Hadyslar
RESULULLA SALLALLAHU ALEÝHI WESELLEM AÝTDY:
Allatagalanyň söwer dosty we Resuly, külli musulmanyň merhemetli we belent mertebeli pygamberi Muhammet sallallahu aleýhi weselleme özünüň sahawalary (dostlary) ýüzlenipdirler. “Eý Resul Huda! Siz aramyzda gezip ýörkäňiz, biz öz din işlerimizi Sizden sorap bilýäris. Emma bu dünýä pany, bir gün siz hem panydan bakyýa gidersiňiz. Şonda biz öz din işlerimizi kimden sorap etmeli bolarys”.
Muhammet pygamber sahabalara ýüzlenip, şu hadysy aýdypdyr:”Men size iki zat galdyrýaryn, siz şol iki zada mäkäm ýapyşsaňyz hergiz azaşmarsyňyz. Birinjisi Allanyň kitaby Kurandyr, ikinjisi Allanyň pygamberiniň sünnetidir, ýagny Hadyslardyr”.
Pygamberimiziň şu aýdan Hadysyna görä, her bir musulman özünüň edýän ähli din işlerini Kuranyň we Hadysyň hem-de şu ikisiniň hökümlerine daýanylyp ýazylan Şerigatyň hukuk kitaplarynyň görkezişi ýaly berjaý etmelidir.
Elbetde, amallar niýetler b/n baglydyr.
Ylym okamak külli musulmanlaryň erkeklerine we aýallaryna parzdyr.
Ylym öwrenmekligi sallançakdan gabra çenli özüňüze lazym tutuň.
Мusulman şol adamdyr, ýagny, beýleki musulmanlar şonuň elinden we dilinden salamat bolsunlar.
Her bir musulmanyň beýleki bir musulmana gany, maly we namysy haramdyr.
Siziň her biriňiz özüne ýagşy görýän zadyny beýleki bir musulman doganyna rowa görýänçä musulman bolup bilmez.
Kuran okaň, emma ony gazanç çeşmesi edinmäň!
Köplenç karylar Kuran okarlar, emma Kuran olara nälet okar.(Amal etmändikleri üçin)
Kanagat tükeniksiz hazynadyr.
Säher wagty uklamaklyk rysgyňy kemelder.
Ölümüň wagyzlygy ýeterlikdir. (Adamyň düzelmegi ü/n)
Eşiden zadyňy ile aýdyp ýörmeklik ýeterlik günädir.
Adamlaryň iň haýyrlysy adamlara peýda edýän adamdyr.
Jennet eneňiziň aýagynyň aşagyndadyr. (Enäni razy etmek jennete girmeklige sebäpdir.)
Belaň gelmekligi gep bilendir. (ýagny başa bela dilden geler).
Garradygyça adam oglunuň 2 häsiýeti artar, uzyn-uzyn arzuwlary we harsydünýäligi.
Kim şükür etmese adamlara, şükür etmez Allatagala.
Eger bir kişi adamlara rehim etmese, Allatagala hem oňa rehim etmez.
Eger bir kişi berse-de Alla ü/n berse, bermese-de Alla ü/n bermese, gowy görse-de Alla ü/n gowy görse, erbet görse-de Alla ü/n erbet görse, onda şol kişi özünüň imanyny kämil etdigidir.
Goňşysy aç bolanda musulman adam dok ýatyp bilmez.
Jemagatly okalan namaz ýeke okalan namazdan 25 esse sogaplydyr.
Hakykaty aýt, eger her näçe ajy bolsa-da.
Haýalylyk imanlylykdyr.
Haýsy gapydan bolsa-da ylym al, saňa zelel bermez.
Azan bilen kamatyň arasynda edilen dogalar kabul ediler.
Allatagala giňlikde özüňü tanat, gyssananyňda Allatagala seni tanar.
Eger siziň biriňiz Rebbiňiz b/n sözleşmäni ýagşy görseňiz , onda KURAN okaň.
Eger bir kişi biziň şu dinimize, dinimizde ýok zady (hökümü) girizse, onda şol zat ret ediler.
Eger bir adam seniň kemçilikleriňi aýdyp saňa sögse, onda onuň kemçiliklerini aýdyp oňa sögme. Şonda sogap saňa, günä oňa bolar.
Eger bir pasyk (bozuk adam) öwülse, onda şol öwgü sebäpli Allatagala gazaplanar. Arş-agzam titrär.
Eger bir ynsan ölse, hemme amallary kesiler. Ýöne 3 amaly welin kesilmez:birinji- -jarye sadaka(eden gowy işleri), ikinji-goýup gidýän peýdaly ylmy, üçünji-salyh perzent.Sebäbi salyh perzent şol kişä aradan çykandan soň hem doga edip durar.
