Derýa kimin dolup daşan ejem meň

Perzent bagty üçin baryny beren

Jigerinden söýüp, ezizi gören,

Gamly günlerimde şatlygy beren

Kötel menzillerden aşan ejem meň.

Mydama çekeni perzendiň keşgi

Ýanyp duran işler ellerniň nagşy

Waspyny ýetirip, aýdar her bagşy

Ili üçin gaýnap joşan ejem meň.

Aýlar, günler edil suw deýin akýar

Arkadag, howandar hemdir ol hossar

Il derdin paýlaşyp kalbyny päklär

Göwni abat, özi hoşal ejem meň.

Gaýgyny, hasraty galdyrmaz serde

Barlygy buýsançly namys-u-arda

Egiser, em boler egsilmez derde

Göterer ajaýyp söýgi jigerde

Derýa kimin dolup, daşan ejem meň.

Amanowa Leýli