Haçan biz öz futbolymyza guwanmaly? Haçan stadiondan öýe begenip gaýtmaly? Haçan?!
Geçenki oýny 2-2 oýnalandan soň bu oýuna umyt eden bolduk. Öz öýmüzdäki oýny utarys öýtdük. Stadiondan öýe begenip gaýdarys öýtdük. Toparçalara galarys öýtdük. London-2012-ä gideris öýtdük. Hawwa-hawwa Olimpiýada gideris öýtdük. Komandamyza guwanarys öýtdük. Indi? Indimi, belaň sapyny Olimpiýada gidersiň, belaň sapyny komandaňa guwanarsyň!
Hä, nämä gaharlanyp dursyňaý diýýänleriňizem barmy? Aýdaýyn onda. Düýn (23.06.2011ý) futbol boýunça Olimpiýa ýygyndymyzyň Siriýanyň olimpiýa ýygyndysy bilen jogap oýny boldy (Aşgabatda Olimpiýa stadionda). Birinji oýny aýyň 19-yna myhmançylykda 2-2 oýnap gaýdypdyk. Jogap oýun üçin mundan gowy hasap hem bolup bilmezdi. Biz üçin bu günki oýunda utmaga aňyrda dursyn, hat-da deňlik hem ýeterlikdi (0-0 ýa-da 1-1). Ýöne biz bu oýundan deňlige däl, komandamyzyň ýeňmegine garaşýadyga.. Şu maksat bilen ýygyndymyzy goldamaga stadiona gitdik. Oýnuň başynda hemme zat gowy ýalydy. Onçakly gyzykly bolmasa-da meýdançada iki taraplaýyn oýnalýan futbol gidip durdy. Meň özümä oýnuň başyny görüp, hasap 0-0, aňyry gitse 1-1 gutarar öýtdüm. Ýöne bu 0-0-ly pikirimi Siriýalylaryň birinji ýarymyň ortalarynda salan goly üýtgetdi. 0-1. Içimden 'hmmbähh Siriýada güýçlije ekenäý..' diýdim. Onda-da umyt bar-a. Sebäbi oýnuň ýene-de ellenmän ýatan 1 sagatdan gowrak wagty bardy. Komandamyzyň liderleri Orazsähedowdan, Amanowdan bir zatlara garaşýadyk. Netije ýokdy. O bolmana-da ikinji gol geçäýmezmi. Ýagny birinji ýarymyň soňky minutlarynda Siriýa hasaby 0-2-ä ýetirdi. Buww 0-2 öz öýüň üçin ýaman gorkunç hasap. Ýöne ýene 45 minut bar ahyry.. Ilkinji 45-likde Siriýa 2 gol salyp bilýän bolsa, belki 2-nji 45-likde biz hem 2 gol salarys, Siriýanyň başaranyny biz hem başararys-a diýen umyt bardy kellede. Soň başlady ikinji 45-lik. Beeeý-bää bize ne döw çaldy?! Meýdançada oýnaýan oýnumyz birinji taýmdakyça-da ýoklaý. Siriýa öli, biz ondanam beter öli. Gaty biderek futbol oýnadyk. Ilkä komandamyzdan gola garaşan bolduk welin, soňabaka ataka etsek yrza bolduk. Ynanaýyň, ikinji taým boýunça ýekeje-de stwor warotymyz ýokdy. Bary-ýogy ýeke uglawoý depdik. Olam netijesiz. Biziň oýnaýan biderek oýnumyzdan peýdalanyp, Siriýa gde to 65-nji minutlarda 3-nji goly geçiräýmezmi. 