Napoleon torty

Içindäkiler — Napoleon tort taýynlamak üçin gerekli azyk harytlary

250 gram mesge
2 skatan un
1 ýumurtga
2 çemçe limon sogy
1/2 stakan sowuk suw

Krem üçin:
400 gram sguşýonka (1 banka)
200 gram mesge
200 gram hoz
Taýynlanyşy / bişirilişi

Öýde bişirilen napoleon tort, hoz we sguşýonkaly krem bilen, örän lezzetli, agzyňda ereýär. Krem gowy edip siňer ýaly öňünden taýynlamany unutmaň.

Ýarym stakan suwa limonyň sogyny goşup ýumurtga bilen garmaly.
Uly jama mesgäni salyp dogramaly. Un we limonly garyndyny azajykdan goşup garmaly, hamyr etmeli.
Hamyry 8 şarige bölüp 1 sagat holodilnikde goýmaly.
Her şarigi un sepip ýagly kagyzda ýaýmaly we wilka bilen dürtmeli. 180 dereje gyzdyrylan duhowkada takmynan 15 minut owadan altyn renk bolýança bişirmeli.
Korj bişen soň sowamanka tarelka goýup owadan tegelek edip kesmeli, galanyny külke etmeli tortyň üstüne seper ýaly.
Kremini taýynlamaly. Ýumşan mesgäni mikser bilen garmaly, sguşýonka goşmaly we birmeňzeş krem bolýança garmaly.
Hozlary bir pakede goýup oklow bilen owratmaly.
Her korjige krem çalmaly we hoz sepmeli.
Iň üstdäki korjy krem çalyp hoz sepen soň korj külkesini sepmeli. Şeýle hem tortyn gyralaryna külke sepmeli.
Torda krem gowy edip siňer ýaly holodilnikde azyndan 8 sagat goýmaly.