"Kirli Maysa" goshgusy yadyma dushdi :)

GULMELIDIR

Mähti SEÝITZADA

Azerbaýjan şahyry

terjime: Atamyrat Atabaýow

Ähli çagalar turup‚

Ýuwunýar her gün säher.

Nämüçin el-ýüzün

Ýuwmakdan gorkýar Säftär.

Kirli bolýar hemişe

Ýalta Säftäriň eli.

Ony görenler diýer:

Gülmerlidir¸ gülmeli!

Hatyrasyz saklaýar

Ähli kitap-depderi.

Siz mydam eltik-teltik

Görersiňiz Säftäri.

Egri-bugry hat ýazar

Kitabyň her ýerinde.

Abat sahypa bolmaz

Onuň depderlerinde.

Säftär günde bir ýana

Zyňar eşigniň baryn.

Krowadyň astyndan

Agtarar ol jalbaryn.

Käteýitir papagyn‚

Gider öýden papaksyz.

Onuň aýakgaby-da

Mydam bagjyksyz‚ bagsyz.

Ýa mekdepde¸ ýa öýde

Görseň güläýmelidir.

Soraman Säftärdigin

Derrew biläýmelidir.

Yangy turkmenedebiyaty.com-dan "terjimeler"-i okap otyrkam shuny okadym, onsan yadyma 1-nji ya 2-nji klasda okap owrenen "Kirli Maysa" goshgusy yadyma dushdi 🙂 Shol wagt gaty gyzyklydy biz uchin, shu goshgyny shonga menzetdim, barik goyayyn diydim. Name-de bolsa bir pursatlyk chagalygym yadyma dushdi, hich wagt gaytaryp bolmajak bagtly gunlerimi nache yatlasam az!