Soganly gutap
Mundan 3-4 ýyl öň “Çeper döredijilik” sapagynda mugallym öň ýazylan bir goşgynyň başyny ýazdy. Başy şeýle:
“Şahyr köpelipdir ....”
Bizem yzyny ýazmalydyk. Bu goşgyny öň okap görmämsoň (soňam okap görmedim) yzynyň nähilidigini bilmedik. Her kim bir zatlar diýişdirdi. Ahyram şu kabul edildi:
“Şahyr köpelipdir Hudaýa şükür”
Görşüňiz ýaly hem gyzykly hem kinaýaly ýaly bolup dur. Soňam ikinji setirini ýazmalydyk. Onda-da meniň pikirim kabul edildi. Ýagny:
“Şahyr köpelipdir Hudaýa şükür
Ýetişip bolanok olary okap.”
Şol günki sapak gutardy. Ýöne goşgynyň dowamyny özümçe ýazdym:
“Şahyr köpelipdir Hudaýa şükür
Ýetişip bolanok olary okap.
Etlijedir öýdüp edersiň pikir,
Dişlände görersiň soganly gutap”
Arşivin durumu
● Tam metin
● 12/12 yorum korunmuş
Yayımlandığı site: ertir.com · Kaynak: Web Archive kopyası — ertir.com, 28 Mayıs 2012 · Orijinal sayfayı gör ↗
Yorumlar 12
Goşgynyň hakyky awtoryny häzirem bilemok!
Many bar.
Yzy yokmy ?
Meň pikirimçe şu ýerde gutarmaly!
Meň pikirimçe şu ýerde gutarmaly!
👍
adyna seredip gowja goshgydyr oydup okap bashlayanam welin, olam soganly bolup chykyarmy 🙂
gowy yazypsynyz, tuweleme! hakykysyny hem okap goresim gelyar
tapsam goýaryn hakykysyny
bet kapyalashypdyr, tuweleme🙂
Kapiýalaşdyrmak ikinji planymdy!
Sazla$ygy gowja ekeni.
Ýekeje bent bolsa-da manysy çuňňur eken!... Terjimesi Hydyr Amangeldiýewa degişli: 'Pikir gören ýeriňde çaşyp ýatmaýar. täze pikirler her nesliň sanlyja wekilleriniň kellesinde peýda bolýar. Ýaşlyk ýyllary adamlaryň köpüsi hiç bir kynçylyksyz goşgy düzýärler, kyssa çykarýarlar... Şol ýeňillige aldanyp, ummasyz köp adamlaryň özlerini diňe döredijilik üçin ýaradylan hasaplamaklary sungatyň pajygalarynyň biridir...'
hehehe soganly gutap diyse men chaga gutap bi6irmegi owredyar diyip begenip okadym.manyly go6gy eken sagbol