Assalamu aleýke

Assalamu aleýke ýa Rasulallah,
Assalamu aleýke ýa Habiballah,
Assalamu aleýke ýa Nebiýullah.
Bu hatymy, alamatlary bir eýýäm çykyp başlan ahyr zaman diýlip adlandyrylan, yman bilen ýaşamagyň kyn bolan, ganlaryň serap bolup akan, söýginiň ýat bolan, uryşlaryň adaty bolan, Gurhanyň garyp bolan, ynsanyň bagtsyz bolan, ümmetiniň matam günlerinden ýazýan. Özümi saňa hat ýazmana mynasyp hem görmedim, seni döwrümizdäki bu gynançly ýagdaýymyz bilen gynandyrmak hem islemedim. Ýöne men ýaly bir gedaý üçin sultana bir hat ýazmak, iň uly bagtdyr. Aslynda bu hatymda saňa şu garyp döwrümizdäki doganlaryňy habar berip, azajyk bolsun seni begendirmekdi niýetim. Bir gezek mezarlaryň başynda oturyp aglapdyň, dostlaryň näme üçin aglanyňy soranlarynda, “doganlarymy göresim gelýär” diýp jogap beripdiň. Dostlaryň bolsa haýranlyk bilen “doganlaryň biz däl mi?” diýdiler, “ýok siz meniň dostlarym, doganlarym bolsa soň geler, meni görmeseler hem maňa ynanarlar” diýp doganlaryňa salam ugradypdyň näçe asyr öňünden.

Görmek isledigiň doganlaryň, men üçin taryhdan gelen kitaplardan dirilen gahrymanlar ýaly. Olary her görenimde ýene bir gezek Sadakte ýa Rasulallah diýýän. Men olaryň käbirlerini Abu Bakr’e, käbirlerini Omar’a, käbirlerini Osman’a, käbirlerini de Aly’a meňzedýän. Sen olary ýüzlerinden hem tanaýandyrsyň, perişdeler suratlaryny ýetirýändir belki. Içlerinde Musab ýaly, Abdullah ibn Jahş ýaly dünýäniň ýalan ýüzine aldanmaýanlar, Nesibe ýaly Amr ibn As ýaly mertler bar. Olary göreniňde adamyň içine bir rahatlyk, bir umyt dogýar. Belki ýalňyzlyklaryny duýmazlyklary üçin olary nurly öýlerinde, görüp gidýändirsiň. (r.anhum ejmain)
Ýöne doganlaryň ýaly saňa mynasyp bir ümmet bolup bilmesem de, olar bilen bir şäherde bir köçede, goňşy bolup ýaşaýan men, seniň aý ýüziňi görmäne mätäç . Şu garanky döwrüň ýaralaryndan aglaýan wyjdanymy rahatlatmak üçin, ýalançy ýarlar bilen kirlenen ýüregimi päk söýgiň bilen doýurmak üçin, her gün müň bir hili ýalanlar bilen bölünýän aklymy kristal ýaly tämiz düşünjeleriň bilen arassalamak üçin, ýa Rasulallah, meniň zulmatly dünýäme aýdyň yklymyň bilen myhman bolmagyňa teşne.

Dünýä Rahmet bolup iberilen Seniň göňül dünýäňde, perişdeler, sadyklar, faruklar, zinnureýnler, haýdary kerrarlar, abidler, alymlar, halyslar,hasbileriň ýanynda men ýaly gedaýlara hem orun beriljegine umydym bilen ýazan şu gysga hatymy  we salamymy kabul et ýa Rasulallah.
Seni görmäne muşdak,
.