"Lebap" futbol toparynyň transfer täzelikleri we 3-nji aýlawyň tertipnamasy.

Salam hormatly teswirdeşler we futbol fanatlar!
Düýn, "Lebap" futbol toparynyň başlygy (prezidenti blum) Kamiljan Piriýew bilen bir saçakda otyryp gürrüňdeş bolmak nesip etdi. Kän soraga berip bilmedim, ýöne özi teswirler.çom üçin azajyk interwýu berdi.

Kamiljan aga:

- Ýakynda ýurdumyzyň milli çempionatynyň ýokary ligasynda çykyş etýän toparlaryň arasynda üçinji aýlawyň duşuşyklary başlady. Biz tomusky arakesme döwründe türgenleşik çärelerine köp üns berdik. Şol günlerde barlag barlag oýunlarynyň hem birnäçesini geçirip, futbolçylarymyzyň taýarlyk derejesini seljerdik. Lebap welaýatynyň Garabek, Halaç, Hojambaz we Farap etraplarynyň komandalary bilen ýoldaşlyk oýunlaryny geçirip, ol oglanlaryň içinden talantlaryny saýlap öz toparymyza geçirdik.

Lebap toparynyň transfer täzelikleri hakda aýtsam, "Altyn asyr" toparynda çykyş eden ýarymgoragçy Nurberdi Sapargylyjow, "Ahaldan" hüjümçi Parahat Meredow, "Merwden" ýarymgoragçy Alybek Abdyrahmanow we "Aşgabatdan" derwezewan Akmyrat Gurbanow dagylary öz toparymyza geçirdik.

Biziň futbol toparymyz, Türkmenistanyň kubogy ýaryşynda, çärýek final tapgyrynda "Balkany" ýeňlişe sezewar etdik. (Balkan 0:1 Lebap, Lebap 1:1 Balkan). "Lebap" şu ýylyň noýabyr aýynda ýarym final duşuşygynda bäsleşmäne hukuk gazandy. Toparymyz geçen möwsümde ýaryşda üçinji ýeri eýeläpdi. Bu ýylam baýrakly orunlara dalaş etýäris.

Etir nesip bolsa, Lebap stadiýonynda üçinji aýlawda (awgust 20-i) "Balkany" kabul etýäs.  Tälimçimiz Rinat Haýbulin ýaş oglanlary synap görjek bolýar. Ähliňizem şol oýuna çagyrýan. Başlaýan wagty 18:30."

Kamiljan aganyň gürrüňi ýokarkydan ybarat. 🙂

Indi bolsa üçinji aýlawyň tertipnamsy:

Ýigrimi birinji tapgyr
19-njy awgust, anna
"Merw" - "Daşoguz"
"HTTU" - "Ahal"

20-nji awgust, şenbe
"Altyn Asyr" - "Gara altyn"
"Lebap" - "Balkan"
"Aşgabat" - "Şagadam"

Ýigrimi ikinji tapgyr
23-nji awgust, sişenbe
"Gara altyn" - "Şagadam"
"Ahal"- "Aşgabat"
"Daşoguz" - "HTTU"
24-nji awgust, çarşenbe
"Balkan" - "Merw"
"Altyn asyr" - "Lebap"

Dowamyda bar... bu wagt iş çykdy. Okanyňyz üçin sag boluň.