Palaw hakda.

[b]Bir kishi Nagyshbendi hezretleriniñ huzuryna gelip:
- Men halypadan-halypa geçip, birnäçe ýollary öwrendim. Olaryñ hersi-de maña köp haýyr getirdi. Indi men siziñ müridiñiz bolmak isleýärin. Çünki ylym çeshmesiniñ suwundan gana, men tasawwufda kämillige ýetmekçi - diýip, maksadyny aýan edipdir.

Beýik pir muña hiç zat diýmändir-de, oña saçak bashyna geçmekligi mürähet edipdir. $ol pursat günortanlyk edinilýän wagt eken. Saçaga bugaryp duran palaw äberilipdir. Hälki kishi tabagyny boshadaryna mähetdel, onuñ üçin ýene-de palaw getiripdirler. Soñra pir ony dürli-dümen miweler, gawun-garpyzdyr süýji-halwalar bilen hezzetläpdir. Soñundan hem ýene-de palaw getirdipdir. Ilkibada beýle hezzet-hormata monça bolan myhman iýip-içip, gerk-gäbe doýupdyr. Myhmanyñ höwes bilen iýýänini pir ýylgyryp, bash atyp, ,,Nosh bolsun!" diýen ýaly sözler bilen oñlapdyr.

Haçanda gerk-gäbe doýan myhman haýallap ugranda, pir muña gatyrganan ýaly edipdir. Myhman bialaç ýene-de iýmeli bolupdyr. Ahyry ol mundan artyk ýekeje tüwini-de añyrsyna geçirip bilmejekdigini boýun alyp, gapdalyndaky ýassygyñ üstüne agypdyr. $onda beýik pir oña ýüzlenip:
- Ine, görshüñ ýaly, sen biziñ huzurymyza geleniñde, edil häzirki bolshuñ ýaly, özleshdirilmedik taglymatlardyr bilimlerden gerk-gäbe doýgun haldadyñ. $onuñ üçinem sen ruhy taýdan ejir çekýärdiñ. Ýöne sen muny täzeden-täze taglymatlary, ylym-bilimleri öwrenmeklige bolan teshnelik, açlyk diýip hasaplaýardyñ. Hakykatda bolsa, seniñ düshen ýagdaýyñ ashgazanda iýmitiñ siñmezligine çalym edýän bir halatdyr - diýip düshündirýär.
- Eger bärde galsañ we aýdanlarymy berjaý kylsañ, onda men seni müritlige kabul edeýin. $onda meniñ bilen birlikde öz hereketleriñ arkaly ruhy iýmiti siñdirmäge bashlarsyñ. Bu saña okuw bilen hiç hili baglanyshygy bolmadyk zat bolup görner. Ýöne sen ynansañ, ol edil ashgazanda iýmitiñ siñmegine ýardam edýän derman mysalydyr. $onda seniñ ähli iýeniñ artykmaç semizlige we dertlere däl-de, güýç-kuwwata öwrüler - diýipdir.

Rowaýat.