Injilde Muhammet pygamberiň (s.a.w.) geljeginiň buşlanmagy
Hezreti Isadan (a.s.) soň 300 ýyl soň, Iznikde ýygnanan
hristian poplarynyň geňeşi beýleki ýüzlerçe Injiller bilen bir hatarda Barnaba
Injilini okamagy hem gadagan edýär. Olar Barnaba Injilini okanlaryň hatda gazaply jezalandyryljagyny yglan
edýärler. Eýsem-de bu gadaganlyk nämüçin girizildikä? Barnaba Injiliniň
okalmagyndan şeýle gorkulmagynyň sebäbi nämekä?
Hristian dünýäsiniň "krizislere gark bolan" kynçylykly günlerinde
özüni hemmelerden ýokarda saýýan ruhanylar gatlagy mukaddes kitap bolan Injili
üýtgetmek üçin adaty bir ýaryşa başlana meňzeýärdiler. Her öňýeten özüne görä
Injil ýazýardy we şonuň üçinem bu mukaddes kitap şahsy pikirlere görä
üýtgeýärdi. Şeýdip, görnüş sany birnäçe ýüze ýeten we biri-birinden
tapawutlanýan Injilleriň hataryna her gün täzesi goşulýardy. Hatda
awtorlaryň-da ady berilýän bu Injilleriň sany şeýle bir köpelýär weli, muňa
garşy çäre görmek gutulgysyz ýagdaýa öwrüýýär we Iznikde ýygnanan geňeş
(325-nji ýylda) uzak wagtlap bu meseläniň üstünde işleýär. hem-de şo wagta
çenli ýazylan Injilleriň 396-synyň okalmagyny gadagan edýär. Esasan-da,
bu Injilleriň biriniň üstünde aýratyn durulýar we şony okanlaryň gazaply
daraljakdygy yglan edilýär.
Biziň eýýemymyzyň 492-nji ýylynda Papa bolan Kelasýüs I tarapyndan-da gadagan
edilen bu Injil aslynda Isanyň şägirtleriniň biri bolan Barnaba degişli bolup,
onda beýleki Injillere degişli bolmadyk bir aýratynlygyň bardygy sebäpli, onuň
okalmazlygy üçin aýratyn gadaganlyk girizilýär.
Şondan soň okalmagy gadagan edilen Injiller örän çalt ýygnadylýar. Olaryň bir
bölegini bolsa jezalardan gorkan halkyň özi tarapyndan ýok edilýär. Ýöne şonda
bir ruhany Barnaba Injiliniň birini ogurlaýar we gizläp saklaýar. Birnäçe wagt
soň bu Injil Wenadaky imperatorlygyň kitaphanasyna gowuşýar. we şol ýerde iňlis
diline terjime edilýär. Ýöne kilise bu Injili täzeden yzarlap başlaýar we onuň
yzyny tapýar, Soňra bir hepde puryja berlip, terjime edilen Barnaba Injiliniň
ähli nusgalary ýygnadylýar. Ýöne kilisäniň tagallalary ýene puç bolýar. Ýene-de
iki sany Injil ogurlanýar. Olaryň biri britan muzeýine, beýlekisi bolsa
amerikan Kongresiniň kitaphanasyna iberilýär. Ol kitaplar harby döwlet syr ýaly
halkdan gizlin saklanýar.
Bu syryň üstüni açmak bir musulman generala nesip edýär. ABŞ-da harby attaşe
bolup işleýän päkistanly general Abdulrahym bu Injiliň mikrofilmlerini
gizlinlikde surata düşürýär we Päkistana getirmegi başarýar. Onuň getiren
mikrofilmleri birnäçe wagtdan soň "Bedum Aisha Bawamy" fondy
tarapyndan kitap edilip, yslam dünýäsine ýaýradylýar. Mikrofilmler surata öwrülenden
soň, ol Injiliň başdan geçiren gowgalarynyň hikmeti aýyl-saýyl bolýar. Ýagny
görlüp oturylsa, bu Injil Muhammet pygamberiň (s.a.w.) geljekdigini öňünden
buşlapdyr we Älemiň-de Onuň hormatyna ýaradylandygyny yglan edipdir.
