Durmuş Nobatguly däldir!

kab· · 237 gezek okaldy· halanan: 8teswirler.com

Hoş gal, hoş hyýal, boş hyýal, ho-oş gal,
Besdir indi düýş deý göwnüm aldama.
Men seniň däl, men söýginiň alnynda
Bütin durkum bilen bataýyn gama.

Söýginiň sönenin satdy gözleriň,
Hoşlaş, ýalbarmaýyn, ýansa-da jiger.
Durmuş Nobatguly däldir, ezizim,
Durmuş irde-giçde göwnüňe deger.

Bagtly bolsaň, söýülseň sen, söýseň sen,
Maňa orun bolmaz seniň ýanyňda.
Bagtsyz bolsaň, gorkýan, görünerin men,
Seniň damja-damja daman ýaşyňda.

Awtory Nobatguly Rejebow.

Arhiwiň ýagdaýy

● Doly tekst

● 8/8 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 5 awgust 2012 ý. · Asyl sahypany gör ↗

Teswirler 8

Mirasymyz 3 iýun 2011 ý. 02:45 +2

Kab aga sagbol. Käbir şahyrlary tanamzok welin şolar hakynda azajyk maglumatam ýazsaň gowy boljak. 

kozete...m 3 iýun 2011 ý. 04:39 +3

Haladym goshgyny.
Söýginiň sönenin satdy gözleriň,
Hoşlaş, ýalbarmaýyn, ýansa-da jiger....
Shu setirleri hasam haladym... Minnetdar paylashanynyza.

Define 3 iýun 2011 ý. 04:54 +5

Gaty gowy goşgy, öňem halap okapdym. Umuman, Nobatguly agaň goşgularyny gaty gowy görýän. Şahyry tanaýan. Arada ýitip gitdi welin, onuňam sebäpleri bar. kab aga bilýändir sebäbini.

Gaty üýtgeşik pikirlenýär şahyr. Manyly ýazýar. Goşgularynyň köpsünde milli äheň duýulýar. Ýagny häzirki döwrüň milli şahyry diýsek-de bolar. Eger tapyp okap görseňiz, göz ýetirersiňiz!

Boeing757 3 iýun 2011 ý. 06:40 +5

Nobatguly Rejepow XXI asyryň klassigi!!!!!!!!!!! Ajaýyp şahyr, hakaýyl kişi
Onsoň hem Osman Ödä has hormat goýýan

çepde Osman aga, sagda Nobatguly aga

m.a.c.h.o 3 iýun 2011 ý. 06:49 +2


birinji setir!!!!!

Guljemal han 3 iýun 2011 ý. 15:54 +3

Govy goshy. 👍
Ayratin hem shahyr adyny yazmagyn govy zat

Sabyrly 5 iýun 2011 ý. 13:37 +1

Juda gowy goshgy! Ady munun ozi bir ayratyn,uytgeshik.
 
Onem bu goshgusyny okapdym,hazirem gaytalap okadym.Sag bolun Kab aga!