Goñshy ýurtdaky türkmenler

Eýranda türkmenleriñ esasy böleginiñ ýashaýan ýeri bolan Türkmensähra, Eýranyñ demirgazyk-gündogaryndaky Astrabat welaýatynda ýerleshýär. Iki welaýatda hem türkmenlerden bashga pars, kürt, buluç, arap we beýleki etniki halklar ýashapdyrlar we ýashaýarlar.

Häzirki wagtda bolsa türkmenleriñ esasy bölegi Gülüstan welaýatynda ýashaýarlar.

Türkmensährada türkmenleriñ esasy ýashaýan ýerleri, Kümmetkowus, Bendertürkmen, Kümüshdepe, Hojanepes, Akgala, Kelale we Morawedepedir. Bu ýerlerden bashga türkmenler Büjnürdiñ golaýyndaky Jergelanda hem ýashaýarlar. Ýokarda agzalyp geçilen ýerleriñ arasynda diñe türkmenleriñ ýashaýan esasy iki ýeri bardyr. Hazar deñziniñ kenarýakasynda ýerleshýän Kümüshdepe we Hojanepes. Ýöne sanalyp geçilen ýerlerden bashga-da ýüzlerçe türkmen obalary bardyr.

Türkmenleriñ ýashaýan ýerlerinden Etrek, Gürgen we Garasuw derýalary geçýändir. Bu derýalaryñ arasynda iñ ulusy Etrek derýasy (500 km.) bolup, ol sheýle hem Hazar deñzine guýýan üçünji uly derýadyr. Gürgen derýasynyñ uzynlygy 300 km. we Garasuw derýasynyñ uzynlygy bolsa 85 km.