Eseriň 44-nji sahypasynda hezreti Isa (a.s.) özünden soň geljek Pygamberi öz
şägirtlerine şeýle suratlandyrýar:
«Siz şuny berk biliň. Allahyň resuly (Muhammet) ähli mahlukat üçin
rahmetdir. Ol parasatly we teselli beriji, hikmetli we gudratlydyr. Allaha
söýgüden we gorkudan doly ýumşak ruhludyr. Merhemetli, ynsanperwer, näzik we
sabyrly ruhy bilen, adalat we rehim duýgusy bilen hereket eder. Hak tagala
ýaradanlarynyň ählisine beren zatlarynyň üç essesini Oňa berdi. Ol bu dünýä
gelende sagadat (bagtyýarlyk) döwri başlanar. Muňa ynanyň! Ähli pygamberleriň
Allahyň olara beren pygamberlik gözleri bilen görşi ýaly, men hem Ony gördüm.
Ony görüp, ruhum teselli tapdy. "Eý, Muhammet, Allah seniň ýaryň bolsun!
Maňa seniň aýakgabyň bagy bolmak mertebesini bersin. Eger men bu myradyma ýetsem,
onda Allahyň mübärek guly we beýik Pygamber bolaryn" Hezreti Isa
(a.s.) şeý diýip, sözlerini tamamlandan soň, Allaha şükür etdi.
Barnaba
Injilinde hezreti Isanyň (a.s.) bir aýalyň: "Garaşylýan mesih
sen dälmisiň?" diýen sowalyna beren jogabyna hem orun berilýär. Injilde
aýdylyşyna görä, Isa bu sowala şeýle jogap berýär:" Men diňe
ysraýylogullaryna iberilen bir halasgär pygamberdirin. Emma menden
soňra Allah tarapyndan külli äleme Muhammet atly bir resul iberiler.
Allah bu älemi Onuň hormatyna ýaradypdyr" ("Injili Barnaba"
fas.-98,
jüm.-8) diýýär. Barnaba Injilinde Ne-hä Isanyň taňrylygyndan, ne-de
onuň dar agajyna çekilmeginden söz açylýar.
Ýene Barnaba Injilinde hezreti Isa alaýhyssalam:
"Men ýer ýüzünde ýaşaýan ähli kowumlaryň garaşýan mesihi (halasgäri)
däldirin"(Injili Barnaba Fas.-96, jüm.-12) diýýär.
Ýene-de
hezreti Isa Pygamber Serwerimiziň (s.a.w.) hut mübärek adyny tutup:
"Hezreti Muhammet (s.a.w.) arap ýarym adasynda orta çykar. Butlary we buta
çokunanlary jezalandyrar" (Injili Barnaba fas.-163, jüm.-7) diýýär.
Arhiwiň ýagdaýy
● Doly tekst
● 36/36 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 23 iýun 2012 ý. · Asyl sahypany gör ↗
Teswirler 36
Injilde- ysrayylogullary diyip agzalyamy? Ysrayylogullary- Jews bolya gerek?
