♡ÝAGDAÝ (TEBIGAT, MIZAJ) WE IÝMITLER♡

Allah jelle jeläluhu ähli barlyklary (daş, mikro organizmler, ösümlik, haýwan,
ynsan) 4 tapawutly ýagdaýda (tebigatda) ýaratdy. Bir ýagdaýa, şol bir ýagdaýdaky barlyklar peýdaly (dost), başga ýagdaýda bolanlaryň käbiri
zyýanly, käbiri aralykdyr. Köne lukmançylykda bejergi ýagdaý (tebigat) ylmy
esas alnyp ulanylardy. Bu gün şu ylym unudyldy.
Gan toparynyň meselesi ýagdaý meselelerine iň ýakyn meseledir. Soňky
ýyllarda açyş edilen we köp çekeleşilen gan toparyna görä iýmitlenmek
aslynda unudylan ýagdaýa laýyk iýmitlenmekdir.
Bu gün edilen gan testleri bilen haýsy iýmitleriň antigen bolandygy
kesgitlenip, şu iýmitler iýmitlenmeden dolulygyna çykarylýandyr. Emma
antigen bolan iýmitleri hiç hili kabul etmezlik immunitet ulgamynyň güýçden
gaçmagyna sebäp bolar.
Şeýlede Yslamdaky halal we haram meselelerini ýatdan çykarmazlyk
zerurdyr. Allanyň halal eden zadyny hiç kim haram edip bilmez. Ynsan halal
bolan hemme zady iýip biler. Ýöne ýagdaýy bozulmadyk adam diňe
ýagdaýyna laýyk bolanlary gowy görer we hökman dogrusyny saýlar, gan
toparyna laýyk bolmadyk iýmitleri ýygy sarp etmez. Ýagdaýyna laýyk
bolmadyk iýmitler kişiniň iýmitlenmeginde uly orun alan wagtynda kesellere
sebäp bolup biler.
Adaty dogurma ýoly bilen dünýä gelen 2 ýaşyna çenli ene süýdini alan bir
çaganyň talaplary tebigydyr we tebigatyna zyýanly iýmitleri agzyna almaz,
ýüzüni öwrer. Tebigaty bozmazlyk üçin çaga doglandan başlap, tebigy islegleri
göz öňünde tutmak zerurdyr. Ýöne ene-ata we daş töwerekdäkiler çaganyň
isleglerini, sistematiki öz isleglerine laýyklamaga synanyşýarlar. Sanjymlar,
goşundyly iýmitler, taýyn arlyklar we bäbek ideg etme önümleri arkaly tebigy
özüňi alyp barmak we isleglerden daşlaşdyrar.
Iýmitlenme düzgünleriniň bozulmagy, tebigata laýyk bolmadyk we
goşundyly iýmitler, lukmançylyk dermanlar, beden ideg etme önümleri,
wagtyň geçmegi bilen adamy çuň tebigat özgerişliklerine, keselliklere we
zyýanly endiklere eltip biler.
Şu ýagdaýda tebigat aýratynlyklaryny täzeden gazanyp bilmek üçin
bedeni arassalamak we aç bolmaklyk zerurdyr. Aç galan adamyň ys we
tagam alma duýgusy öser, islegleri janlanar we tebigylaşar, tebigat
aýratynlyklary täzeden ýüze çykar. Adam täsin bir görnüşde tebigy
zeýtun ýagy, sogan, sarymsak, gök önüm, miwe, gysgaça aýdanda diňe
saglyga peýdaly we tebigatyna laýyk iýmitleri islemäge, goşundyly iýmit,
içgi we sintetiki aromatlary ýigrenmäge başlar. Adamyň pikirleri we özüni
alyp barmaklygy hem üýtgär. Iýmitlenmekde iýmitiň köp dürli görnüşde
bolmalydygy baradaky garaýyşynyň dogry däldigi hatda tersine, nähili az
dürli bolsa, şonçada saglykly boljakdygy mälim bolar.
Dogry saýlanan nahar, miwe, gök önüm, nahara goşulýan tebigy goşundylar we çaýlar hem kesellere garşy dermandyr.
Beýik alymlar (pirler) tebigatdaky ösümlikleriň (zatlaryň) hemmesiniň edýän
zikirlerini eşiderler. Bir ösümligiň zikri haýsy organda zikir önümini artdyrýan
bolsa, şol organ üçin şypaly bolýandygyny bilerler.
Ýöne peýdaly bolanlaryň töwereginde hökman bir duzak gurulandyr we şu
duzak peýdaly iýmiti zyýana öwürýändir. Meselem, ösümlikleriň genetikasyny
üýtgetmek, arysyz bal, ösümliksiz ys, haýwansyz et we süýt önümleri
öndürmek, ýaglary gidrogenerirlemek we içine goşundy maddalary goşmak şu
duzaklardan diňe birnäçesidir.
Şu duzaklardan özüni gorap bilýän, ýagny iýmitini özi öndüren, tebigy azyk
önümçiligini saýlap, diňe şulary ulanan Allanyň rugsady bilen saglykly bolar.