Haçan biz öz futbolymyza guwanmaly? Haçan stadiondan öýe begenip gaýtmaly? Haçan?!
Geçenki oýny 2-2 oýnalandan soň bu oýuna umyt eden bolduk. Öz öýmüzdäki oýny utarys öýtdük. Stadiondan öýe begenip gaýdarys öýtdük. Toparçalara galarys öýtdük. London-2012-ä gideris öýtdük. Hawwa-hawwa Olimpiýada gideris öýtdük. Komandamyza guwanarys öýtdük. Indi? Indimi, belaň sapyny Olimpiýada gidersiň, belaň sapyny komandaňa guwanarsyň!
Hä, nämä gaharlanyp dursyňaý diýýänleriňizem barmy? Aýdaýyn onda. Düýn (23.06.2011ý) futbol boýunça Olimpiýa ýygyndymyzyň Siriýanyň olimpiýa ýygyndysy bilen jogap oýny boldy (Aşgabatda Olimpiýa stadionda). Birinji oýny aýyň 19-yna myhmançylykda 2-2 oýnap gaýdypdyk. Jogap oýun üçin mundan gowy hasap hem bolup bilmezdi. Biz üçin bu günki oýunda utmaga aňyrda dursyn, hat-da deňlik hem ýeterlikdi (0-0 ýa-da 1-1). Ýöne biz bu oýundan deňlige däl, komandamyzyň ýeňmegine garaşýadyga.. Şu maksat bilen ýygyndymyzy goldamaga stadiona gitdik. Oýnuň başynda hemme zat gowy ýalydy. Onçakly gyzykly bolmasa-da meýdançada iki taraplaýyn oýnalýan futbol gidip durdy. Meň özümä oýnuň başyny görüp, hasap 0-0, aňyry gitse 1-1 gutarar öýtdüm. Ýöne bu 0-0-ly pikirimi Siriýalylaryň birinji ýarymyň ortalarynda salan goly üýtgetdi. 0-1. Içimden 'hmmbähh Siriýada güýçlije ekenäý..' diýdim. Onda-da umyt bar-a. Sebäbi oýnuň ýene-de ellenmän ýatan 1 sagatdan gowrak wagty bardy. Komandamyzyň liderleri Orazsähedowdan, Amanowdan bir zatlara garaşýadyk. Netije ýokdy. O bolmana-da ikinji gol geçäýmezmi. Ýagny birinji ýarymyň soňky minutlarynda Siriýa hasaby 0-2-ä ýetirdi. Buww 0-2 öz öýüň üçin ýaman gorkunç hasap. Ýöne ýene 45 minut bar ahyry.. Ilkinji 45-likde Siriýa 2 gol salyp bilýän bolsa, belki 2-nji 45-likde biz hem 2 gol salarys, Siriýanyň başaranyny biz hem başararys-a diýen umyt bardy kellede. Soň başlady ikinji 45-lik. Beeeý-bää bize ne döw çaldy?! Meýdançada oýnaýan oýnumyz birinji taýmdakyça-da ýoklaý. Siriýa öli, biz ondanam beter öli. Gaty biderek futbol oýnadyk. Ilkä komandamyzdan gola garaşan bolduk welin, soňabaka ataka etsek yrza bolduk. Ynanaýyň, ikinji taým boýunça ýekeje-de stwor warotymyz ýokdy. Bary-ýogy ýeke uglawoý depdik. Olam netijesiz. Biziň oýnaýan biderek oýnumyzdan peýdalanyp, Siriýa gde to 65-nji minutlarda 3-nji goly geçiräýmezmi. 0-3. Ine saňa gerek bolsa! Komandamyzdan edilen ähli umytlar şu ýerde gutarypdy. Sebäbi 0-3-den soň bize Siriýany geçmek üçin, oýny iň bolmanda 4-3 ýeňiş bilen gutartmalydyk. Muny başarmak bolsa, biziň meýdançadaky oýnaýan oýnumyz bilen mümkin däldi. Indi kellede diňe bir pikir bardy. Ýagny, iň bolmanda ýekeje gol bir salsak, suhoý utulmasak bolýar.. Ýöne edil şuna başardyk. Zordan bir gol saldyk, hawwa zooordan. Stadion begenmek begenendir-ä. Emma gynansagam gol hasap edilmedi. Sudýa goly ofside-de diýdi. Aý hawwa, aslynda çalaja ofside'demläý.. 0-3-den soň gözüm her iki minutdan sagadymdady. Bahymjak oýnuň wagty gutaraýsa, bolmasa ýene 1-2 sany gol saldyrýas diýip içimi gepledip otyrdym. Diýşim ýaly-da, Siriýa bu salan 3 golunam az gördi we oýnuň gutarmagyna 7-8 minudyrak galanda 4-nji gollaryny hem saldylar. 0-4. Bet hasapmy? Hawwa bet hasap, agladýan hasap onda-da. Nähili masgaraçylyk! 30.000 adamlyk stadiona gelen takmynan 20.000 adamyň öňünde 0-4 utulmakdan, onda-da öz meýdançaňda utulmakdan uly masgaraçylyk bolubam bilmez. Içim ýanýarow. Gaharym gelýär. Aý bor-da bähbit bolsun! Başga näme diýeýin.