Juwan soraglaryň üçin minnetdar bilenimden jogaplamaga çalyşaýyn:
1. Isa Mesihi ýaşap geçen döwüri gelip biziň eramyzyň birinji asyrynyň başyna degişlidir. Şol döwüre degişli bolan taryhçylar Isa Mesih barada agzap geçmeginiň özi bir uly zat bolup durýär, çünki taryhçylaryň esasy ýazga geçirýän zatlary syýasy güýje eýe bolan we häkimýetde özüni görkezenler barada bolupdyr, ýagny patyşalar barada häkimler barada bolupdyr. Ysraýyl bolsa döwlet hem bolman, ysraýyllar bolsa dagynyk ýagdaýda ýer ýüzüne ýaýran ýagdaýda bolupdyrlar we Rim imperiýasynyň dürli künjeklerinde ýaşapdyrlar...ýöne şol ýagdaýda hem şol taryhçylaryň ýazgylarynda Isa MEsih barada agzalypdyr. Hatda käbir belli häkimler bir gezek agzalanda taryhçy tarapyndan Isa MEsih bolsa iki-üç taryhy ýazgylarda ady geçipdir. Isanyň Mesihdigine ynanmadyk adam elbetde oňa uly orun bermez we ýazgysynda uly orun bilen ýazgy ýazmaz. Emma şol irki döwüre degişli bolan imanly taryhçylaryň ýazgylarynda bolsa Isa MEsih uly oruna eýedir. Olar hem taryhy ýazga geçiren taryhçy alymlar bolupdyr, çünki olaryň getiren maglumatlary hem hakykata we şol döwüriň syýasy, geografiki ýagdaýyna laýyk ýazgylar bolupdyr!
2. Her akymda dürli haçlaryň bolýandygy belkide her akymyň ata-baba däplerine baglylykda bolmagy mümkin...ýada şol Isa MEsihiň haça çüýlenen haçy ine şeýleräk bolandyr diýen çaklamalar netijesinde hem bolmagy mümkin. Emma iň esasy belläp geçmeli zat Isa MEsihiň haçda öldürilmegidir, haçyň her mezhepde nähilidigi wajyp dälde, haçyň özünde bolup geçen waka mesihiler üçin iň wajypdyr, haç bolsa şol wakany ýatladýän simwol bolup durýär. Bu sebäpden haça çokunmak, ýada sejde etmek düýbünden nädogrydyr we mesihi taglymatda beýle zat ýokdur...elbetde haçyň boýna dakylmagy, ýada ybadatnahanalarda goýulmagy daşardan seredenlere mesihiler haça çokunýarlar ...diýen düşünjäni berip biler emma bu düşünje nädogrudyr, çünki mesihi imanynyň esasy bolan Injilde haça çokunmak düşünjesi ýokdyr!
4. Bularyň arasyndaky baglanyşygyň nämedigini anyk bilemok...
Injilde ysraýyl ogullary diýip göni sözüň agzalýandygyna duş gelmedim. Ysraýylogullary bolanda bolsa, jews bolýar!
Sagbol Sylap, yerlikli jogap aldym.
Dynjyrak bolsan yene birje soragym:gezen yerlerimde kabir church-lerde yubka, bashy yalykly giryarler, ayal gyzlar, kabirlerinde bolsa ichgili, bashy achyk girselerem zat diyenoklar.
Tapawudy nameka?
Shu church,hram - sozi tmche nahili terjime edilyaka?
Sana +1 ,agam jogaplaryna, yene 1 defa sagbol.
Bashy yaglykly we yubkaly gelinleriň ýygnaga gelmegi we käbir ýerlerde bolsa ol zatlara üns berilmeýändiginiň sebäbi käbir ýygnaklaryň konserwatiw we liberallygyndan alamatdyr, iki tarapda hem özüne laýyk gelýän sebäpleri bar, mysal üçin ýygnak ýerine hudaýa sejde etmek üçin gelinýär bu sebäpden asylly egin-eşikde we serhoş bolman gelmek talap edilýär...bu hem gowy zat, ýagny bu arkaly Hudaýa bolan hormat we hudaýhonlyk görünýär....liberal ýygnaklaryň diýýän zady, Hudaýa sejde edilýän ýer hemmeler üçin açyk ýagny sen kimdigiňe we nähilidigiňe seretmezden imanlylaryň arasyna gelip bilersiň, olar saňa dogry ýoly görkezer, Hudaý seni bolşy ýaly kabul eder we Onuň merhemetine, rehimine, sögüsine mätäçdigiňi boýun alanyňda we günäleriňe toba edeniňde Ol seni bagyşlar diýmegi öňe sürüp bu esasynda has elýeterli bolmaga çalyşýarlar we daşky görnüşe ýagny egin-eşige kän üns berilmeýär! Meniň pikirimçe we Injiliň taglymaty esasynda bularyň ikisine hem orun bar, bu sebäpden iki tarap hem öz pikirlerinde has uzaklaşman ýada gyra çekilmän ortaçarak bir ýagdaý döretseler has gowy bolardy! Ýöne hemme ýerde bolşy ýaly bu ýagdaýlary has gyra çekip çyzygyndan daşa çykarýanlar hem ýek tük bolsa hem bar! Bu sebäpden iň esasy zat Injile we onuň taglymatyna üns bermek we esas tapmakdyr, çünki Hudaýyň Sözi awtoritet bolup durýär!
