Köne ýandepderçedäki ýazgylardan

. Salam ertirçiler! Ýagdaýlaryňyz, işleriňiz, okuwlaryňyz gowudyr diýip umyt edýärin.
Men bu gün öňki ýazgylarymy, bloknotlarymy gözden geçirip otyrkam öz studentlik ýyllarymda ýazylan şu goşga duşdum we ony Siz bilen paýlaşaýyn diýdim. Goşgynyň çeperçiligine gaty bir tankydy nazar bilen seretmezligiňizi hem haýyş edýärin. Çünki ol şahyrlar bilen bir duşuşykda okalan “Matematik ýigidiň söýgülisine ýazan haty” goşgysyna (ýalňyşmaýan bolsam awtory A.Atabaýew) öýkünilip derrew döredilen şygyr bolmaly.

Dilçi ýigidiň söýgülisine ýazan haty
Sorag belgisi ýaly gaşyňda dyza çöküp,
Dur diýseň nokat ýaly butnaman duraýyn men.
Ýüzlenme belgisi deý durma ýokary bakyp,
Ters otur deý bükülip, yzyňda gezeýin men.

Buýruk işligindäki sözleň haýsyny aýtsaň,
Hökmanlyk formasynda ýerine ýetireýin,
Razy, barlyk formada ýekeje söz aýtsaň,
Ümlükleň begenç sözün gaýtalap duraýyn!

Jogap ýaz sen, gözelim, mälim zaman formada,
Pauza bolmasyn ýene, habar bolsun begençli,
Tirkeş söz dek bileje tirkeşipjik gezeli
„Söýgi“ sözüniň yzyna „-liler“ goşup guwançly.

Awtory näbelli.