Oýundan soň beznastrenýa gaýdyp barýan, aşakdan razdwarkadan futbolçylar çykyp, gaýdyp barýan ekenler. Seretdim welin aňyrrakda Wahyd Orazsähedow dur. Oň bilen surata düşen boldum. Aý näme liderimiz-dä diýen bolaýynmy?! 🙂 Ýöne bu ýerde esasy aýtjak bolýan zadym bu däl. Şo ýerde biziň ýene bir kemçiligimize gözüm ýetdi. Siriýa myhman, olara awtobus beripdirler, ola düşnükli. Ýöne biziň komandamyzada bir awtobusjyk beräýmelä. Hany ol zatlary gurnanoklarmyka? Ol zatlara seredýänler ýokmyka?! Biziň oglanlarymyz stadiondan öýlerine ýola çykyp gaýtýalar. Ýagny maşynlylara maşynly, maşynsyzlaňam taksi tutup oturany haýsy, ostanowkada awtobusa garaşyp oturany haýsy.. Ýöne-möne komanda dälähow bular, Olimpiýa ýygyndymyz. Oýunçylarymyzy idemeli, gerek zatlary bilen üpjün etmeli. Bolmazahow beýle eden-etdilik bolup dursa.. Umaman, bizde ne indeg bar, ne-de bir süýreg bar. Eden-etdilik.
Hmmm, Pekin-2008-denem şeýdip gaýdypdyk. Bu gezegem şeýdip gaýtýas. Rio De Žaneýro - 2016-danam şeýdip gaýdarysmykak? Näme bize grupbalara galmak harammyka? Näme üçin biz öz elimizdäki mümkinçiligi iň soňunda ýitirýäs? Näme üçin do kansa gidip bilemzok? Illeň bizden üýtgeşik ýeri barmy? Ýa biziňkileriň ilden kem ýeri barmy hä? Haçan biz öz futbolumyza guwanmaly? Haçan ýygyndylarymyzyň üstünligine guwanmaly? Haçan stadiondan öýe begenip gaýtmaly?
Haçan?!
Goşmaça: Çynymy aýdaýyn.Şu günki oýny görmek üçin çykaran 10 manadyma (6 manat taksi pul, 2 manat lipton ice tea, 2 manat bulka) gynandym. Puly sowanyma däl, göreniňe degýän oýnuň bolmadygyna gynandym.
Ýaman biderek futbol boldy.
Gidenime degmedi.
Arşivin durumu
● Tam metin
● 82/82 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 23 Mayıs 2012 · Orijinal sayfayı gör ↗
Yorumlar 82
diyme dost menin gözümden yaş geldi sana goşulyan
Hasap 0-3 bolandan soň stadionyň komentatory: 'hormatly janköýerler, siz futbol görmäge gelmediňizä, toparymyzy goldamaga geldiňiz. Ýygyndymyzy goldaň-da, janköýerlik ediň-dä..' diýen bolýar. 0-3-den soň kimiň keýpi bar balet eder ýaly..
bu zatlar uchin kop zady uytgedip gurmaly. adamlan anyny. yurdun bashga taraplary osmese futbolam osmeyar. bizde shu wagt hich zat osenok.
