Gynansak-da, bizi tananoklar
Gürrüňim edebiýat barada.
Dünýä edebiýatynda tanalmaýan diňe biz däl, kän döwletleriň milli edebiýaty tanalanok. Bu diýdigim, dünýä derejesinde ykrar edilenok diýdigim.
Pikirimçe, tanalmak üçin gitdigiçe modernleşýän dünýä edebiýatynda hadysa döretmegiň hötdesinden gelmeli. Umumyadamzat meseleleri gozgalanda dünýäniň edebi sesine öz sesiňi goşmaly, gidip barýan kerwenden üzülip galmaly däl, üzüldigiň - işiň gaýtdygy, yzyndan ýetmesi gaty kyn düşer. Kerweniň hatarynda bolsaň, ykrar edilmek we tanalmak mümkinçiligi eliňde bolýar.
Eýsem-de, nämüçin türkmen edebiýatyny dünýä tananok? Ýa bizde dünýä derejesine çykyp bilýän eserler ýokmy? O nämüçin dünýäň köp ýerinde Şekspir, Gete, Puşkin, Dostoýewskiý, Folkner, Markes, Jek London, Şolohow, Aýtmatow, Balzak, Tolstoý, Mark Twen, Solženisyn, Gogol, Tomas Mann, Woýniç, Tagor, Dumbadze... barada bilýärler we olary okaýarlar?
Dünýä edebiýatynyň naýbaşy eserleri sanalanda ol ýerde käte bir Magtymguly bolaýmasa, beýleki türkmen awtorlarynyň ýoklugy lapyňy keç eýär. Munuň sebäpleri nämede? Bu ýagdaý türkmen edebiýatynyň entekler depgininiň pesligini, dünýä derejesine çykmak üçin gaty uly, düýpli işleriň edilmänligini aňladýarmy? Ýa-da türkmen edebiýatyny dünýä dillerine terjime etmekde yza galýasmy?
Kimiň nähili pikiri bar?
Arşivin durumu
● Tam metin
● 23/23 yorum korunmuş
Yayımlandığı site: ertir.com · Kaynak: Web Archive kopyası — ertir.com, 11 Mayıs 2012 · Orijinal sayfayı gör ↗
Yorumlar 23
Dovletem by ishlere el goshmaly, dashary yurdynkylar nirden bilsinler bizdede okaljak, owreniljek eserlerin bardygyny... Dovlet terjime etmeli ve mejdunarodnyi kitap sergilerine bolyamy ya yene bir yerlere oz eserlerini alyp gitmeli...
ýokardaky derwush agzaň aýdanlaryna goşulýan. ýöne edeýin diýseň edip bolýandyr-la, dörediji beýin bilen batyr ýürek gerek muňa. öňüňe goýan maksadyňa yhlasly ymtylmak gerek. Jengiz Aýtmatowyň bir eserini seriýal edip berýäler. Biziň Gumdan tapylan ýürekimiziň nämesi kem şondan. Baýýý bizde nähili romanlar bar seriýal edeýin diýseň.
Bir orsyň bir ýerde aýdan gepi bar. Hemme zady döwletden garaşyp otyrmaň. Döwledi döwlet edýänem adam dälmi näme. Yňdarmalygyňa tutyp şowlaberseň ýol almaz öýtýämiň bir türkmen.