bilemzok. Biz muny isleýäsmi ýa islämzokmy, ýöne hemme bolýan zada boýun alyk bolmaly we kabul etmeli. Allah tagala aýdan:
Size ýaramasa-da, jeň etmegiňiz parz edildi. (Şunlukda) siziň özüňiz üçin ýagşy bolan närsäni gowy görmezligiňiz we siz üçin ýaman bolan närsäni ýagşy görmegiňiz mümkin. Allah bilýändir, siz bilmersiňiz.
Kuran 2:216
Edil şunuň ýaly bize bagly däl päsgelçilikleri hem düzetmäge bizde güýç ýok. Belki biz olary ýigrenip bileris ýada olary üýtgetmäge çalyşarys. Iň bärkisi Maýkl Jeksony mysal hökmünde alsak. Ol özüniň gara derili bolanyny kabul edip bilmedi. Yöne hemmeleriň bilşi ýaly, ol bu ýagdaýy düzetjek bolup näçe özüni kösedi we näçe puly çykardy.
Içki garmoniýa diňe şonda mümkin, haçanda adam özüne bagly bolmadyk päsgelçilikleri Allahyň bize ýazan kadary ýada başgaça “Muny mana Allah maňlaýyma ýazandyr” diýip şu meňzeş päsgelçilikleri kabul etmäge öwrenen halatynda. Ana, şonda içki asudalyk emele geler.
Allah tagala her bir zady ýöne ýerden edenok. Eger Allah birine kynçylyk berse, onda ol adam üçin şol kynçylykda haýyr bardyr. Hatda biz entäk ol haýyry görmän hem bilýäris. Yöne ol haýyr bardyr. Şol sebäpden hemme zady bolşy ýaly kabul etmeli.
Bir gezek gazetde bir makala çap edildi. Makalada bir müsürli oglan gaty begenip gülüp durdy. Bir ýaňagyndan kakasy, beýlekisindenem gyz dogany ogşap durdy.
Makala bu oglanyň ýakynda Kaýir-Bahreýin reýisini uçjakdygyny habar berýärdi. Ol howlugyp aeroporta barypdy, ýöne pasportynda bir möhüriň ýoklugy sebäpli uçup bilmändi. Bu uçuş onuň ykbally meselesini çözjekdi. Ýagny, ol Bahreýinde mugallym bolup işe başlajakdy. Bu uçuş hem edil bellenen wagtynda barjak uçuşdy. Ýöne gynansagam ol uçup bilmedi. Hatda ol oglan özüniň uçara münmegi üçin ýalbardam. Ol özüni ýitirip gygyryp aglapdy. Yöne uçar onsuz uçdy. Anyk özüni ýitiren we umutsyz öýe dolanyp geldi. Maşgalasy oňa teselli berjek boldy. Ertesi gün ol habarlarda şol uçup bilmedik uçarynyň heläkçilige uçranyny okady. Hiç bir adam diri galmandy. Ine şonda ol oglan şeýle begenipdi, ýöne düýn ol uçar oňa bagt guşudy.
Bu hadysa içinde hikmet doly hadysa.
Käwagt şeýle hadysalaram bolýar, şolaryň içi durşuna hikmetden doly. Bir zatlar bolup geçýär, ýöne olaryň näme üçin bolýanyna biz düşüp bilemzok. Netije kimisi imandan ýüz öwürip ateist bolýar. Imansyz adam hiç haçanam ruhy asudalygy gazanyp bilmer. Sebäbi ol hakyky görnüşde iman edenok. Allah tagala aýdan:
Bes, (Eý, Muhammed), özüňizi hemişe dogry bolan bir Hudaýlyk dinde (Yslamda) saklaň! Allah tagala bu fytryýet (ýaradylyş) bilen ynsanlary ýaratdy. Allahyň ýaradany üýtgemez. Iň dogry din, ine, şudur, ýöne köp adamlar bilmezler.
Bu aýata düşündiriş: Işbu aýatda takyklanyşyça, Yslam adamyn fytratynda bolan ynançdyr. Hadys-şerifde aýdylyşy ýaly, her bir çaga yslam (bir Hudaya ynanmak) fytratynda (ýaradylyşynda bar bolan ) ýagdaýynda ýagny yslam ynanjynda dünýä inýär. Soň ony ata-enesi ýa ýahudy , ýa nasrany (hristian) eder, ýa mejusi eder. Diýmek, ynsanyň iki dünýäde hem ruhunyň hem, bedeniniňhem bagt-sagadatly bolmagy üçin Öz ýaradylan tebigy ýaradylyşy – Yslamdan aýrylmazlygy gerek eken.
