AWARA

Birki günlükde Amany gördüm.

Amany tanaýansyňyz-la. Tokgaja, lopbuş, islendik sözi aýtsaň, şo bada tersine öwrüp berýär. Gaty seýrek gabat gelýän, tapylgysyz zehini bar. Her hili uzyn sözleri okap-öwrenip, tersine öwrüp, näçe tejribe toplasaňam, Amanyňky ýaly başarnyk, ukyp her kimiň oňarjak pişesi däl.

Aman bilen biraz salym gürrüňleşip oturdym. Akyl-üşüginde biraz kemislik bar eken. Ýolötendäki maýyp çagalaryň mekdep-internatynda bir ýarym ýyl bolupdyr. Öz aýdyşyna görä öý-öwzary ýok eken. 

Ýanymdaky oglanlaryň biri:

- Bu günler gije nirede ýatyp-turýaň? - diýip sorady. Aman:

- Mary stoýankada - diýdi.

Gyşda, sowukda, aýazda nirede bolýaň diýip sorasak:

- Otluda - diýdi. Ýagny, Atamyrada, Serhetabada, Türkmenbaşa gatnaýan ýolagçy otlularyna münüp gidiberýän eken. 

Bu oglanyň ene-atasy, dogan-garyndaşy, hossarlary barada hiç zat bilemok. Çintgäp, sorap durmadym. Megerem, ene-atasy tarapyndan internata tabşyrylan bolsa gerek.

Indem awara durmuş, sergezdançylyk.

Indi Aman şeýdip ýabany ýatyp-turup ýörmeli bolarmykan diýen sowala jogap gözledim. Bu barada kim alada etmeli?  Kim bolanda-da o-da edil beýlekiler ýaly adam-a. Biziň döwetimiziň raýaty. Özem juda seýrek duş gelýän ukybyň eýesi.