Ruslan Mingazow näme gelmedi şol bolsa bir zatlar bolmazdymay
Ya' nätdiñaý? Señ ýadyña futbol dü$ýä. Owadanja gyzlar hakda ýazsanow
Oýnaýan kluby (Skonta) goýbermedi.
batyr sana doly goşulyan!!! maşynlylar diyip bizin komandamyzda norm maşynlama yokdy bir wagtlar. dine wahydta bmw x5 bardy. (onki ooyunlara gidyadim). wahh doss süreg bolsa bizden gou komanda yasap bolya. ilki bilen oyunçylara köpürak pul bermeli,oyunlardan ön normalniy trenirowka etdirmeli. (köpüsi çilim çekya bizinkilen) içyanlerem az daldir. şu zatlarada gouja seretmeli. bular komanda bolup normalniy trenirowka edenoklar! onson orazsahedow dagy indiki yyllarda başga yurdy saylasa gen görman!!! bu wagta dine yaşlarda oynaya.
Siriyan salan 4 goly hem haram bolsun. . .
eyyam aytdy, bashga yurtdan teklip gelse srazu kabul etjegini!
men pikirimçe geler,ynanyan geçen yyl russiya kiçiler sostawynda rubinyn ikinji bombardiry boldy!!!
Menem haram bolsun diýerdim, eger-de haramlap utan bolsa. Emma haramlap utmadylar, halal. Şoň üçinem Siriýa beýle diýjekdälde, üstünlik hemraň bolsun diýjek.
onyñam dogry welin. . .
batyr agza okap gutaramsongam sen ozun komandada futbol oynansyn oytyadim %) gurrun berishin gaty janly ve hakyky gorup otyran yaly 'imagination' super.. Anywayz , hayirlisi diyelim. Nesipbolsa geljekde idegem bolar utushlaram yagny has betinden bizin hasabymyza 7:0 😆
Actually,futboldan kanbir bashym cykanak. Yone okuwdan zorlap akidyalerdaa : D azajyk owrendim seredip.. Size 'GOOD LUCK' gynanman..
Dost mena goremok welin, yone senin aydan sozlerinden menin gozume yash aylandy. Ay Allajan nesip etse yene bir gun utarys.
ay 6u gidi6ine gitsa utmanjyk ge4ers...futbolda hi4 hili osu6/ustunlikler yoga...oynun dowamynda bizinkiler yekeje yerlikli kombinasiya oynap bilmediler(oz yerinde mandrazh)...stadiona baryp seredenime yekeje-de degmedi(
Patrioýtizm-futboldan balet edýäler, widima futbolyň lezzetine düşünmeýän çinownik sekasdan başga zat bn gyzyklananok oýtýän!
Ayy Batyr, sennem onaryanay, Nämesine gityan'ou bylan oynunyn. Zorlap akitjek bolanlarnda eydip-beydip gachyp gaytyadyk. Futbolistm'ou bylar, bosh chishmekden bashga zada yaranaklar...Sen doss, gousy U-21 World Cup gör, Bylara washshe bolet etmeli dal'ou. Birwatlar Prizdent kubognda Gruzinlan Torpedasy bilen Köpetdag oynapdy, shonna menem bolet eden bolyadym, sho gezegä sudya götuni berdi, Köpetdagy utdurjak bolup. Bashgada kan gördum, Tm komandasyna bolet edip, her hili maymynlyk etyan sudyalary, sho bolly gaydyp Tm futbol diyseler yuregm bulanya, Ayyy sho döwurlen Prizdent kuboklarna gelen komanda'n oyunchulary aglap chykyad'ou sudyalar zerarly, Azerbeycan, Kazak, Uzbek futboly bizinkiden kan ösen
Menem gitdim sol futbola, menä Türlmenler Siriyany utyp gaytdylar diyip estdim yene utarla dp pikir edip otyrdym. Oglanlaram gülüsyäler Siriyada kim oynadyka futboly dp. Gaty gaharym geldi.
men diýdimä öňüräk, hiçkim ynanmady, müň manat berip öýüne awtobusly gaýdýalar diýip.
Bizde bet özüni ýyldyz hasaplaýan hüjümçisumaklarymyz bar eken. Biri Wahyt Orazsähedow, beýlekisi A. Amanow. Ikisem polýada bet çiship gezdi, özlerine C. Ronaldo öýtýäler. Polýada hijem ylganoklar, diñe pasa garashýalar, pas alsalarda, topy aýagyndan aldyryp durlar töññe ýaly. Amanow az kem oýnady, Orazsähedow ýöne san bolup durdy.
Stadiona öz islegi bilen baran janköýerler bar, warotanyñ arkasyndaky ýerlere kowup, ortaky ýerlerde ak köýnekli studentlary otyrtdylar. Borlaý, masgara.