Ine adamyň tebigaty şeýle. Eger adam ateist bolsa, diýmek ony durmuşyn ajy tragediýaly şoňa getirdi. Ýöne gynansagam, durmuş kynçylyklary adamyň gelip çykyşyny düşündirenok.
Belki, adamyň (meselem) gaty owadan gyz garyndaşy, gyz tanyşy ýada gyz dosty bolup biler. Hemme kişi ony söýýärdi we hemme kişi oňa guwanýardy. Yöne bir gün ýolda geçip barýarka ýolda çykan maşyn onuň bu dünýäden geçip gitmegine sebäp boldy. Näme üçin beýle bolýarka? Ol şeýle gowy adam-da!
Ýada näme üçin çagalar ölýär? Olaryň näme günäsi barka? We hiç kim bu soraga jogap berip bilmeýär. Şu hadysalar hem adamy imandan mahrum edýär.
Sabyr we durmuş maksatlary
Musa we Hydyr kyssasy. Olar deňizi geçdiler we bir çaga duşdylar. Ol çagany Hydyr göni öldürdi. Musa Hydryň bu gänäsiz çagany nädip beýdip ýöne ýerde öldürip bilenine düşmän galdy. Hydyr ol çaganyň salyh (ýagşyzada) ene-atasynyň bardygyny aýtdy. Eger ol çaga ulynap ýetişen bolsady, onda ol ene-atasyna dert bolup olary (ene-atasy) tä imanlaryndan aýrylýança ynjydardy. Şol sebäpden Allah tagala Hydyra ol çagany öldürmegi emir etdi.
Elbetde, ene-atasy ol çaga zerarly naladylar. Yöne Allah tagala olara başga salyh çaga nesip etdirdi. Ol çaga ene-atasyny sylap gezdi. Yöne birinji çaganyň ýitgisi Kyýamat gününe çenli ýüreklerinde ýara bolup durdy. Haçanda ol ene-ata Allahyň huzuryna baranlardynda, Allah tagala näme üçin birinji çagalaryny şeýle edendigini aýdar. Şonda ol ene-ata muňa düşünip Allaha hamdy-senalar aýdarlar.
Adamyň tebigaty şeýle. Dünýäde bize dünşnüksiz zatlar bolup geçýär, ýöne biz olary ýene-de ruhy asudalyga bolan päsgelçilik diýip kabul edýäs. Hemme zat Allahdan we hemme zatda haýyr bar, hatda biz ol haýyry görmesegem, görsegem. Bu bizin bar edip biljek zadymyz.
Tä bir kowum özlerini özgertmeýänçäler Allahyň olaryň ahwalyny özgertmejegi anykdyr.
Kuran 13:11
Bu bizin kontroll edip biljek oblastymyz. Bir çözgüz – özümizde sabyrlylygy terbiýelemek. Ýöne şonsuzam ol (sabyr) fytry (ýaradylyşda bar bolan) häsiýet diýip hasaplanýar.
Bir adam Muhammed sallalahu aleýhi we sallamyň ýanyna gelip: “Jennete düşmegim üçin näme etmeli?” diýip sorapdyr. Resulullah aleýhissalaty wessalam aýdypdyrlar: “Gaharlanma”
Sahyh Buhari
Bu gelen adam çalt gaharlanýan adam bolanmyş. We pygamberimiz s.a.w. hem oňa gahar tebigatyňy üýtgetmegi maslahat beripdir. Görüşimiz ýaly, häsiýeti hem jan etsek üýtgedip bolýar eken.
Başga bir hadysda:
Kim sabyrly bolmaga jan etse (öz islegi bilen arzuw etse), Allah oňa sabyr berer.
Sahyh Buhari
Diýmek, kimisi sabyrly bu dünýä gelýar ýagny fyrtadynda (tebigatynda) bar bolan ýagdaýynda, kimisi dünýä gelensoň jan edip sabyrly bolýar.
