Men. awtory Rahat Şyhyýew
Bu yazı RSS akışından geri getirildi, yorumları korunmamış.
Dogabitdi aşyk bolup indim men,
Söýýärin aklygy, gijäň tümlügin.
Yşkymdan delmurup göçäýse serim,
Haýyş edýän, birje gezek ümlegin.
Gözellige teşne bolup geldim men,
Nägözele pynhan kylmadym yşkym.
Göwnümi bürgüt deý asmana zyňyp,
Hem pespäl umytdan gelýärin asgyn.
Ynsabyma aşna bolup geldim men,
Ynsapsyza her hal bolmadym şärik.
Söýdüm munuň ähli oňlan pişesin,
Saýlamok şoň üçin belli bir kärim.
Ýazly dünýä başga bolup indim men
Soňlananyň ýaşy bolup indim men.
Paýyma özge bir kesbi tapmamsoň,
Dogabitdi aşyk bolup geldim men!
2016
Arşivin durumu
● Tam metin · RSS
○ Yorumlar korunmamış
Yayımlandığı site: ertir.com · Kaynak: RSS akışı (Web Archive) — ertir.com, 6 Nisan 2016 · Akışı aç ↗
Yorumlar 0
Yorum yok.