Durmuş Nobatguly däldir!
Hoş gal, hoş hyýal, boş hyýal, ho-oş gal,
Besdir indi düýş deý göwnüm aldama.
Men seniň däl, men söýginiň alnynda
Bütin durkum bilen bataýyn gama.
Söýginiň sönenin satdy gözleriň,
Hoşlaş, ýalbarmaýyn, ýansa-da jiger.
Durmuş Nobatguly däldir, ezizim,
Durmuş irde-giçde göwnüňe deger.
Bagtly bolsaň, söýülseň sen, söýseň sen,
Maňa orun bolmaz seniň ýanyňda.
Bagtsyz bolsaň, gorkýan, görünerin men,
Seniň damja-damja daman ýaşyňda.
Awtory Nobatguly Rejebow.
Arşivin durumu
● Tam metin
● 8/8 yorum korunmuş
Yayımlandığı site: teswirler.com · Kaynak: Web Archive kopyası — ertir.com, 5 Ağustos 2012 · Orijinal sayfayı gör ↗
Yorumlar 8
Kab aga sagbol. Käbir şahyrlary tanamzok welin şolar hakynda azajyk maglumatam ýazsaň gowy boljak.
Haladym goshgyny.
Söýginiň sönenin satdy gözleriň,
Hoşlaş, ýalbarmaýyn, ýansa-da jiger....
Shu setirleri hasam haladym... Minnetdar paylashanynyza.
Gaty gowy goşgy, öňem halap okapdym. Umuman, Nobatguly agaň goşgularyny gaty gowy görýän. Şahyry tanaýan. Arada ýitip gitdi welin, onuňam sebäpleri bar. kab aga bilýändir sebäbini.
Gaty üýtgeşik pikirlenýär şahyr. Manyly ýazýar. Goşgularynyň köpsünde milli äheň duýulýar. Ýagny häzirki döwrüň milli şahyry diýsek-de bolar. Eger tapyp okap görseňiz, göz ýetirersiňiz!
Nobatguly Rejepow XXI asyryň klassigi!!!!!!!!!!! Ajaýyp şahyr, hakaýyl kişi
Onsoň hem Osman Ödä has hormat goýýan
çepde Osman aga, sagda Nobatguly aga
birinji setir!!!!!
javascript:nicTemp();👍
Govy goshy. 👍
Ayratin hem shahyr adyny yazmagyn govy zat
Juda gowy goshgy! Ady munun ozi bir ayratyn,uytgeshik.
Onem bu goshgusyny okapdym,hazirem gaytalap okadym.Sag bolun Kab aga!