"GOOGLE" dayin ayratynlyklary
“Google” şereketiniň Internet gözleýji önümleri bölüminiň müdiri Tom Stoki, gözleýjä girizilen täze aýratynlyklar hem-de şereketiň geljekdäki taslamalary barada beýanat berdi.
Ol öz beýanatynda 2005-nji ýyla çenli gözleýjileriniň diňe tekst gözläp bilendigini, ondan bäri geçen 4 ýylyň içinde bolsa wideo, surat, hatda aýdym hem gözlemegi “öwrenendigini” nygtady. Indiki maksatlarynyň bolsa, ulanyjylaryň gözleýän zatlaryny edil olaryň pikirlerini “okaýan” ýaly has amatly hem-de peýdaly gözleg edip bilýän ulgam döretmekdigini aýtdy.
Stoki “Google” şereketiniň ulanyjynyň isleglerine has hem üns berip, gözleg edýän ulgamyň üstünde işleýändiklerini belläp geçdi. Bu ugurda belli bir derejä ýetendiklerini aýdan müdir
käbir mysallar hem getirdi:
“Timeline” (wagt şkalasy)
Gözleýän maglumatyňyzyň näçinji ýylda ýüze çykandygyny, wagtyň geçmegi bilen onuň nirä hem-de nähili ýaýrandygyny görkezýär. Üstesine-de, gözlegi belli wagta degişli maglumatlaryň arasynda geçirmek bolýar. Ýagny, “1995-1999-njy ýyllara degişli maglumatlary görkez” diýip bilersiňiz.
Page Previews (sahypanyň ýatdaky görnüşi)
Bu aýratynlyk arkaly gözlegiň netijesinde tapylan sahypalaryň salgylaryny, şol sahypa barada gysgajyk maglumatlary hem-de sahypany kiçijik surat hökmünde görmek bolýar. Şeýlelikde, ulanyjy sahypany açman, bu sahypanyň özüne peýdaly bolup-bolmajakdygyny öňünden bilýär. Üstesine-de, bu aýratynlyk arkaly ulanyjy öň gören, ýöne ýadyna düşmeýän sahypasyny aňsatlyk bilen tapyp bilýär.
Wonder Wheel (täsin çarh)
Gözleýän maglumatyňyza degişli ýekeje söz bilýän bolsaňyz, “Google” gözleýjisi size bu söze görä, nähili gözleg edip biljekdigiňizi görkezýär. Mysal üçin, “Türkmenistan” sözi bilen gözleg etseňiz, gözleýji “Türkmenistanyň taryhy” ýa-da “Türkmenistanyň ykdysadyýeti” diýen sanawy görkezip, isläniňizi saýlap, şoňa görä gözleg etmäge mümkinçilik berýär.
Tom Stoki jübi telefonlarynda Internet ulanylmagynyň ýaýbaňlaşmagy bilen bu ugra hem gyzyklandyrma bildirip başlandyklaryny aýdyp geçdi. Ol esasy maksatlarynyň ulanyjylary hoşal etmekdiklerini aýdyp, bu maksada ýetmek üçin ellerinden gelenini edýändiklerini nygtady.
Arşivin durumu
● Tam metin
● 15/15 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 23 Haziran 2012 · Orijinal sayfayı gör ↗
Yorumlar 15
Betje maglumatmy sagja bol oraz
buda google ofisinin kabir suratlary
shu aydilan zatlar durmusha gechirilse has hem onat bolardy. sagbol.
Boljak-boljak.......
“Goog le” şereketi döreden elektron kitaphanasyndaky 2 milliona golaý kitabyň kagyza çap edilen görnüşinde goýberjekdigini mälim etdi.
Muny taýyn ýagdaýa getirmek üçin bolsa 5 minutda 300 sahypalyk kitaby daşy bilen taýýarlap bilýän “Espresso Book Machine” enjamyndan peýdalanylar. Bu enjamyň oýlanyp tapylanyna birnäçe ýyl bolanam bolsa, ýaňy-ýakynda giňden ulanylyp başlandy.
“Espresso Book Machine” enjamyny yasan On Demand Books” şereketi bu açyşyň kitaby kompýuteriň ekranyndan däl-de, kagyzdan okamak isleýän adamlary gyzyklandyrmagyna garaşýandygyny aýtdy.
Enjam şu wagt ABŞ, Kanada, Awstraliýa, Angliýa hem-de Müsür ýaly ýurtlaryň uly kitaphanalarynda ulanylýar. Kitaby çap etmegiň bahasy bolsa bary-ýogy 8 dollar.
Google ýakynda özüniň Chrome işlediji ulgamyny (operating system) tanatdy we bu gün bolsa bu işlediji ulgamynyň programmalaryny açyk-çeşme programmalarynyň hataryna goşýandygyny habar berdi. Ýagny indi programmalamadan başy çykýan islendik ulanyjy bu işlediji ulgamyň koduny alyp öz kompýuterinde ulanyp biler. Bu barada giňşleýin maglumat Google-yň habar blogynda berildi: http://googleblog.blogspot.com/2009/11/releasing-chromium-os-open-source...
Google täze gözleg motoryny üstünlikli barlandygyny habar berdi. Bu gözleg motorynyň kod (programma) ady Caffeine bolup ol ýakynda Google-yň gözleglerinde ulanylmaga başlanylyp biler. Goşmaça maglumatlar üçin: http://www.google.com/errors/caffeine/unavailable.html
“Google-niň” internet sözlügi
İnternet ulgamy maglumatlary gysga wagtyň içinde gözläp tapmaga kömek edýän serişdeleriň biridir.
Şeýle hyzmaty hödürleýän “Google” saýty bolsa ýakynda ýene bir hyzmaty ulanyjylaryna hödürlemäge başlady. Iňlis dilinden beýleki dillere we şol dillerden iňlis diline terjime edýän bu hyzmat jemi 28 dilde terjimeçilik işlerini amala aşyrýar. Olaryň arasynda nemes, fransuz, italýan, ispan, rus, arap, hytaý we beýleki diller bar.
👍
Yashasyn Google! Bize shular yaly mumkinchilikler doredenei uchin sagbolsun aytmak isleyan! Obychno Google sozine derek bashka soz eshtyansiniz 😆
gugl
gugyl 😆