Ýylgyryp ýashamagyñ syry.

Aýdyshlaryna görä, beýik pir Bahaweddin Nagyshbendi hezretleri tutush ömrüniñ dowamynda elmydama bagtyýarlygyndan ýylgyryp ýashapdyr. Onuñ tutush ömri baýramçylygyñ burky bilen dolup-dashypdyr. Hatda ölüm ýassygynda ýatyrka-da, beýik pir ýylgyrmagyny goýmandyr. Bu hamala, ol gutulgysyz ölümiñ golaýlandygyndan lezzet alýan ýaly bolup görnüpdir. Onuñ dashynda duran müritlerinden biri saklanyp bilmän, beýik pire sheýle sowal beripdir:
- Pirim, näme üçin ýylgyrýarsyñyz? Bütin ömrüñizde-de gülüp-ýylgyryp ýashadyñyz, bizem size seredip, elmydama ýylgyrmaga çalyshdyk. Ýöne sebäbini sizden soramakdan çekinýärdik, ejap edýärdik. Siz muny nädip basharýarsyñyz? Hatda ölüm ýassygynda-da siz ýylgyrýarsyñyz. Eýsem-de bolsa, bu ýerde ýylgyrar ýaly näme bar?

Hezreti Nagyshbendi shonda:
- Köp ýyllar mundan ozal, heniz ýash ýigit çagym, ilkinji sapar öz halypamyñ huzuryna gelipdim. $ol pille mürshidim - halypam ýetmish ýashyndaky ak sakgally gojady. $onda meni geñ galdyran zat, halypamyñ, göräýmäge, hiç hili sebäp bolmasa-da, elmydama ýylgyrýandygy bolupdy. Munuñ syryny bilesim gelip, halys sabyr-takatym ýetmänsoñ, ahyrsoñy ondan: ,,Siz muny nädip basharýarsyñyz?"- diýip soradym.

$onda halypam: ,,Men özümiñ nähili boljagymda, nämäni saýlajagymda erkindirin. $unlukda, her saba säherde gözlerimi açanymda, öz-özümden: ,,Bu gün nämäni saýlaýarsyñ: shatlygymy ýa-da gaýgy-gamy?"- diýip soraýaryn. Elbetde, her gezegem shatlygy saýlaýaryn. Çünki ol sheýlebir tebigy närse bolansoñ, bärde hiç hili müshgillik, kynçylyk ýok" diýdi. $eýdip, men hem shatlanyp ýashamagyñ syryny öwrendim. Bar bolany shu - diýip, ýylgyryp jogap beripdir.

Rowaýat.