Injilde Muhammet pygamberiň (s.a.w.) geljeginiň buşlanmagy
Hezreti Isadan (a.s.) soň 300 ýyl soň, Iznikde ýygnanan
hristian poplarynyň geňeşi beýleki ýüzlerçe Injiller bilen bir hatarda Barnaba
Injilini okamagy hem gadagan edýär. Olar Barnaba Injilini okanlaryň hatda gazaply jezalandyryljagyny yglan
edýärler. Eýsem-de bu gadaganlyk nämüçin girizildikä? Barnaba Injiliniň
okalmagyndan şeýle gorkulmagynyň sebäbi nämekä?
Hristian dünýäsiniň "krizislere gark bolan" kynçylykly günlerinde
özüni hemmelerden ýokarda saýýan ruhanylar gatlagy mukaddes kitap bolan Injili
üýtgetmek üçin adaty bir ýaryşa başlana meňzeýärdiler. Her öňýeten özüne görä
Injil ýazýardy we şonuň üçinem bu mukaddes kitap şahsy pikirlere görä
üýtgeýärdi. Şeýdip, görnüş sany birnäçe ýüze ýeten we biri-birinden
tapawutlanýan Injilleriň hataryna her gün täzesi goşulýardy. Hatda
awtorlaryň-da ady berilýän bu Injilleriň sany şeýle bir köpelýär weli, muňa
garşy çäre görmek gutulgysyz ýagdaýa öwrüýýär we Iznikde ýygnanan geňeş
(325-nji ýylda) uzak wagtlap bu meseläniň üstünde işleýär. hem-de şo wagta
çenli ýazylan Injilleriň 396-synyň okalmagyny gadagan edýär. Esasan-da,
bu Injilleriň biriniň üstünde aýratyn durulýar we şony okanlaryň gazaply
daraljakdygy yglan edilýär.
Biziň eýýemymyzyň 492-nji ýylynda Papa bolan Kelasýüs I tarapyndan-da gadagan
edilen bu Injil aslynda Isanyň şägirtleriniň biri bolan Barnaba degişli bolup,
onda beýleki Injillere degişli bolmadyk bir aýratynlygyň bardygy sebäpli, onuň
okalmazlygy üçin aýratyn gadaganlyk girizilýär.
Şondan soň okalmagy gadagan edilen Injiller örän çalt ýygnadylýar. Olaryň bir
bölegini bolsa jezalardan gorkan halkyň özi tarapyndan ýok edilýär. Ýöne şonda
bir ruhany Barnaba Injiliniň birini ogurlaýar we gizläp saklaýar. Birnäçe wagt
soň bu Injil Wenadaky imperatorlygyň kitaphanasyna gowuşýar. we şol ýerde iňlis
diline terjime edilýär. Ýöne kilise bu Injili täzeden yzarlap başlaýar we onuň
yzyny tapýar, Soňra bir hepde puryja berlip, terjime edilen Barnaba Injiliniň
ähli nusgalary ýygnadylýar. Ýöne kilisäniň tagallalary ýene puç bolýar. Ýene-de
iki sany Injil ogurlanýar. Olaryň biri britan muzeýine, beýlekisi bolsa
amerikan Kongresiniň kitaphanasyna iberilýär. Ol kitaplar harby döwlet syr ýaly
halkdan gizlin saklanýar.
Bu syryň üstüni açmak bir musulman generala nesip edýär. ABŞ-da harby attaşe
bolup işleýän päkistanly general Abdulrahym bu Injiliň mikrofilmlerini
gizlinlikde surata düşürýär we Päkistana getirmegi başarýar. Onuň getiren
mikrofilmleri birnäçe wagtdan soň "Bedum Aisha Bawamy" fondy
tarapyndan kitap edilip, yslam dünýäsine ýaýradylýar. Mikrofilmler surata öwrülenden
soň, ol Injiliň başdan geçiren gowgalarynyň hikmeti aýyl-saýyl bolýar. Ýagny
görlüp oturylsa, bu Injil Muhammet pygamberiň (s.a.w.) geljekdigini öňünden
buşlapdyr we Älemiň-de Onuň hormatyna ýaradylandygyny yglan edipdir.
Eseriň 44-nji sahypasynda hezreti Isa (a.s.) özünden soň geljek Pygamberi öz
şägirtlerine şeýle suratlandyrýar:
«Siz şuny berk biliň. Allahyň resuly (Muhammet) ähli mahlukat üçin
rahmetdir. Ol parasatly we teselli beriji, hikmetli we gudratlydyr. Allaha
söýgüden we gorkudan doly ýumşak ruhludyr. Merhemetli, ynsanperwer, näzik we
sabyrly ruhy bilen, adalat we rehim duýgusy bilen hereket eder. Hak tagala
ýaradanlarynyň ählisine beren zatlarynyň üç essesini Oňa berdi. Ol bu dünýä
gelende sagadat (bagtyýarlyk) döwri başlanar. Muňa ynanyň! Ähli pygamberleriň
Allahyň olara beren pygamberlik gözleri bilen görşi ýaly, men hem Ony gördüm.