Ýazanlaryña men näme üçin ynananmaly? Taryryhy delil göremok. Seniniñ diýän taryhyñy öwrendimemdä, taryhy ýazanlar kim? Olaram siz ýalaklaryñ biridirdä? Almanyñ delililleri ýaly getirdä! Atlarna çenli goýupdyr hatda çap eden fonduñ adam dur! Mundan bashga maña taryhy delil derkar däl.
Barnaba kim?
Soñky temañda shu surat barada sorag beripdim, jogaplamadyñla?!
Näme üçin munça shaha bölündi? Hezreti Isanyñ bashda görkezen gutylysh ýolyny näme sebäpden eýermediler! Surata seretde jogap ber!
Barnaba kim bolupdyr? Hristiýan we Isa (s.a.w) bilen baglanshygy näme?
Alma, oñarypsyñ ýazyp!
Mening yazanlarym taryhy faktlara esaslanyar, chunki 325-nji ylda yygnalan ruhanylaryng yazgylar sanawynyng ichinde Barnabasyng Injili diyen kitap sanawda gechenok yada yatlanmadyk yada Injiller barada gurrung gidenok, yada kimdir birinde sheyle rugsat berilmedik Injil tapylanda oldurilmeli diyip hem buyruk berilenok, bularyng bary toslama. Chunki 325-nji ylda gechirilen yygnakda nameler gurrung edilendigi hakynda dokumentler yagny deliller bu gunki hem okujylara elyeterli. Ol yygnakda Injiling haysy sanawa girmeli yada girmeli dal diyen yaly gurrung umuman edilmedi. Shol yygnakda 20 sany taslama kabul edilipdir we olaryng hich haysy hem Almanyng diyyanlerini tassyklamayar Kimdir biri plan yylda plan zat aydylypdyr yada yazylypdyr diyening bilen bu delil bolanok. Mening sana getiren delillerim bolsa taryhchylaryng diyyan zatlary. Ondan bashgada Almanyng ulanyan awtory yagny Hanguly Gullynyng kitabyndaky maglumat bilyarming kiming kitabyndan alynan, onung yokarda aydyp gechenleri delilsiz bolan Yslam Pygamberi Isa atly Muhammad ATa ur-Rahym tarapyndan yazylan kitapdan alynan. Onung edyan gurrunleri bolsa delilsizdir. Eger delilli bolsa onda mana salgylanma bersin Alma yada sen!Biziň eýýemymyzyň 492-nji ýylynda Papa bolan Kelasýüs I tarapyndan-da gadaganedilen bu Injil yada ine shu dushunje name esaslanyar hany munyng delili haysy kitapda yada yerde bu hakyna aydylan. Mening Barnabas Injili hakynda getiren delillerim, hatda yonekey Wikipediada hem gorup okap bolyar we shol yerde delillering sanawy getirilen, eger isleseng shol salgylanmalaryng hem kabirini internet hem tapyp okap bolyar! Almanyng getiren iki sany yylyny delil hasaplap ynanyan bolsang bu sening oz ishing yone hakykata doly goz yetirjek bolsang onda koprak gozleshdirip gormeli bolyar!saglygyng