0-3. Ine saňa gerek bolsa! Komandamyzdan edilen ähli umytlar şu ýerde gutarypdy. Sebäbi 0-3-den soň bize Siriýany geçmek üçin, oýny iň bolmanda 4-3 ýeňiş bilen gutartmalydyk. Muny başarmak bolsa, biziň meýdançadaky oýnaýan oýnumyz bilen mümkin däldi. Indi kellede diňe bir pikir bardy. Ýagny, iň bolmanda ýekeje gol bir salsak, suhoý utulmasak bolýar.. Ýöne edil şuna başardyk. Zordan bir gol saldyk, hawwa zooordan. Stadion begenmek begenendir-ä. Emma gynansagam gol hasap edilmedi. Sudýa goly ofside-de diýdi. Aý hawwa, aslynda çalaja ofside'demläý.. 0-3-den soň gözüm her iki minutdan sagadymdady. Bahymjak oýnuň wagty gutaraýsa, bolmasa ýene 1-2 sany gol saldyrýas diýip içimi gepledip otyrdym. Diýşim ýaly-da, Siriýa bu salan 3 golunam az gördi we oýnuň gutarmagyna 7-8 minudyrak galanda 4-nji gollaryny hem saldylar. 0-4. Bet hasapmy? Hawwa bet hasap, agladýan hasap onda-da. Nähili masgaraçylyk! 30.000 adamlyk stadiona gelen takmynan 20.000 adamyň öňünde 0-4 utulmakdan, onda-da öz meýdançaňda utulmakdan uly masgaraçylyk bolubam bilmez. Içim ýanýarow. Gaharym gelýär. Aý bor-da bähbit bolsun! Başga näme diýeýin.
Oýundan soň beznastrenýa gaýdyp barýan, aşakdan razdwarkadan futbolçylar çykyp, gaýdyp barýan ekenler. Seretdim welin aňyrrakda Wahyd Orazsähedow dur. Oň bilen surata düşen boldum. Aý näme liderimiz-dä diýen bolaýynmy?! 🙂 Ýöne bu ýerde esasy aýtjak bolýan zadym bu däl. Şo ýerde biziň ýene bir kemçiligimize gözüm ýetdi. Siriýa myhman, olara awtobus beripdirler, ola düşnükli. Ýöne biziň komandamyzada bir awtobusjyk beräýmelä. Hany ol zatlary gurnanoklarmyka? Ol zatlara seredýänler ýokmyka?! Biziň oglanlarymyz stadiondan öýlerine ýola çykyp gaýtýalar. Ýagny maşynlylara maşynly, maşynsyzlaňam taksi tutup oturany haýsy, ostanowkada awtobusa garaşyp oturany haýsy.. Ýöne-möne komanda dälähow bular, Olimpiýa ýygyndymyz. Oýunçylarymyzy idemeli, gerek zatlary bilen üpjün etmeli. Bolmazahow beýle eden-etdilik bolup dursa.. Umaman, bizde ne indeg bar, ne-de bir süýreg bar. Eden-etdilik.
Hmmm, Pekin-2008-denem şeýdip gaýdypdyk. Bu gezegem şeýdip gaýtýas. Rio De Žaneýro - 2016-danam şeýdip gaýdarysmykak? Näme bize grupbalara galmak harammyka? Näme üçin biz öz elimizdäki mümkinçiligi iň soňunda ýitirýäs? Näme üçin do kansa gidip bilemzok? Illeň bizden üýtgeşik ýeri barmy? Ýa biziňkileriň ilden kem ýeri barmy hä? Haçan biz öz futbolumyza guwanmaly? Haçan ýygyndylarymyzyň üstünligine guwanmaly? Haçan stadiondan öýe begenip gaýtmaly?
Haçan?!
Goşmaça: Çynymy aýdaýyn.Şu günki oýny görmek üçin çykaran 10 manadyma (6 manat taksi pul, 2 manat lipton ice tea, 2 manat bulka) gynandym. Puly sowanyma däl, göreniňe degýän oýnuň bolmadygyna gynandym.
Ýaman biderek futbol boldy.
Gidenime degmedi.
