Hajy Ýazmämmedow barada

Hajy Ýazmämmedow, 1983-nji ýylyň noýabr aýynyň 19-yna Tejen şäheriniň «Zähmet» daýhan birleşiginde eneden dogulýar. Ol orta bilimini obasyndaky 17-nji orta mekdepde
tamamlaýar. Aýdym aýtmaga bolsa heniz 9-njy klas wagty başlaýar, oňa aýdym aýtmakda iň ýakyn goldawy beren öz deň-duş dostlary
we obadaşlary bolýar. 1999-jy ýylda ilkinji albomyny çykarýar we Hajynyň sungat äleminde ady tutulyp başlanýar.

Hajy 2001-nji ýylda öz saýlan ýary bilen bilelikde bagtly durmuşa gadam basýarlar we olaryň 4 gyz perzentleri bar.

Hajy Ýazmämmedow 2003-nji ýylda Türkmenistanyň halk hojalyk institutynyň (häzirki Türkmen döwlet ykdysadyýet we dolandyryş instituty) talyby bolup ýokary okuw jaýynda ýokary bilimine başlaýar we 2007-nji ýylda okuwuny tamamlaýar.

Ulydan kiçä köpler tarapyndan söýülip diňlenýän Hajy Ýazmämmedow şu wagta çenli jemi 15 albom çykardy. Hajy türkmen halk aýdymlaryny aýtmakda hem ussat bagşy hasap edilýär.

Hajyny toýa çagyrmak üçin azyndan 4-5 aý öňünden zanitlamalydygyna özüm öýlenemde göz ýetirdim.

Garaz, menä Hajy barada şu maglumatlary tapdym. Sizem ýalňyş ýerlerini düzedip bilýän başga maglumatlaryňyzy hem goşarsyňyz diýip umyt edýärin.

Hajyň fanatymy?

Howwa(61%, 39 adam)

Ýok(38%, 24 adam)