Umyt, muncha shaha bolunmegining sebabi adamlaryng kabir dap-dessurlarda tapawutlanyanlygyndan gelip chykan, yone bularyng hemmesining hem esasy bir yagny Injildir, bularyng hich biri hem yagny esasy mesihi yagny hristian mezhepleri kabir kichijik ujypsyz zatlarda durluluge eye bolsada esasy taglymatlarda birdirler! Olaryng her haysynyng ayratyn kitaby yok, shol bir Kitaplara ynanyarlar we olaryng haysysynyng durmushy we taglymaty Hudayyng Hak Sozune gabat gelyandigini bolsa olaryng dap-dessurlaryny Injil esasynda barlap gorup baha berip bolar, ondan bashgada yokardaky agajyng suratyny chekip bizinki dogry diyip gorkezjek bolanlar kim 'prawoslawlarmy hawa, yone beyle suraty bashga biri hem chekip biz ing dogry diyip biler, yone kiming dogrydygyny Hudayyng Yazgylary kesgitleyar, we shonung uchin hem Hudayyng hak doreden Yoly hemishe hem bardy we bolar yone gurrung kiming shol yolda dogry yoreyanliginde, kimdir biri gyshyk gitmegi Yolyng gyshyklygyny gorkezmeyar! Ondan bashgada dinge bu surat esasynda bir pikire geljek bolsang onda yslam yada bashga dinler hakynda hem muna menzesh gurrung edip bolar, yone bu bilen dushunje gazanyp bilmersing, shol sebapli ozung Hudayyng Sozi bolan Injili owrenip gor we Hudaydan dogrusyny gorkezmegini sora we ing esasy hem Isa Mesihden owren!Barnabas Isanyng ilkinji on iki shagirdining biri daldir we Isa Mesih olup we songra direlip goge gidenden songra shagirtlerining alyp baran wagyzlarynyng netijesinde imana gelip sonky belli bolan resul Pawlus bilen bile hyzmatdashlyk edyar we ondan ayratynlykda hem bilelikde hem Injili wagyz etmekde zahmet chekyar we Barnabasyng ozi hem bu gunki bizing okayan Injilimiz bolan yagny Matta, Yahya, Luka we Markusyng yazga gechiren shol bir Injilini wagyz edyardi we okayardy. Hatda onung gabyryny tapanlarynda, onung gowresining ustunde elindaki Injili bilen bile tapylandygyny we bu Injiling bolsa hut Mattanyng yazga gechiren Injilidigi taryhy dokumentlerde gechyar! Barnbasyng ozi bolsa Barnabasyng haty atly yazgy yazypdyr we bu yazgy hem okyjylara bu gunki gun okap owrenmage elyeterlidir. Eger bu gunki gun musulmanlaryng hakyky Injil diiyip hasaplap one suryan Barnabasyng Injili shol Barnbas yazan bolsa, onda Barnabasyng hatyndaky taglymat bilen Barnbasyng Injili kitabynyng taglymaty gaty gapma garshy gelyar we olary deneshdirmek arkaly hem bularyng awtorynyng bir bolmandygyny gorup bolyar!
Ýokardaky ýazgydaky subutnamalar we oýlanmalar nämäni görkezýär? Barnabasyň Injiliniň ýene bir yslamyň tapan toslamasydygyny görkezýär, çünki yslamyň getirýän delilleriniň köpüsi esassyz we doly barlagdan geçmedik, eger olar barlagdan geçirilse we logika bilen pikir ýöredilende nädogrydygy görünip durandyr!
Mysal üçin Alma Hanguly Gullynyň kitabyna esaslanýar, esasyny alyp görseň Hanguly özi barlag geçiren adam däl, çünki ol Muhammad ur-Rahymyň kitabynda getirilen maglumatlara esaslanýar, Rahymyň kitabyndaky getirýän delillerini barlagdan geçireniňde bolsa olaryň köpüsiniň esassyzdygyny we Barnabasyň Injilini hak Injil edip görkezmäge çalyşyp taryhy taýdan paş bolmaga sezewar bolandyr!