Arşivin durumu
● Tam metin
● 82/82 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 23 Mayıs 2012 · Orijinal sayfayı gör ↗
Yorumlar 82
Yany yokarda bir agza bellap gecipdir gowy edip. Oyuncy yokmy? Kan,hakykatdanam kop. Ozlerem arassa(arak,cilim yok) emma olaram kabir zatlary bilyarler. Bilyän zatlary hic kimi ba$da sylanoklar hawa hic kimi! Sebabinem aydayyn olar özlerini yyldyz futbolist diyen pikirde gezip yörler. Tany$ üsti bilen futbol oynap aylyk alyp yatyrlar mana yetyä $u diyip. Täze biri barsa,egerde özlerinden üstündigin BILIP ol oyuncyny döwyärler($ikes). Muña ne trener ne-de futbolistler(bo$lar) gynananok. Trener diyip yogatsana. Hemme zat tany$a bagly tanayar oynatyar tananok sylanok!
TM-da futboly osdurjek bolsan guychli trener gerek, koprak futbolchylara pul tolemeli. Dashary yurt klublaryny, yada oyunchylaryny chagyrmaly. Cristiano Ronaldo Tashkente geldi master klass gorkezmane, sholar yali bizem chagyrmaly, Realyn, Barcelona-nyn oyucnhylaryny. Sheydip osdurmeli futboly.
Hytaýda okaýan Türkmen studentlary Aziýaň çempiony bolup ýörler. Şolaram biziň milli ýygyndymyzdan gowy oýnajaklaryny bilýän.
Bizde ökde futbolistler kän. Nirä seretseň futbol bizde. Ýaşlar mekdepden başlap diňe futbol bilen gümenýärler sport görnüşlerinden. Bizdäki problema komanda düzmek.
Mena indi Siriya gocup gitmeliminam ? :-D
Gyrada top alyp berýän oglanjyklaram höwesli, gowja oýnaýarlaram. Şolary ýetişdirseňem birzatlar çykar. Türkmeniň aňyrsynda bir zat bar. Bir wagtlar Köpetdag topary subut etdi muny. Kiýewiň Dinamosyny gorkuzýan toparymyz bardy. Häzir Dinamo Ýewropanyň çempionlar ligasynda oýnap ýör!
Batýok iciñä döküpsiñ,gynandym,dogry belläp gecipsiñ. Utanclaý blaat 0:4 -ow :'( masgara özüm utanýanow :'(
hemme zady gowy gynanyp okap otyrdym welin shu avtobus duralgada dur diyen yere gelende gulup yykyldymey looooooooooooooooooooollllll,
Sony Playstation 3. Fifa 2011. Тм команда менеджер болйан. Инеде бар чозгут. 😆
elbetde 0-4lik hasap garaşmayan zadymdy. Emma önem aydypdym (men Arlaneo) , bizin gruplara galmagymyz türkmen futboly üçin gaty uly ösüş bolardy. bolmady. Diymek futbolymyz ösenok. Men özüm nebitçili hökmünde , hazirki Yokary Ligada 1nji bolup baryan nebitçiden yekeje hem oyunçynyn bolmazlygy geng galdyryar. Syriya güyçlidi, olaryn yenmeginden sapak çykarmaly. Azyndan indi kabirlerimiz garşydaşlarymyzy kiçi görmezler! Indi biz üçin olimpiya oyunlaary hem gadyrly bolup galar.
Yene bir ay sonra aygytly oyun bar. 2014 Dunya kubogyna saylamalarynyn 1nji tury. Biz Indoneziya bilen oynamaly. Göraymege biderek yurt yalydyr olar. Emma 250 milyon ilatly yurt. Ön biz utubam gördük yalnyşmasam. Kiçilerimizi yany 3-4 aylykda. Indoneziya şu yygyndysyna yewropada yaşayan öz rayatlaryny çagyryp pasport berip oynatyalar. Yagny men Indoneziyadan şu wagtdan gorkyan.
