Hekaýalar ýygyndysy.

Halypanyň öwüdi
Bir ýaş ýigit alymdan ylym
öwrenip, halypanyň ak
patasyny alypdyr. Hoşlaşjak
wagty ýigit halypasyna
ýüzlenip:
— Men sizden köp zatlary
öwrendim. Geljekde hemişe
durmuşymda ýörelge
ediner ýaly, ýene näme
aýdyp bilersiňiz? —
diýipdir. Halypasý öňa şu
hikmedi aýdypdyr:
— Meniň bilýänlerimden iki
kişi bardy, olaryň biri
ýygnap iýmedi, beýlekisi
hem bilip diýmedi.
***
Duzuň bahasy
Nowşirwan adyl awa
çykypdyr. Aw oňandan soň,
oňa kebap bişirip bermekçi
bolupdyrlar. Emma ýanlary
bilen duz alyp gaýtmagy
ýadyndan çykarypdyrlar.
Duz alyp gelmek üçin bir
hyzmatkäri ýakyn obalaryň
birine ibermekçi
bolup¬dyrlar. Nowşirwan
adyl: «Oba garyp düşüp,
ýykylmaz ýaly, duz alsaň,
bahasyny berip al!»
diýipdir. Ýanyndakylar: «Bir
gysym duzdan oba näme
zyýan ýeter?» diýip
sorapdyrlar. Şonda
Nowşirwan adyl:
— Bu ýerde üç zyýan bar.
Birinjiden, her şikara çykan
duz sorasa, obada duz
galmaz. Ikinjiden, dilegçilik
bize gelişmez. Üçünjiden
bolsa, duzdan bergidar
bolsaň, ony hiç haçan üzüp
bolmaýar. Türkmeniň «Bir
gün duza müň gün salam»
diýen sözi ýöne ýere
aýdylanok — diýip,
hemmeleri oýlandyrýan
jogaby beripdir.
***
Owünjeňiň sepi
Bir adam gazan almaga
bazara barýarka, ýolda
başga bir obadan ýene bir
adam gabat gelip, ýolda
ýoldaş bolýarlar. Täze
goşulan gaty öwünjeň
ekeni. Ýoldaşynyň uly
gazan al¬maga barýanyny
bilip:
— Biziň obamyzda şeýle bir
gazan ýasalýar. Düňderip
goýanyňda edil gara öý
duran ýaly — diýipdir.
Gazan almaga barýan
ýoldaşynyň özüne görä
bolmak isläpdir.
— Biziň obamyzda hem
şeýle bir şugundyr bitýär,
onuň ownugy on
putdanam geçýär —
diýipdir.
Öwünjeň gözlerini tegeläp:
— Baý-bä, olar ýaly
şugundury nähili gazanda
bişirýäňiz? — diýipdir.
Gazan almaga barýan gülüp:
— Siziň obaňyzda ýasalýan
gazanda bişirýäris — diýip,
jogap beripdir.