ADYL BOLMAK AŇSAT DÄL
Soltan Mahmyt
Gaznalynyň gaşyna bir derwüş gelip adalat etmegini isläp aýtdy:
- Eý, soltan! Birnäçe betkär bozuklar gije ýarym bolanda meniň öýüme gelýärler. Meniň bir aýalym bar, olar onuň bilen bozuk işler edýärler. Maňa jebri-jepa berýärler. Olardan gorkunjymdan asla dem urup bilmeýärin. Eger demimi çykarsam, meni öldürerler.
Soltan aýtdy:
- Her haçan olar gelseler, sen derrew özüňi meniň ýanyma ýetirip, meni habardar et. Onsoň seniň dadyňy olardan alaýyn.
Ol derwüş bu söz bilen umytly bolup, öýüne bardy. Üç günden soň gijäniň ýary, ol bozuklar ýene onuň öýüne geldiler. Ol derwüş derrew özüni soltanyň gaşyna ýetirip:
- Ol betbagtlar ýene geldiler - diýdi.
Soltan derrew şemleri yşyklandyryp atlandy. Ol derwüşiň öýüniň degresini gabap, ol bozuklary tutdular. Soltan:
Şemleri öçüriň we bozuklary öldüriň - diýip höküm etdi. Şemleri öçürip, bozuklary öldürdiler. Ondan soň:
- Ýene şemleri ýakyň - diýip buýurdy. Soň soltan:
- Ölüleriň kellelerini getiriň - diýdi. Getirdiler. Görüp, Allatagala sejde etdi.
Ondan soň soltan aýtdy:
- Eý derwüş! Heý bir tagamyň barmy?! Men aç.
Derwüş derrew nan bilen sirke alyp getirdi we aýtdy:
- Eý patyşa! Mende bar bolan zat şudur.
Soltan ol nan bilen sirkeden örän köp iýdi.
Derwüş sorady:
- Eý, din soltany! Bu gelşiňden mende iki iş müşgil boldy. Ony maňa çözüp bergil. Olaryň biri şudur. Ýagny bu betbagtlary öldüreniňde şemleri öçürtdiň. Öldüreniňden soň ýene ýakdyrdyň. Ikinjisi bolsa şudur, ýagny derwüşleriň tagamyndan örän köp iýdiň?! Sebäbi näme?!
Soltan aýtdy:
- Arzyňy maňa aýdan şol gijäň öz-özüm oý edip «Meniň zamanymda munuň ýaly ýaman işi hiç kim edip bilmez. Diňe maňa ynanyp (arkalanyp), munuň ýaly işi oglum edip biler» diýip, pikir etdim. Ol eger meniň oglum bolsa, oňa gözüm düşende, ata-da ogla bolan mähir herekete gelip, ony öldürip bilmezdim. Şemi şonuň üçin öçürtdim. Öldürenimden soň şemi ýakdyrdym. Görsem oglum däl eken. Şonuň üçin Taňrytagala sejde edip şükür etdim. Seniň bu sözüňi (habary) aýdan wagtyňa üç gün boldy. Men üç günden bäri tagam iýen däldirin. Şonuň üçin nany köp iýdim.
Patyşa Hojanyň "Gülzar" kitabyndan.
Arşivin durumu
● Tam metin
● 22/22 yorum korunmuş
Yayımlandığı site: ertir.com · Kaynak: Web Archive kopyası — ertir.com, 3 Ağustos 2012 · Orijinal sayfayı gör ↗
Yorumlar 22
Adyl bomak uchin, yowuz bolmak gerekmika?(Belki gerekdir)
Diymek Soltan Mahmyt adyl patysha ekeni. Oz ogluny hem shu ishi een bolsa oldurjek derejesinde adyl bolmak kyn zat.
Soragym bardy: sirke bolanda uksus bolýa dälmi? Duşundirip beräýseňiz!
Awtor jogap bersin,bolmasa ozum jogaplaryn
yene bir kitapda okapdym shondada sirke sozi ulanya bu name manydabardyr gozel sirke basar bashyny artmaz yuwmaz tabagyny dashnyyzy yadma dushenok
Yok, uksus bilen çörek bermezä, iýmek uçin???
Soltan Mahmyt adyl bolsa-da bolandyr welin, Seljuk soltanyň ogullary Çagry beg bilen Togrul bege azar ýamanyny berendir. Ibn Sinany yzarlap, görgi ýamanyny görkezendir. Ýalňyşmasam, Ferdöwsi şahyra hem Şanama eserini ýazdyryp, soňam puluny tölemän aldan (kidat eden, eşşi eden) şu Mahmyt Gaznawy bolmaly.
Çeşme: http://en.wikipedia.org/wiki/Mahmud_Of_Ghazni
Sirke - uksus aslynda. Yone sizin diyyan agzyny burnuny yaklyan uksusynyz dal. Meselem Alma ,uzum sirkeleri bar. Hich hili zyyany yok. Olary gunde bir chemche derman uchin ichyarler. Gandaky yagy(kollestroly) ayyryar. Derwushler sirke we chorek iymegi adatedinipdirler. Meselem orazany hem sirke bilen agyz achylan wagty hem bolyan eken pygamberin we ionun sahabalarynyn arasynda. Mysal uchin Stambulda Oruc baba turbesinde heryyl agzy bekli adamlar belli bir gunde gidip Oruc babanyn orazasynda agzyacharyna sirke bilen chorek iyip agzyny achyarlar.
Chigaagza sirkani bashga hili dushunipdir. sachda doran sirke hem bolyandyr. Sirke - sachda doran bit diyen kichijik haywanyn chagasydyr.
Minnetdar Dildar gelleje.
Uzum sirkesi bolsa menem-ä Soltan Söýunden kem iýmezdim häzir.
Hawa, edil özi.
Ýene ýetirip duruň awtor, minnetdar🙂
minnetdar))
Şeýdip, tassyklaweri dost. Bolmasa, ýokarda awtor bu şahsyýeti öwüp dursa, menem bärde ýamanlap dursam, bu ýerde gapma-garşylyk emele geler. Köp sag bol, tassyklanyňa.
Magtymguylyň bir goşgysynda Padşa haky adyl bolmaz dp okapdym, padşa bolrda adyl bormy, tem bolýe näçinhi asyrlarda olor 🙂, Padşa hojaň kitabyny okadym satynam aldym, gowy zatlar bar , sag bol Kab !
Upps Padşa halky bolmaly !
sagbolung Kab aga, sizden yene-de has bir gyzykly,tasirleyji mowzuklara garashyas.
tm kanalynda shun kinosynam gorkezipdiler öydyan.
Elinize saglyk!
gowy hikaye
Kab aga minnetdar. Adyl bolmak ucin hakykatdanam yowuz bolmak zerurmyka? Pikirinizi alyp bolmazmy?
hmm not bad👍
Gowy hekaýa öñemä bir ýerde okapdym,ýenede okadym sawol @kab agza 🙂