Microsoft-yň hazynalaryndan peýdalanyň – 2

Arada Microsoft-yň Support (goldaw) sahypalaryna aýlanyp ýörkäm gowuja zatlara gabat geldim. Siziň bilen paýlaşaýyn diýdim.
Bilişiňiz ýaly Microsoft ygtybarly hem döwrebap programmalary bilen giňden tanalýar. Onuň köp programmalarynyň hakyky bahalary bize görä çökderräkdigini we garakçylyk ýoly bilen aňsat tapyp bolýandygyny bilýäris. Ýöne Microsoft-yň mugt paýlaýan programmalary hem bar. Ol mugt programmalar näme üçindir kän göze ilenok, belki ýönekeýdir ýöne şolaryň arasyndan has peýdalydyr öýdenlerimi size ýetireýin diýdim.
 1. Microsoft Calculator Plus (Microsoft Hasaplaýjy Goşmaça)
 Bu goşmaça hasaplaýjy adaty Windows-yň hasaplaýjysy ýaly ýöne oňa goşmaça bir ululyk birliginiň başga bir ululyk ölçegine geçirmek ýaly goşmaça aýratynlyk goşýar. Meselem uzynlyk ölçegi bolan metrden futa, mil we başga ýurtlarda ulanylýan onlarça ölçeg birliklerine öwürmek, bundan başga-da gyzgynlyk, agyrlyk, meýdan, göwrüm, ýangyç harçlama, güýç, walýuta, tizlik, kuwwatlylyk, basyş ýaly ölçeg birliklerini başga ölçeg birligine öwürmäge kömek edýär.
Ulanylyşy: Programmany gurnanyňyzdan soňra ony işe göýbereňizde ölçeg birliklerini üýtgedilýän bölegi ýok bolsa onda Görnüş (View – Вид) menýusyndan Ululyklary Geçirmek görnüşine basyp onuň goşmaça ölçeg birliklerini üýtgetmek penjiresini işjeň ýagdaýa getirip bilersiňiz.
Programma hakynda gysgaça maglumatlar:
Faýlyň ady: CalcPlus.msi
Göýberilişi (wersiýa): 1.0
Goýulan wagty: 24.05.2005
Dili: Iňlisşçe, türkçe, rusça we başga onlarça köp ulanylýan dilleri goldaýar
Ýüklenen faýlyň ölçegi: 439 Kb
Ulgam talaplary: 
Goldaýan iş ulgamlary: Windows XP we ondan ýokarky wersiýalary (göýberilişleri).

Sahypanyň salgysy:şu ýerde
 Göni ýüklemek üçin salgysy: şu ýerde

Bu programmany peýdaly hasapladyňyzmy?!

Mende ondan has gowusy bar!(33%, 4 adam)

Öň hem bilýädim, maňa gyzyksyz!(0%, 0 adam)

Asyl düýpden kelläm güýçli hasaplaýjy ulanammok.(8%, 1 adam)

Belki indiki hazynadan peýdaly zatlar ýazarsyňyz.(58%, 7 adam)