Microsoft-yň hazynalaryndan peýdalanyň – 1

Arada Microsoft-yň Support (goldaw) sahypalaryna aýlanyp ýörkäm gowuja zatlara gabat geldim. Siziň bilen paýlaşaýyn diýdim.
Bilişiňiz ýaly Microsoft ygtybarly hem döwrebap programmalary bilen giňden tanalýar. Onuň köp programmalarynyň hakyky bahalary bize görä çökderräkdigini we garakçylyk ýoly bilen aňsat tapyp bolýandygyny bilýäris. Ýöne Microsoft-yň mugt paýlaýan programmalary hem bar. Ol mugt programmalar näme üçindir kän göze ilenok, belki ýönekeýdir ýöne şolaryň arasyndan has peýdalydyr öýdenlerimi size ýetireýin diýdim.

1. Microsoft Office üçin Word, Excel we PowerPoint 2007 faýl fortmatlaryny utgaşdyryjy üpjünçilik toplumy.

Microsoft Office XP we 2003 ulanyjylary Office 2007 bilen döredilen faýllary açyp, üýtgedip ýa-da olary ýazdyryp bilmeýärler. Bu düşünişmezligi Microsoft Office programmaňyzy täzelemezden şu üpjünçilik toplumyny ýükläp düzedip bolýar. Ony ýükläniňizden soňra siz Office XP ýa-da 2003 ulanmagyňyza garamazdan Office 2007 faýl fortmatlarynyň üstünde arkaýyn işläp bilersiňiz.

Programma hakynda gysgaça maglumatlar:

Faýlyň ady: FileFormatConverters.exe
Göýberilişi (wersiýa): 4
Goýulan wagty: 06.01.2010
Dili: Iňlisşçe, türkçe, rusça we başga onlarça köp ulanylýan dilleri goldaýar
Ýüklenen faýlyň ölçegi: 37,2 Mb
Ulgam talaplary:
Goldaýan iş ulgamlary: Windows 2000 Service Pack 4; Windows Server 2003; Windows Vista; Windows Vista Service Pack 1; Windows XP Service Pack 1; Windows XP Service Pack 2; Windows XP Service Pack 3
Maslahat berilýän Microsoft Office programmalary: Microsoft Office 2000 Service Pack 3, Microsoft Office 2002 Service Pack 3, Microsoft Office 2003 azyndan Service Pack 1

Salgysy: http://www.microsoft.com/downloads/details.aspx?displaylang=ru&FamilyID=941b3470-3ae9-4aee-8f43-c6bb74cd1466#QuickInfoContainer

Bu programmany peýdaly hasapladyňyzmy?

Aý men asyl Office 2007 ulanýan, döwürden yza galammok!(38%, 5 adam)

Aýlanaýyn könämden (Office 2003), bu programma gowy kömekçi boldy!(23%, 3 adam)

Öň hem bilýädim, maňa gyzyksyz!(15%, 2 adam)

Mowzugyň düşnüksiz terminlerden doly, düşünmedim(0%, 0 adam)

Belki indiki hazynadan peýdaly zatlar ýazarsyňyz.(23%, 3 adam)