Mankurt (1990)
“Mankurt” diýip kino barada eşitdiňizmi? Belki hawa, belki-de yok.
1990-njy ýylda çykan bu sowet filmini döreden Mariýa Urmatowa, filmiň režissýory tanymal döredijilik işgärimiz Hojaguly Narlyýew. Baş rollarda Maýagözel Aýmedowa, Hojadurdy Narlyýew we Maýsa Almazowa hem oýnaýar.
Filmiň bir bölegi Siriýada we Türkiýede surata düşürilýär. Film meşhur gyrgyz ýazyjysy Çingiz Aýtmatowyň "И дольше века длится день" diýen eseri esasynda sahnalaşdyrylýar. Filmiň mowzugy: Eger-de adamlar öz watanyny, dilini we taryhyny ýatdan çykarsa olaryň nägünlere düşýändigi barada. Romandaky türki legenda bir adamyň hemme zady ýatdan çykaryp, diňe häzirki bolýan zatlary gözüniň görmegi üçin edilýän ideal lepbeýçi gul ediş filosofiýasyny öran çeper usul bilen düşündirýär.
Film öz watanyny goraýan Türkmen barada gidýär. Ol tussag edilýär, gynaýarlar we watanyny basyp alan basypalyja gulluk etmegi üçin beýnisini ýuwýarlar. Ol 180 dereje öwrülip, bu beladan halasa bolmaga synanyşýan ejesini hem öldürýär.
Rollarda türkmen artistlerinden çykyş edýänler:
Maýagozel Aýmedowa, Nurberdi Allaberdiýew, Maýsa Almazowa, Baba Annanow, ogly Kerim Annanow, Altyn Hojaýewa, Hommat Müllük, Hojadurdy Narlyýew, Tahyr Narlyýew, Mergen Nyýazow, Maya Nurýagdyýewa, Sapar Ödäýew.
Bu film häzir gadagan edilen. Şu filmiň mowzugy adamlary mallaşdyryp, gözlerini gapmagyň filosofiýasyny düşündirýär. Adam şeýle bir derejä gelýär, hatda özüne öwredilen syýasy ideologiýa sebäpli ejesini öldürýär. Gepiň esasy ýeri bolsa, öz ynanýan zadynyň köküne we sebäbine düşünjek bolman, diňe etmeli diýleni üçin, beýnisine diňe şol zatlar guýulany üçin edýär. Adam obýektiwligini ýitirýär. Adamlar subýektiwleşýär. Şol sürüden çalaja gyşaran adam samsyk, duşman, nalajedeýin hasaplanýar.
Bu film maňa 17-nji asyrda Galileýonyň ömürlik türmä salynyşyny ýatladýar. Şonda Galileýo Ýer Günüň daşyndan aýlanýar, Gün gymyllanok diýipdi…Ýöne özüniň düşündirýän konsepsiýasy, formulasy we dellilleri hiç kimi gyzyklandyranokdy. Sebäbi ol Roman Katolik Buthanasynyň ideologiýasyna, aýdýanlaryna ters gelýärdi. Adamlaryň hemmesi bir zada ynanmalydy: Gün Ýeriň daşyndan aýlanýar. Gepem ýok, gürrüňem.
Tanymal türkmen artistlerimiziň iň bir naýbaşy işleriniň biri hasaplanýan şo filmi görmegi mankurtlardan galanlara maslahat berýän.
Filmiň 1-nji seriýasy şu ýerden başlaýar: http://www.youtube.com/watch?v=2c9PAeYOuQ8
Şu filmi öň gördüňmi?
Hawa (15%, 3 adam)
Ýok(57%, 11 adam)
Meniň özüm mankurt(26%, 5 adam)
Arşivin durumu
● Tam metin
● 26/26 yorum korunmuş
Yayımlandığı site: ertir.com · Kaynak: Web Archive kopyası — ertir.com, 5 Ağustos 2012 · Orijinal sayfayı gör ↗
Yorumlar 26
Maksadyňy bilip bolmady.
Maksadym adam olurmek dal, kino maslahat berildi. Her mowzukdan maksat gozlesen, seks barada mowzuk açaysam birini etjek bolayndyryn oydersin.
Shu tema hakda bir amerikan ýazyjysynyñ gowy sitatasy bar. Ertir goýjak nesip bolsa.
Shu tema hakda bir amerikan ýazyjysynyñ gowy sitatasy bar. Ertir goýjak nesip bolsa.
Sag bol minusyna, yone meni minus plyus gyzyklandyranok. TM-den giryan bolsan öz traffigin aladasyny ediber. 🙂
Romanyň türkmençesi barmy
Ony bilmedim
😎
bakalim bakalim
mankurtizasiya
Zäherli bal!
Arada Garamaňlay hindi gyzy atly kinofilmi gördüm. olam 90-njy ýyllarda surata düşürilen. Gaty gyzykly eken. Şol filmde de epizotlaryň arasyna sosýal meseleleri we soýuz döwründaki käbir bärden gaýtmalary suguşdyrypdyrlar.
http://www.youtube.com/watch?v=E5zOYNqaJkE
Zaherlenen soygi, 1993-de çykan. Bu filmem erbet dal. Rejisser: Muhammet Soyunhanow
Göräýmeli etdiñaý ildesh. Sagbol paýlashanyña.
Bala dost, temañy okap diýýän kinogn chala göz öñümde janlanyp gitdi.
'Ejesini öldürýär'. Ýesirlikde gezip ýören kellesinede haýwan dersi oralan (dushmanyñ ejeñi öldür diýen, buýrugundan ugur alyp) bir ýash ýigit (ýalñyshmasam daglykda, bir at arabada bardy öýdýän) oglum diýip gujak achyp gelýän ejesini ýaý bn atyp öldürýä. Sho kinomy?
P.S. 4 ya 5 ýashymdakam göröndürun shol kinony, nirde gorenimi ýatlap bilmedim. Köp adamlardan artykmach tarapym chagalykdaky bolan wakalary ýatlap bilýän, 2 ýashymda sünnet ediljek bolamda gachanym, ejeming tutany we shondaky agyryny ýatlap bilyän. Öwünýä diýäýmäñ, gepe görä aýdyp göýberdim
men hakda tema acylaykymyka diydym.
men adymy okap yada dushendirley
Filmi gorupdim. Gormezden ozal hem romany okapdym. Chingiz Aytmatowyn adybir romany esasynda surata dushurilen bu filmde bash gahryman Yolaman dushmanlara yahlykda yesir dushyar. Dushmanlar yesirlerin kellesine yany oldurilen duye hamyndan kelleposh geydirip gyzgyn gunun ashagynda oturtyarlar. Netijede duye derisi gyzgyna gatap beynini gysyp bashlayar. Wagtyn gechmegi bilen gysylan beyni ishlemesini yagny,aylanchagyny yitiryar. Yesir eyelerinin gullaryna owrulyarler we mankurtlashyarlar. Olaryn islendik emirlerini yerine yetiryarler. Yolamanyn yzynda sower yary we chagalykdan yetimlikden saylandyran ejesi galyar. Uzak gozleglerin netijesinde beynisi mankurtlashan ogluny gozlap tapyar. Yone ogly ne ejesi ne-de sower yary ne-de watany ya-da salyar. Ol dine
ur.oldurbuyruklara tayyar gezip yor. Fillmde beynisi mankurtlashan kishinin duygusyz sahnalaryny gorkezyar. Film gaty gyzykly we mumkin bolsa gormeginizi hayysht edyarin.