Gyzykly fakt: ýakynda günbatar psihiatrlary we psihologlary içiňde gahary saklamazlygy maslahat beripdiler. Sebäbi içiňde ýygnanan erbet duýgular adamy halys haldan düşürýär diýip aýdýardylar. Indi bolsa gaharyňy daşyna çykarmak bilen adamyň nerw sistemasy howp astynda galýar. Şol wagt bolsa beýnidäki kiçijek sosudlar döwülýär. Indi psihologlar gahary saklamak has dogry diýip tassykladylar.
Pygamberimiz s.a.w. bize sabyrly bolmagy öwredýär. Hatda içimizde ot ýanýanam bolsa, daşymyzda sabyrly bolmaly. Yöne muny daşymyzdakylary aldamaklyk diýip düşünmän, gaýtam öz üstümizde işlemek we sabyrly bolmagy terbiýelemk diýip düşünmek gerek. Soňabaka daşky asudalyk we sabyrlylyk özüne içki duýgulary tabyn etmäge getirer. Şeýlelik bilen adam hem daşyndan hem içinden sabyrly bolar.
Ýene bir metod. Adam maddy bollugyň sabyrlylyga, kanagatlyga täsiri hakynda oýlansa şükür etmegi öwrener. Pygamberimiz s.a.w. aýdypdyrlar:
“Özüňizi maddy tarapdan baý bolanlar bilen deňeşdirmäň. Meger özüňizden maddy tarapdan pes bolanlar deňeşdiriň”
Haýsy waka bolsa-da, şonda has beter we agyrrak wakalar hemişe tapylar. Ine biziň maddy baýlyga gatnaşygymyz şu şekilde bolmaly. Häzirki döwürde baýlyk durmuşda esasy rol oýnasa gerek. Maddy komfort nähili bolsa-da içki asudalyga täsir etmeli däl. Özümizi has baýlar bilen deneşdirjek bolup baýlyk ýygnamaga başlasak, hiç haçanam maksadymyza ýetmeris.
Eger adamzada bir dere doly altyn berilse, ýene bir dere doly altyn islär.
Sahyh Buhari
Näçe köp baýlygymyz bar bolsa, şonça-da ýene-de isläris. Bu biziň tebigatymyz. Biz şonda kanagat taparys, haçanda garyplary, dilegçileri görenimizde. Şonda biz hakykatdanam Allahyň bize eden ýagşylygyna göz ýetireris, hatda ol wagt öz isleýşimiz ýaly baý hem bolmasak.
Pygamberimiziň s.a.w. ýene bir hadysy bar. Ol hadys bize dünýa malyna dogry düşünmäge kömek edýär. Bu dersi, pygamberimiz s.a.w. 1400 ýyl öň bize owredipdi:
“Kim bu dünýäni özüniň iň soňky maksady diýip etse-de ol bu dünýden diňe onuň kadarynda ýazylany alar.”
Ibn Maja, Ibn Hibban
Eger adam bu dünýä durmuşyny maksat diýip kesgitlese, onda ol şol bir isleýän zadynyň ugrunda gözleg edip geçer. Allahyň eradasy bilen, garyplyk hemişe onuň gözüniň öňünde bolar, ol näçe jan etse-de, garyplyk duýgusy ony terk etmez. Hatda daşyndaky adamlaryň oňa bolan ýagşy gatnaşygy hem olar “meniň pulum sebäpli” edýärler diýip düşüner. Ol adamlara ynanmagy bes eder. Şeýlelikde baýlyk oňa betbagtlyga öwüriler.
Haçanda fond bazarlary bankrota düşende, gazetler o fonda pul goýanlaryň ölümleri hakynda ýazýarlar. Mümkin adam 8 milliony bardy, ýöne 5-sini ýitirdi (onda-da ýene 3-si bar-a) we bu waka oňa kyýamat ýaly görünýär. Göýä durmuşyn manysy ýiten ýaly, sebäbi Allah garyplygy onuň gözüniň öňünde ýerleşdirdi.