Arşivin durumu
● Tam metin
● 11/11 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 3 Mayıs 2012 · Orijinal sayfayı gör ↗
Yorumlar 11
Eger bir üýşmeleňde bir adamyň üstünden düşülse, onda sen şol gybaty edilýän adama kömekçi bol, we şol gybat edýän kowuma garşy bol ýa-da üýşmeleňden git.
Akmakdan araňy aç (daş dur).
Allatagalanyň emrini hormatla, ýagny ýerine ýetir, Allatagala hem seni hormatlar.
Allatagalanyň ýanynda dogry söz ýaly ýagşy sadaka hiç ýokdur.
Siziň biriňizi hem adamlaryň haýbaty hak sözi aýtmakdan gaýtarmasyn.
Kyýamat gününde azabyň iň gatysy şol alyma berler. Eger şona ylym peýda bermedik bolsa.
Haýyn (hyýanatçy) adam bizden däldir(Muhammet ymmaty däldir)
Musulman musulmanyň doganydyr.
Mazlumyň bet dogasyndan saklanyň,sebäbi mazlum bilen Allatagalanyň ortasynda perde ýokdyr.
Bagtly kişi şol adamdyr,ýagny gaýrynyň (başganyň)başyna düşen işden ybratlanar (görelde alar).
Amanady amanat goýan adama eda et (tabşyr) we saňa hyýanat eden kişä hyýanat etme.
Allatagala edilýän zikirleriň iň ýagşysy,”Lä ilähe illallah”kelemesidir.
Dogalaryň iň ýagşysy we sogaplysy,»Elhamdulilläh”kelemesidir.
Ybadatlaryň afzaly,ýagşysy,her bir ýagdaýda hem,Allatagalanyň giňlik we rahatlyk bermekligine,kömek-ýardamyna umytly bolup gezmeklikdir.
Kyýamat güni bendeleriň iň ýagşysy,şu dünýäde Allatagalanyň beren nygmatlaryna köp şükür edýänkişilerdir.
Kuran oka!Elbetde,göwnüň teselli we karar tapmagy Kuran okamak bilen bolar.
Günäleriň iň ulusy dünýäni ýürekden söýüp,özüňi şoňa bagyşlamakdyr.
Ölümi köpräk ýatlaň!Elbetde,ölümi ýatlap durmak özünden başga peýdasyz zatlary ünsüňden aýrar,sowar.
Duşenbe we penşenbe günleri jennetiň işikleri açylar.Şol iki gün,ybadatynda Allatagala şirk gatyşdyrmadyk bendeler ýalkanar.Emma bir musulmana görüpçilik,bahylçylyk edýän kişi hergiz ýalkanmaz.
Perzentleriňizi hormatlaň hem-de olara ýagşy edep-terbiýe beriň.
Agşam naharyny iýip,üstüne ýatmak,ýüregi gaty eder.ýagny kalby rehim-şepagatsyz eder.
Allatagala bergili adama kömekçidir.Ýardamçydyr tä bergisini üzýänçä.
Allatagala bendesine kömek berip durýandyr,ol bende hem musulman doganyna kömek edýän bolsa.
Allatagala harsydünýälik bilen baýlyk talap edýäne bermedik zadyny,ýumşaklyk bilen dileg edýän bendesine eçiler.
Elbetde,Allatagala,ýigidräk görünjek bolup,saç-sakgalyny gara reňke boýan adama kyýamat güni nazar etmez.
Elbetde,Allatagala şu dünýäde iýmitini azrak edýän çyn bendesi bilen,perişdeleriň ýanynda öwner.
Elbetde,Allatagala,bir musulman bendesiniň ähli günälerini bagyşlamak üçin,ony bela we kynçylyklara duş eder.
Elbetde,Allatagala doýansoň hem iýip oturan adama gazaplanýar.
Elbetde,Allatagala her dürli hünärleri bilýän bendesini söýýändir.
Elbetde,Allatagala,gam-gussaly,ýumşak kalby bolan bendeleri ýagşygörýändir.
Elbetde,Allatagala,haram iş bolan tamakinlikden özüni saklap bilýän pukara,mömün bendäni söýer.
Elbetde,Allatagala,ile görünmek üçinbezenip-beslenip ýörmän,ýönekeý,köneräkgeýimlerdegezýänkişiniýagşy görýändir.
Elbetde,Allatagala musulman bendesiniň eden bir ýagşylygy üçin,oňa müň-müň(million)ýagşylyklar berer.
Elbetde,Allatagalanyň şeýle bir bendeleri bardyr,Allatagala olary başgalaryň hajatlaryny bitirmeklige mahsus kylandyr.
Elbetde,utanç-haýaly bolmak,diňe haýyr we peýda getirer.
Elbetde,bendäni ajalyň talap edişi,yzarlamagy ýaly,ryzky hem ony talap eder,yzarlar ýörer.
