E-BIKO ýaryşy hakynda ýazylanlar

Salawmaleýkim hormatly agzalar.

Okanlar bilýändir, okamadyklara
hem ýalňyş maglumaty okamagy teklip bermäýin. Ýöne geçen günlerde
"Germes" agzanyň Turkiýada geçirilen "E-BIKO" ýaryşynda, Bilim
Ministrligiň işgäri bolan, Dörtguly aga hakynda ýazanlary bardy.
Hiçzatdan habarsyz okasaňyz, bu ýazylanlara ynanyp otyrmaly, bir
tarapdan. Beýleki bir tarapdan seredilende bolsa, käbir ýerleri şübhä
hem getirýär. Ýöne başda okanymda, dogrusyny aýtsam özümem ynanypdym.

Ýöne
özüm hem Türkmenistanda kompýuter olimpiýatçylary tanamsoň, olaryň
mugallymlary we edýän proýektlerini bilýän. Özüm hem Türkmenistanda
geçirilen olimpiýada gatnaşyp göremsoň, Dörtguly agany tanamasam hem,
proýekt olimpiýada jogap berýän hemem okuwçylary taýýarlaýan
mugallymlary tanaýan.

Häli blogda, öňki Başkentda (häzirki
nomerini bilemok) mugallym, şu olimpiýada hem başkentli okuwçylaryň
ýolbaşçysy bolup giden mugallym teswir galdyrypdy. Ýöne köpleriň ol
teswiri okamajakdygy üçin özüm hem aýratyn blog şeklinde ýazyp bereýin
diýdim.

Garaz blogy okasaň, Dörtguly agany halk duşmany edip
görkezipdirler, ýöne hakykatda bolsa beýle däldigini aýdýar. Teswirinde
hem aýdyşy ýaly, ol ýerde ýazylan zatlaryň ählisi diýen ýaly ýalan.
Ýagny hiçkim okuwçylary gije turuzyp çilim almaga hem ibermändir, has
dogrusy Dörtguly agaň özi, okuwçylardan başga otelda ýerleşipdir.
Diýişleri ýaly, bir otagda oglan-gyz ýatmaly diýip hem tutdyrmandyr,
okuwçylara ýük hem götertmändir, diýişleri ýaly çilim çekileni üçin bir
okuwçy çaşyp skoro hem çagyrylmandyr. Bazarlamak ýagdaýy bolsa, hemme
okuwçylar bilen bilelikde, bu hem okuwçylaryň islegi bolany üçin, bazara
aýlanylypdyr we şol ýerde diýişleri ýaly 70 kg egin-eşik dälde, diňe
ýekeje "hürrem spoçka" satyn alypdyr. Blogda ýazylan zatlaryň arasynda,
ýekeje dogry zady, satyn alynan hürrem spoçka. Bu hem islendik bir
adamyň edip biljek we normal herekedi.

Airportdan çilim
geçirtmeklik gürrüňi hem ýalan. Ähli zat bolmalysy ýaly aýdylmaly bolsa,
gaýdyşyn diňe 2 blok çilim alynylypdyr. Diňe 1-ni geçirip bolýandygy
üçin, ikinji blok çilimi hem Merdan mugallyma haýyş edipdir. Aýdyşlary
ýaly okuwçylara çilim geçirtjek bolmak we ş.m zatlaryň bolmadygy mese
mälim. Çünki beýleki üçünji mugallym hem bar we Dörtguly agaň gaýdyşyn
söwda üçin köp çilim getirmek maksady bolan bolsa beýleki mugallyma hem
haýyş ederdi. Okuwçylara dälde. Ýöne ony hem etmändir.

Garaz
beýle blogyň näme üçin ýazylanyny bilmek bir tarapdan kyn hem bolsa, öz
çaklamamy aýdyp bereýin. Ýazan teswirinde aýdyşy ýaly, olimpiýada
gatnaşan gyzyň dogany. Olimpiýada 2 sany gyz gatnaşan bolsa, olaryň
mekdebinden zenan mugallym Turkiýa iberilmändir. Ýagny ýolbaşçy
hökmünde. Bu hem entek mekdep ýaşdaky gyzlar çagalar üçin birhili hemme
zady üstesine görkezip, ýagdaýy çişirmegine getiren bolup biler.

Bu
blogy ýazmagymyň sebäbi, bir ýazylan blog üçin, ol hem dogry bolmadyk
maglumat bilen ýazylan blog üçin, başga biriniň işine, durmuşyna zyýan
ýetmegini we adynyň garalanmagyny islemedim. Sebäbi bu adalatsyzlyk
bolardy.

"Germes" agza bolsa, ýalan maglumatlary çap etmezligini
haýyş edýän. Egerde eliňde hakyky subutnama bar bolsa we jigiň şeýle
hereketleriň bolandygy hakynda arza ýazyp biljek bolsaňyz, bilim
ministrlige ýa-da başga bir hukuk goraýjy edarasyna baryp arza ýazyň,
meniň maslahatym. Ýagny hakykatdan şeýle ýagdaý bolan bolsa, hiçkimiň
ýüzi ýuwulmasyn we çäresi görülsin. Ýöne bu ýeri forum bolany üçin,
ýazýan kim we maglumatlaryň näderejede dogrylygyny barlap bolmaýar. Şol
sebäpli halkyň öňünde başga birini garalaýjy maglumat bolmagy birhili.

Aşagyna çenli okanlara minnetdar.