Men. awtory Rahat Şyhyýew
Bu ýazgy RSS lentasyndan dikeldildi, teswirleri saklanmandyr.
Dogabitdi aşyk bolup indim men,
Söýýärin aklygy, gijäň tümlügin.
Yşkymdan delmurup göçäýse serim,
Haýyş edýän, birje gezek ümlegin.
Gözellige teşne bolup geldim men,
Nägözele pynhan kylmadym yşkym.
Göwnümi bürgüt deý asmana zyňyp,
Hem pespäl umytdan gelýärin asgyn.
Ynsabyma aşna bolup geldim men,
Ynsapsyza her hal bolmadym şärik.
Söýdüm munuň ähli oňlan pişesin,
Saýlamok şoň üçin belli bir kärim.
Ýazly dünýä başga bolup indim men
Soňlananyň ýaşy bolup indim men.
Paýyma özge bir kesbi tapmamsoň,
Dogabitdi aşyk bolup geldim men!
2016
Arhiwiň ýagdaýy
● Doly tekst · RSS
○ Teswirler saklanmandyr
Ýazylan saýty: ertir.com · Çeşme: RSS lentasy (Web Archive) — ertir.com, 6 aprel 2016 ý. · Lentany gör ↗
Teswirler 0
Teswir ýok.