Umuman futboly söyjek bolsak, yenseniz goldarys, yenmeseniz s...n bolmaly dalmika diyyan. Elmydama garşydaşy sylamaly. Turkmenistany gözümizde gaty köp ulaldypdyrys öydyan. hazir reytinglerde Türkmenistan 200 yurdyn içinde 140njy yerde dur. Bolmalysam 120 töwerek menin pikrimçe. Şondan yokarsy dal. 5 milyonilatly, stadiona zorlap akidilyan, stadion biletlerin mugt bolan, TVde birjede pryamoy efir futbol görkezmedik, hatda sport programmalary bolmadyk, hepdede birje gezek çykyan birje gazetli yurtdan uly zada garaşmaly dal. Biz Aziyada ilkinji 20lik üçin göreşmeli. Hazir 24 töwereklerinde. Azerbeyjan , Gazagystan Yewropa geçdiler. Indi yetip bilmeris (önem yzdadyk olardan) Özbegistana eyyam tapawytlyyurt. Men elmydama şunun yaly yaryşlarda bijede Özbegistan çykmawersin garşymyza diyip doga edyan. Sebabi masgara bolmagymyz we içimizdaki kabirlerini begendirmegi mümkin. Biz Gyrgyzystan we tajigistan bilen yaryşyarys. Olar bizin denimiz.
Adim-adim geçmeli. Ilki bilen Indoneziya geçilmeli. Gruplara galsak, ilkinji 2lige giraysek men daşarda yalanaç aylanmaga tayyn 🙂 sebabi gruplarda ilkinji 2lik arzuwdan beter düyş. Diyjek bolyanym Indoneziyany geçmegimiz biz üçin yetyar. Ondan sonra kluplar babatyndan AFK Prezident Kubogy bar .. Şona Nebitçi gatnaşyar.. In bolmanda finala çyksyn, başarsa Kubogy alsyn. Ana şonda futbolymyz ösyar diyip bolar.
Sony Plaýstation 3-e, FIFA 11-e türkmen komandalaryny çykarmak üçin näme etmeli? Iň bärkijesi şojagaz ýerde-de adymyz ýok.
Muňa-da gynanýan.
menem gynandym
blaaaaaaaaaaaa utyldylarmay??? barmadygym gowy bolupdyr, yaman erbet gaharym gelip gaydardym!
Seniň aýdanlaryňa goşulýan dost.
Geçen ýyllar biri maňa Galatasarayy näme üçin tutýaň? Hamana öz ýurduň komandasy ýaly diýip. Men öz ýurdumyňky ýa-da däl, futbol göresim gelýädä how. Kino göremizde ejizlere balet edýänem bolsak futbolda beýle däl. Näme üçin Madridi tutýaň soragyň jogabam şumuka diýýän
Sol futbolda 7-likde bir oglan oynady solama bet oynady. Adyny fam bilemok
Dur, dur, dur O_o Kerki 7-lik bet oýnady? O_O
Biziň 7-ligimizä bet oýnamady, pes oýnady.
Hä, olaň 7-ligine diýýän bolsaň biljekdäl.
futbolyn ichinden dowleti chykarmaly. kammercheski etmeli. ana fenerbakja futbolka satyp bayayar, oyunchylara trenerlere narmalni aylyk toleyar. osmek uchin pul gerekdir.
eger turkmen futboly erkin oynalyan bolsady, erkek yaly milli yygynda 10
dollardan 100 dollara chenli (gowja yerde oturyp gorsem) bilet alyp
futbol gormane giderdim. erkekche.
hany on professionalny liga edin diyda yashuly, sony name bolday shon. birzat diyyar sony yoklay.
Näme üçin Türkmenistanyñ ýygyndy komandasy Siriadan 4-0 hasabynda utuldy? Sebäbi türkmen komandalary özara agzybir däl, ine seredip görüñ Turkmenistanyn çempiony Balkandan, umumy Balkan welayatyndan ýekeje oýunçam ýygyndy komanda çagyrylmady, nirede bir oynap bilmeyanleri yygnapdyrlar, derwezewana serediñ, aý bolyada janymy yakyp oturmaýyn.
Nesip bolsa utarys turkmenistan yash oyunchylar saylap geljege gowy edip tayyarlanalyda
Nesip bolsa utarys turkmenistan yash oyunchylar saylap geljege gowy edip tayyarlamalyda