Elbetde,salamlaşylanda aýdylýan’’Essalamy”kelemesi,Allatagalanyň atlaryndan bir atdyr.Şony özaraňyzda giňden ýaýradyň.
Elbetde Kurany-Kerim gamgynlyk bilen inendir.Siz hem Kuran okanyňyzda,gamgynlyk bilen okaň.
Elbetde,her bir öýüň maşgalasy iýýän-iýmitlerini azaltsyn,şonda öý-içerleri nurly we röwşen bolar.
Elbetde,şu dünýäde garyn dok taýpalar,ertir kyýamat gününde açboljakdyrlar.
Elbetde,Allatagalanyň dinine hiç kim ýardam berip bilmez.Megerem,diniň görkezen ähli ýagşylyklaryny özünde jemlän kişi kömek edip biler.
Elbetde,Jennetde belent bir dereje bardyr.Şol derejä hiç kim ýetip bilmez.Meger,halal ryzk üçin kynçylyklar we gam-gussalar çekýän bendeler ýetip biler.
Elbetde,Allatagalanyň beren nygmatlaryna şükür edip,ony mätäçlere sarp edýänleriň sogaby,açlyk-suwsuzlyga sabr edip,roza tutýanlaryň sogaby ýalydyr.
Elbetde,her bir din üçin gylyk-häsiýet bardyr.Yslam dininiň gylyk-häsiýeti haýadyr.
Musulman bendäniň gabryna şemalyň degmegi we ýagyş-ýagmyryň ýagmagy,onyň günälerne keffaratdyr,ýagny günälerniň geçilmegine sebäpdir.
Alymyň abyndan(sopydan) artykmaçlygy,on dördi gijäniň aýynyň ýagtysynyň,başga ýyldyzlarnyň ýagtysyndan artykmaçlygy ýalydyr.
Elbetde,her bir zadyň işigi bardyr.Kalby arassalaýan zat”Estagfirullany” köp we çyn ýürekden aýtmakdyr.
Elbetde,her bir işdäň alýan zadyny iýip ýörmeklik,israf (isrip) iş hasap ediler.
Elbetde,adamlaryň iň ýaramazy adam satýanlardyr.
Elbetde,iman hem eşik-köýnek mysalyndadyr.Birden şony geýersiň,birden hem çykararsyň.(Şonuň üçin her bir musulman,kalbyndan imany aýyrýan sözlerden we işlerden daş durmalydyr,äge bolmalydyr).
Elbetde,meniň ymmatymyň günäkärleri üçin,Jähennemiň gyzgyny,hammamyňgyzgyny ýalydyr.(ýagny,hammamyň gyzgyny bedenden kirleri aýyrar.Jähennemiň gyzgyny bolsa günäleri).
Elbetde,zerur we hökman zatlardandyr,nika üçin toý etmeklik.
Elbetde,men Allatagaladan soradym,bir adam dostynyň zyýanyna doga edende,şonuň dogasyny kabul etmezligin.
Haýr iş etmeklik,özüň hem haýyrlydyr.
Eger namazyňyzyň kabul bolmagy sizi şatlandyrjak bolsa,iň ýagşyragyňyz ymam bolsun.
Eger seni atly goşun kowup gelýän bolsa-da,ertiriň iki rekagat namazyny terk etmegin,taşlamagyn.
Eger meniň ymmatym gumra bolup,azaşyp ýoldan çykyp gitmese hiç wagt üstüne duşman gelmez.
Allatagalanyň gam-gussalary aýryp,ýerine şatlyk bermegini umut edip durmak ybadatdyr,sogap işdir.
Bidgatçylar dowzahdaky adamlaryň itleridir.
Murtuňyzy düýbünden gyrkyň we sakgalyňyzy doly goýberiň.
Kyýamat güni,her bir bendäniň mizan-terezisiniň sogap tarapyna ilkinji goýuljak
zat,öz maşgalasyna eden nefakasydyr,ýagny iýdiren-geýdiren zatlarydyr.
Jennetdäki howzy-köwser suwundan ilkinji içmäge barjak kişiler,şu dünýäde Allatagala üçin biri-birine ýagşy görýän adamlardyr.
harp yalnyşlyklary bolup biler
Tam zamany diyilyärä.Tañry yalkasyn,Mähri.Oraza ayynda $ular yaly mowzuklar kopurak bolsunda.
Mahri dogan, mowzugynyz un minnetdar, Allajan edyan ybadatlarymyzy kabul kylsyn, Kyyamat gununde yalkanan gullaryndan eylesin, sheyle miwzuklaryn sany kop bolsun!
Gaty gowy köp sag bol
sagbolun..
Yaman gowy zatlar yazypsyn, Allah razy olsun
Sagbol Mahri teman uchin. gowy tema
Alla razy bolsun jorajan! Peydaly tema, paylashanyn un minnetdar! Orazalarynyz kabul bolsun!
mähri tüweleme ýazyp ýetyşypdysyň.