Türküstan Diýarynyň Şuglasy.

                                                                    SÖZBAŞY
Musulman milletleriniň aglabasynyň Aziýa yklymynda ýaşaýşy ýaly, musulman türki milletleriň hem köp bölegi şu ülkelerde ýaşaýar. Aslymyzyň aziýaly bolşy ýaly biziň köňüllerimize we aň-düşünjelerimize ýol gorkezenlerhem bu yklymda ýaşap geçen adamlardyr. Türki milletler yslam dinini kabul edenlerinden soň olaryň köňüllerine ilkinji bolup Hak ýoluny salan şahsyýet Hoja Ahmet Ýasawydyr. Onuň bu ugurdaky ýörelgeleri dowam edip durka dünýä inen Nejmeddin Kübra bolsa, Türkistan diýarynyň ikinji beýik şahsyýetidir. Ondan bir asyr soň dünýä gelen Bahaweddin Nagyşbendi bilen bolsa "üç aýakly tagan" emele gelýär.Medrese bilimini kämil özleşdirensoň tekge(hanaka,dergäh) ulgamy bilen hem içgin tanyşan Nejmeddin Kubra bir tarapdan özüniň kanagatlandyryjy we kalplara aram beriji söhbet-mejlislerini dowam etdiren bolsa, ikinji tarapdan özünden öň bäş asyrlap dowam edip gelýän tasawwuf(sopuçylyk) medeniýetinden ugur alyp, täze eserler ýazyp ugraýar. Öz terbiýesinde kemala gelen pir-sopularyň dünýäniň çar künjine ýaýraýşy ýaly, onuň ýazan eserleri hem ýedi yklyma ýaýraýar. Bu eserler adamlaryň köňüllerine aramlyk berip, ruhy kämilliklerine güýç gatyp, olaryň aňlarynda çözüp bilmän ýören soraglaryna jogap berýär. Türküstan diýarynyň pir-erenleri dini we jemgyýetçilik durmuşynyň adaty günlerinde bolşy ýaly, kyn döwürlerinde hem özleriniň bu ugurdaky gaýrat-tagallalarynyň we hyzmatlarynyň arasyny üzen däldirler. Olary mongollaryň basybalyşlarynyň ýüze çykaran kynçylyklarynyň umytdan düşürmeýşi ýaly, 1917-nji ýylda başlanan sowet häkimiýeti ýyllary hem boýun egdirip bilmedi. Munuň iň aýdyň subutnamasy bolsa bu sebitiň ýaşaýjylarynyň dilleriniň senasy bolan "Medinede Muhammet,Türküstanda Hoja Ahmet" sözleridir. Sebäbi Ylahy yşk hiç haçan ölmez, Alla bolan söýgi-muhabbet hiç haçan ýok bolmaz. Mady ýollar ýapylsa-da, "köňülden köňle giden ýollar" ýapylmaz, ýapylyp hem bilmez.                               Dowamy bar..............