Allah tagala boýun bolmak bilen içki garmoniýa
Her bir adamyň ryzky öňünden bellenen (takdyr edilen). Hatda adam 24 sagat işleýäýende-de Allahyň oňa ýazan ryzkyndan ne az ne-de köp alar. Pygamberimiz s.a.w. aýdypdyrlar:
“Kim baky o dünýä durmuşyny maksat etse, onda Allah oňa işlerinde ýardamçy bolar, we iman baýlygyny berer”
Ibn Maja, Ibn Hibban
Şeýdip adam ruhy baýlygy gazanýar. Ine şeýle baýlyk, maddy baýlyk däl, gymmatlydyr. Ruhy baýlyk näme boýar? Bu parahatlyk we asudalyk bilen satyn alynan kanagatlanmy duýgusy. Bu hem diňe Allaha boýun bolmak bilen ýerine ýetýär. Ine şuna yslam diýilýär.
Yslamy öz ýüregine goýberseň we onuň bilen durmuşyny ýaşasan – ine şonda ol içki garmoniýanyň emele gelmegine sebäp bolýar. Allah beýle adamy iman baýlygy bilen nygmatlandyrar, bu dünýär birhili ikinji derejeli, tagallalaryňa mynasyp däl zat hökmünde görüner. Munuň şeýledigini pygamberimiz s.a.w. aýtdy.
Imanly adama durmuş maksatlarynyň yzygiderligini düzmek gaty kyn iş däl. Ol hemişe ilki maksadyny Baky o dünýä durmuşyna goýar. Jennete ymtylmak bolsa, onuň häsiýetinde, işlerinde, sözlerinde beýanyny tapar we beýlekilerden üstün bolar.
Eger garyndaşymyza, tanyşymyza, ýakynlarymyza gabat gelenimizde gürrüňimiz iň soňky maşynlar, baý we owadan jaýlar, syýahatlar, zähmet rugsat we boş günler planlary bolsa ýa pul ýada gybat bolsa onda gynansagam bu biziň durmuş maksadymyzyň baky o dünýä däldigine delalat edýär. Eger baky o dünýä durmuşy bolsa onda gürrüňizem azajygam bolsa şol barada bolardy. Özüňizden soraň: “Men näme barada söhbet etmegi halaýan”. Çyn jogap size nämäniň has möhümdigini aýdar.
Eger maksat – bu dünýä durmuşy bolsa onda özüňiziň näme üçin ýaşaýandygyňyz hakynda oýlanmaga çalyşyň. Diňe şeýdeniňizde siz ruhy asudalyga we deňagramlyga ýetip bilersiňiz. Allah tagala aýdan:
Olar iman getiren we Allahy zikr etmek (ýatlamak) bilen kalblary aram tapýanlardyr.
Kuran 13:28
Yslamda bar edýän zadymyz Allahy ýatlamakdyr:
Aýdyň (eý, Muhammed): “Elbetde, namazym, ybadatlarym, ömrüm-janym, ölümim ähli älemleriň Perwerdigäri bolan Allah üçindir!”
Kuran 6:162
Ine, içki asudalygy we garmoniýany gazanmagyň ýoly şeýle: durmuşymyzyň hemme aspektlerinde Allahy ýatlamakdyr.
Geliň indi gysgaça mazmuny çykaralyň:
Her ädimi etdigimizçe biz öz ýaşaýyşymyzyň maksadymyzy aýdyňlarys. Şonda Allah asudalyk bilen daşymyzy gurşar, Oňa nädip ýüzlenmelidigini bize öwreder. Nähili kynçylyk hem bolsa içimizde parahatlyk we asudalyk höküm sürer.
Durmuşda nähili hadysa bolsa-da biz bileris ki, ykbalymyz bir synagdyr we onda näme bolsa haýyr bar eken. Eger biz ol haýyry görmesegem. Allah bizi bu dünýä synag etmek üçin getiren. Ol synaglardan geçmek bolsa ruhy beýikligin we Jennete ýakyndygymyzdan alamatdyr. Hemme zady bolşy ýaly kabul etmek we Allahy ýüregimizden kabul etmek – bize ruhy deňagramlyk, parahatlyk we asudalyk gazandyrýar.
turkmen talyp diyyane,chay bashynda okayjak,oran chungur filosofiki dushinje,sagbol urch edip yazypsyng,herbir adam durmusha garayshy sheyle bolmaly,jemagat bolup yashamak bir-birining eline goldaw bermek,bar kynchylygymyzda shondamykanam diyyan.
kop sag bol agam. Alladan gaytsyn. Okamak ajayyp okap amal edip bilsek-da ondanam ajayypdyr.
bah tüweleme gaty gowy
ellerine güller bitsin
bah tüweleme gaty gowy maglumatlar senden adam boljak