Bellikler, taglar we ş.m düşünmesi we ulanmasy kyn bolan zatlar.

Salawmaleýkim teswirçiler.

Pikirler bölüminde, goşan "belliklerimiz" hakynda azajyk düşündiriş bereýin. Bolmasa näme üçinn gerekdigine, nämä peýdasynyň bardygyna ýa-da nädip ulanmalydygyna häzir hem düşünmedikler bar bolup biler. Käbirleri düşünse hem, "oýunjak" hökmünde ulanýandyklary gynandyrýar. Ýöne oňa hem bir çäre göreris ...

Ilki bilen bellikleriň nämä gerekdigine düşündireýin. Egerde herbir pikire bellik goýulsa, onda olary tapmak aňsat bolýar. Bellikler häzir gerek däl bolup biler, ýöne häzirki wagtda hem günde ortaça 40-45 sany pikir ýazylýar. Indi şu sanlar 100-e ýetende, ýa-da 200-300-e ýetende näme ederis? Pikirlerde gerekli pikirleri, meni gyzyklandyrjak pikirleri okamak üçin men 10 sany sahypany okap çykmaly bolarynmy?

Indi bellikleriň goşulmagy bilen, pikirleri sortirowka edip bileris. Ýöne agzalar hem peýdalansalar, peýdalanjaklara hem kömek etseler. Mysal üçin "fifa  agajanh  xavi  FCBarcelona fcb  FuTBoL  stop_it  teswirler Test  söýgi " şeýle goýýarlar.  Şunyň ýaly pikirleriň indi kime ýa-da nämä peýdasy bar?

Egerde bellikleri oýunjak etmän, herbir pikiriňizden soňra ýekeje bellik hem bolsa, orginal belligi we adamlaryň düşünjek we ulanjak belligini ulansaňyz ençeme adamlara kömek ederdiňiz. Pikirleriň arasyndan gözläp tapmak ýa-da gyzykly zatlary okajak bolmak gerek bolmazdy.

Mysal üçin häzir ýazylýan herbir futbola degişli pikiriň yzyna "#fifa2010" ýa-da "#fifa" diýip bellemeklik kyn däl, meniň üçin. Belläniňizden soň başga biri, fifa degişli ýazgylary göni görüp biler.

Ýa-da Pyragynyň sözüni getirenimizde "#pyragy" ýazsak we herkim hem Pyragydan ýazanda #pyragy diýip belläp gitse, beýlekilere peýdalanmaga gowy bolardy.

"Näme üçin men artykmaç bellik etmeli?" diýmegiňiz mümkin. Ýöne bellikler bilen başgalara kömek berýärsiňiz, başgalar hem bellikleri bilen size kömek edýär.

Ýakynda pikirlerdäki teswirlere hem "bellikler" goşmakçy bolýarys.

Başga hem teklipleriňiz, soragyňyz bolsa sorap bilersiňiz.