Çuwal serpen
Nesibäm çekip Türkiýä – Konýa şäherine, «Boluşyň ýaly görün...» diýip, ynsanyň aňsat-aňsat başarmajak işini wesýet eden Piriň guburyna zyýarat etdim. «Ýa hezreti Möwlana» diýlip ýazylan gapydan nädip ätlänimi bilemok – o ýer Ýeriň üstünde ýerleşen başga bir ýerdi. Gargy tüýdügiň sesini ýatladýan naýyň owazy assaja eşdilýärdi. Allahyň 99 ady sanalýan, togsan dokuz düwmeli, her düwmesi başam barmak ýaly ululkda towlam-towlam edilip goýlan tesbiler, «Diwany Kebir», Möwlana Jelaleddin Rumynyň we kakasynyň, egindeşleriniň gubury... Aýat-töwür okaýarys... Töwerek sessiz owaz, perdesiz saz, sözsüz kelam... Bu ýerde diňe gözler ýaşlar bilen gürleşýär, sessiz-sedasyz...
Birdenem hatara düzülip goýlan türkmeniň gargy tüýdügine meňzeş naýlara gözüm düşdi. Gulagyma türkmeniň gargy tüýdükde çalýan meşhur sazy«Çuwal serpen» geldi, dünýämi serpen «Çuwal serpen...» Aňymda owaz derwüş deýin aýlanýar. Oturasym gelýär. Başymy topragyna sürtesim gelýär. Seniň ýanyňa gelip, duşuňdan geçýänleriň, surata düşýänleriň hetdi-hasaby ýok. Dilegler eşdilenok... Ony her kim içinden edýär. «Seniň däl, seniň yzyňy, yzyňy däl, yzyň yzyny, yzyň yzyny däl yzyň yzynyň yzyny... (tutuş sahypany yzlardan dolduryp, ene-de köp nokat goýasym gelýär), eýerip bilenlerden bolsam» diýip dileg edýän. Aňym yzlardan, owazlardan, naýlardan, gargy tüýdüklerden doly... Çuwal däl, gursagym serpilen ýaly, türkleriň «şa damar» diýýäninden gan däl owaz akýan ýaly.
Ýa hezreti Möwlana! Ruhuňy bimaza edäýen däldirin-dä?! Seniň huzuryňda bolşum ýaly görünenimi duýdum, emma... emma adamlar sili öňüňden itekleýär... fotoapparat ýylpyldap gidýär. Huzuryňdan aýrylaryn ýene «Bolşum ýaly görünmek» derdim bolar. Seniň bolsa şol bir bolşuň.
Gel, şonda-da gel!
Kim bolsaň bol, şonda-da gel!
Isle kapyr bol, isle butparaz bol, isle otparaz...
Isle ýüz gezek bozanlardan bol tobaňy...
Şonda-da gel! Biziň dergahymyz umytsyzlyk gapysy däl;
Umyt gapysydyr. Ýene gel...
diýýäň. Gelip bilsek, işiň müşgüli şü, eý, hezreti Möwlana!
Arhiwiň ýagdaýy
● Doly tekst
● 11/11 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 11
Mevlana değilim oğlum, bana adam ol öyle gel
mowzugyn ady başga, manysy başga. bagyşlan hiç düşünmedim.türkmenlerde bir nakyl bardyr dutar name diyyar,aydymçy name diyyar. mevlana barada yasipsin gaty govy bolypdyr.
mowlana ady ozinden populyar boldi gitdi.Halkyn dilinde oynawaja owrulen iki sozunden bashga zatlaryny aytsan her kim molerip name diyyanay?diyya. Yurein giyim giyim bolya. bialach magtymgulini bir sheytmawersinler diyyan. Yone gen gormeli,Mowlana Yewropa we Amerikada gowi okalyar.kopler shoni okap musulman bolyalar hatda yewropada mowlana barada jadygoy yali ozune bendi edyar hem diyyaler. Gunbatarlylarda sheyle guychli tasir galdiryar. hatda 2001 yilinda Amerikada in kop okalan kitap Mowlananin Mesnewisi bolupdir. Gundogaram name, shol iki sany sozi sanawach yali sanap gezip yor.Menin tanayanlarimin ichinda mowlananin birje kitabynam doly okan yok,ol barada pikir alyshmaga beylede dursun.
Möwlananyň türkmençesi bolsa, edil beýle bolmazdy. Ýöne ony gowy görüp okaýan türkmen (türkçe bilýän) oglanlaram bar. Onuň bir gowy rowaýatyny mysal üçin ýazyp bilerdim, towguň düýäni myhmançykyga çagyryşy hakynda. Emma aslynda Möwlana basnýaçy däl. Orslar ony Krylow ýaly edip terjimesini berýärdiler. Bir zada gynanýan, hem aklym çatanok, neneň edip musulman halyna Şemsi öldürip, Möwlanany şeýle dostundan aýryp bildilerkä? Möwlana neneň muňa aklyndan azaşman çydapdyr.
mewlananyn altyn dürdanelerinden...terjime edilen..😊
http://www.teswirler.com/index.php?q=blog&view=7262
Sagja bol, halçh dost! Ýazmadyk bolsaň görmezdim, ýene bir gezek minnetdar. Indiki gezek Mesnwilerden terjime goýjak bolaryn, inşallah.
yone 6ol muzeyin icindaki yaponlar bn nemslar gerek dalay... Metjidin icine yalanac girisip yorlera
Zyyaratyng kabul bolsun!
Zyýarat gowy zat
Mowlana Jelaleddin Rumynyn (Mewlewinin) turkmenche kitaby mende bar. Onun mesnewilerini we tymsallaryny Turkmenistanly yazyjy Oraz Yagmyr turk dilinden terjime edipdi irrak. Turkiyede hem chap bolupdy we halkarasyna yayradylypdy.