Akja kebelege ýüzlenme.
Ne parhy bar meniň ýatan ýerimiň,
Daşa çykyp bilmeseň, gezip bilmesem.
Ne peýda bar islämde-de ölümi,
Ajaly gujaklap ölüp bilmesem.
Ne peýda bar uçup giden bürgütden,
Penjesinde alyp gitmese meni.
Nädeýin men gargalaryň şalygyn,
Öwrenip bilmesem olaň dilini.
Ne peýda bar maňa biwepa ýardan,
Bir nadan oguldan, gadyrsyz gyzdan.
Çat açan ýüregim ýeriň üstünde,
Gitmek islän wagty ýaz bilen güýzden.
Nädeýin men gök agaçlaň saýasyn,
Uzaklardan maňa ýat Gün görünýär.
Penjräň öňünde akja kebelek,
Pelpelläpler, iki ýana urunýar.
Bu jahanda ýalňyz syrdaşym meniň,
Kebelejik, deň sen dünýä malyna.
Sen-ä meň halyma dözmän urunýaň,
Men bolsa aglaýan seniň halyňa.
Annasoltan Kekilowa
Daşa çykyp bilmeseň, gezip bilmesem.
Ne peýda bar islämde-de ölümi,
Ajaly gujaklap ölüp bilmesem.
Ne peýda bar uçup giden bürgütden,
Penjesinde alyp gitmese meni.
Nädeýin men gargalaryň şalygyn,
Öwrenip bilmesem olaň dilini.
Ne peýda bar maňa biwepa ýardan,
Bir nadan oguldan, gadyrsyz gyzdan.
Çat açan ýüregim ýeriň üstünde,
Gitmek islän wagty ýaz bilen güýzden.
Nädeýin men gök agaçlaň saýasyn,
Uzaklardan maňa ýat Gün görünýär.
Penjräň öňünde akja kebelek,
Pelpelläpler, iki ýana urunýar.
Bu jahanda ýalňyz syrdaşym meniň,
Kebelejik, deň sen dünýä malyna.
Sen-ä meň halyma dözmän urunýaň,
Men bolsa aglaýan seniň halyňa.
Annasoltan Kekilowa
Состояние архива
● Полный текст
◐ Сохранено комментариев: 16/18
Опубликовано на сайте: dostluk.ru · Источник: копия Web Archive — dostluk.ru, 7 июня 2020 · Открыть оригинал ↗
Комментарии 16
В архиве сохранилось 16 из 18 комментариев.
Kebelejik, deň sen dünýä malyna.
Sen-ä meň halyma dözmän urunýaň,
Men bolsa aglaýan seniň halyňa
👍👍👍
Aý ýok, Annasoltan, beýle däl owlak
Sen hapa bolmadyň hapaladylar,
Kim gara don geýip,
kim ak halat geýip,
Seni on iki ýyllap depelediler.
Ilki dälihana sokup,
soňra gara ýere dykyp,
Yzyňdan öwdüler, apaladylar
Gideňden soň näçe ýyllap kärdeşleň
Näden nä borka diýip sessiz gezdiler
Ýaz diýileni ýazdylar,
poz diýleni pozdular
Wejeralyk ýarşynda birbirinden ozdular
Çap diýilse çapdylar,
tap diýilse tapdylar
Dep diýilse depdiler,
Ketdeleriň uýat ýerin,
Öp diýilse öpdüler,
Käte omaça oklap gap diýilse gapdylar,
Ýa-da ýumruk görkezip,
Gap diýseler gapdylar
Olar şeýle köpdüler.
Hapa boldum diýip kemsinme owlak,
Seni hapalanlar boldular hapa,
Eýtjekdik, beýtjekdik diýişip bugün,
Çypdyryp otyrlar degirmän ýapa.
Mes eşekler toýnak salýar ýyldyza,
Hudaýy çagyrýar nä umyt hassa,
Senem diýýäň men bir suwa düşeýin,
Hapa suwdan çykjakmy sen arassa.
Syýasata girýan barmy azaşyp,
Hapa, batsaň boýuň bilen batylýar.
Daşyna tiken sim çekilen ýurtda,
Diňe uçup bilýan guşlar atylýar."
Minnetdar ýetireniňe!
Kebelejik, deň sen dünýä malyna.
Sen-ä meň halyma dözmän urunýaň,
Men bolsa aglaýan seniň halyňa.
Daşa çykyp bilmeseň, gezip bilmesem.
Ne peýda bar islämde-de ölümi,
Ajaly gujaklap ölüp bilmesem.
Gowy yazylypdyr