Sahydursyn Garajaýewa

Sahydursyn Garajaýewa bilen geçirilen gürrüňdeşlik.

Maşgala durmyşyňyz barada gysgaça gürrüň beräyseňiz?

Maşgalamyzda bir gyzym, bir oglum we ýoldaşym bar. Gyzymyň ady Aýnabat, oglumyň ady Suhan.

Maşgalaňyzda, dogan-garyndaşlaryňyzda sizden başga-da aýdym-saz bilen meşgullanýan barmy?

Ýok

Özüňizdäki aydymçylyga bolan ussatlygy haçan bilip bildiňiz we bu ýola girmegiňize kim kömek etdi?

Ýaşlygymdan aýdym-saza bolan höwesim bardy. Öz-özüm aýdyp, öz-özüm hiňlenip, soňam şol, obamyzdaky, oba medeniýet öyüniň direktory Anna Annahanow meniň halypam, şonuň ýanyna gatnap, şonun kömegi bilen birnäçe aýdymlaryň üstünde işläp birnäçe aýdymlary döretdik.

Ýeniş gazanan yaryşlaryňyz, gazanan atlaryňyz we sylaglaryňyz.

Meniň ilkinji gazanan ýeňişim, kiçikämä Merjen dänelerinde ýeniji boldum, 1999njy ýylda ýaňlan diýarym telebäsleşigine gatnaşdym, soňra birnäçe gezek Beýik Saparmyrat Türkmenbaşynyň "Altyn Asyr" atly bäsleşiginiň yeňijisi boldum. Soňra hormatly prezidentimiziň sylag-serpaýyna mynasyp bolup prezidentimiz "Türkmenistanyň at gazanan artisti" adyny dakdy.

Aýdymçylyk döwrüňizde sizi iň bagtly saýdyran pursat näme?

Elbetde näme, aýdymçy bolsaň bäsleşik, döredijilik. Bir işlän, döreden aýdymymyz halk arasynda uly söýgä mynasyp bolsa biziň üçin iň begençli pursat bolup durýar, mundan başga-da näme birnäçe basleşikler geçirildi, hormatly prezidentimiziň birnäçe baýraklaryna mynasyp bolduk, şolaryň özäm biziň üçin iň uly bagt bolup durýar, edil şol pursatlar biz özümizi hasam bagtly saýýas.

Sözlerini özüňiziň düzen aydymlaryňyz barmy?

Öz düzen aýdymym ýok.

Aýdymlaryňyzda ene hakynda aýdan aýdymlaryňyza köp duş gelse bolýa, bu barada näme diýip bilersiňiz?

Durmuşda iň mukaddes zat ene bolup durýar, ata-watanym, öz mahriban ejem, şonuň üçinem durmuşdaky mukaddesleri wasp etmek meniň üçin mukaddes zat, onsoň ejemi has gowy göremsoň ene barada aýdym aýtmagy öz ýüregime ýakyn saýýan, hemem eje baradaky aýdymlar hemme adamlaryň ýüregine ýakyn bolýa, hemme kişide eje-de bolýar, hemme kişi öz ejesini söýýär, şonuň üçin eneleri näçe wasp etseň, näçe taryp etseňem azmyka diýýän.

Nähili aýdymlary halaýaňyz?

Men esasan gaýgyly aýdymlary halaýan, esasanam orslaryň aýdymlaryny , öz türkmen aýdymlarymyzdanam birnäçesini söýüp diňleýän.

Haýsy aýdym gurallaryny çalyp bilýäňiz.

Ýok, çalamok.

Siz çepbekeými ýa saggakaý?

Çepbekeý, çep elimi diňe hat ýazamda ulanýan.

Çagakaňyz kim bolmak isleýadiňiz?

Men özüm çagakam, esasan mugallymçylyk kärini gowy göryärdim, ýöne men başlangyç klas mugallymçylyk mekdebinäm okap gutardym, matematika mugallymy bolup, soňra Türkmen Halk Hojalyk institudyna girdim, Ykdysatçy kärine eýe boldum.

Käriňiz boýunça bir ýerde işleýäňizmi?

Edil şu wagt aýdym saz ugry boýunça işleyän.

Halaýan reňkiňiz?

Gyzyl we asman reňki halaýan.

Daşary ýurda gidip gördüňizmi?

Gidip göremok.

Ýaşlary iň gyzyklandyrýan temalaryň biri söýgi temasy bolansoň şol baradaky düşünjaňizi aýdaýsaňyz.

Söýgi barada aydaňda, durmuşda hemme adamam söýgisiz ýaşap bilmeýär, diňe bir oglanyň gyza, gyzyň oglana bolan söýgisi däl, durmuşda adam hemme zadam söýüp yaşamaly, mähriban ene-atasyny, perzendini, öz kärini söýmek bolýa, islendik zady, umuman durmuşda adam daş töweregini gurşap alýan ähli zady söýüp ýaşasa şonda adam dünyädäki iň bagtly adammyka diýýän, sebäbi söýgisiz durmuşy göz-öňüne getirmek mümkin däl-dä, yöne adam islendik zady söýeninde-de şol söýgisine wepaly bolup, şona yhlas bilen ýapyşyp, şol söýgiň wepalylygyny saklamalymyka diýýän.

Aýdymçylyk ýoluna girjek ýaşlara berjek maslahatlaryňyz.

Aýdymçylyk ýoluna girmek üçin, ilki bilenä yhlasa myrat, adamda yhlas bolmaly, kynçylykdan gorkmaly däl, hemme kynçylyklary ýeňip geçmeli, onsoňam näme Alla tarapyn adama sungat diýen zatda talant, zehin gerek bolup durýar, zehiniň talandyn bolsa, belent owazyň, sesiň bolsa, galyberse-de işläýmek galýa-da, şonuň üçin sungat älemine gadam basjak ýaşlara hiç-hili kynçylykdan gorkman zähmet çekmegi maslahat berýän.

источник turkmencafe.com/