Ony görüp, ruhum teselli tapdy. "Eý, Muhammet, Allah seniň ýaryň bolsun!
Maňa seniň aýakgabyň bagy bolmak mertebesini bersin. Eger men bu myradyma ýetsem,
onda Allahyň mübärek guly we beýik Pygamber bolaryn" Hezreti Isa
(a.s.) şeý diýip, sözlerini tamamlandan soň, Allaha şükür etdi.
Barnaba
Injilinde hezreti Isanyň (a.s.) bir aýalyň: "Garaşylýan mesih
sen dälmisiň?" diýen sowalyna beren jogabyna hem orun berilýär. Injilde
aýdylyşyna görä, Isa bu sowala şeýle jogap berýär:" Men diňe
ysraýylogullaryna iberilen bir halasgär pygamberdirin. Emma menden
soňra Allah tarapyndan külli äleme Muhammet atly bir resul iberiler.
Allah bu älemi Onuň hormatyna ýaradypdyr" ("Injili Barnaba"
fas.-98,
jüm.-8) diýýär. Barnaba Injilinde Ne-hä Isanyň taňrylygyndan, ne-de
onuň dar agajyna çekilmeginden söz açylýar.
Ýene Barnaba Injilinde hezreti Isa alaýhyssalam:
"Men ýer ýüzünde ýaşaýan ähli kowumlaryň garaşýan mesihi (halasgäri)
däldirin"(Injili Barnaba Fas.-96, jüm.-12) diýýär.
Ýene-de
hezreti Isa Pygamber Serwerimiziň (s.a.w.) hut mübärek adyny tutup:
"Hezreti Muhammet (s.a.w.) arap ýarym adasynda orta çykar. Butlary we buta
çokunanlary jezalandyrar" (Injili Barnaba fas.-163, jüm.-7) diýýär.
Arhiwiň ýagdaýy
● Doly tekst
● 36/36 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 23 iýun 2012 ý. · Asyl sahypany gör ↗
Teswirler 36
Hanguly Gullynyň Öçmejek yslam nury kitabyndan
no comment +1
Sagbol Alma, bu barada tema açanyñ gowy boldy. Ine Injiliñ asyl nusgasy, shundan bashga Injile(riñ) bary ýoýylan. sylapmen aýtýar, Hudaý öz mukaddes ýazgylayny Kurany goraýshy ýaly gorap saklamazmy diýýär. Dogry aýtýañ sylap hakytdanan gorap saklapdyr.
Injilin asyl nusgasy yok. Keremli Kuranda sheyle yazylan dalmi?
Shu yazanynyzy okap bir soragym yuze chykdy Men diňe
ysraýylogullaryna iberilen bir halasgär pygamberdirin.
name uchin dine ysrayylogullaryna ugradyar?
Barnaba Injilinde Ne-hä Isanyň taňrylygyndan, ne-de
onuň dar agajyna çekilmeginden söz açylýar.
Ine shu boleginiz bilen doly ylalashyan.
Name uchindir dowirdesh taryhy yazarlaryn hich birindede Isa Aleyhissalam yatlanylmayar.
Onun obrazy gadymy hebeshilerin gun hudaylygynyn mifiki derejesine yetirilipdir .
Shu yazanynyzy okap bir soragym yuze chykdy Men diňe
ysraýylogullaryna iberilen bir halasgär pygamberdirin.
name uchin dine ysrayylogullaryna ugradyar?
Diyjek bolyan zadym diymek iberilen zatlar beyleki miletlere borch bolup durmayar.
Ya hemme milletler-ysrayylogullarymyka?
Adam Hudayy tanamasa, Onun nahili belentdigine akyl yetirmese we Ona nadip yuzlenmegi bilmese, ol adamyn Huday bilen baglanyshygy kesilyar. Goya oz-ozune Huday yaly yashayar. Bu yashayysh onun yuregini garaldyp, guna deryasyna chumup hich zadyn lezzetini duyman yashap durmushyndan yadap bashlayar.
Huday bendelerini merhemetlik sypaty bilen pygamberlerin usti bilen Ozuni tanatdy we Onun bendani yaratmakdaky maksatlaryny tanatdy we Ona nadip yuzlenmegi owretdi. Pygamberlerin barynyn owreden yoly bir zada dayanyar:
Allahdan bashga Huday yok sozi olaryn shygary bolan. Nuh, Ibrahim, Ismail, Yakub, Isa we Muhammed aleyhissalamlar hemmesi bir Hudayy owredip ozlerem bende bolup Hudaya dayanyp yashadylar. Pygamberler bendeler bir mahluga Huday diyip yorup azashmasnlar diyip Hudayyn birligini we Onun keshbi bizin aklymyza sygmayanlygyny owretdiler. Hudaydan soramaly zatlary bashga zatlardan sorap yormesinler diydiler.
Bizin choregimizi beryan Huday,
Bize guni-ayy doguryp, yashyryp gije-gunduzi aylap duran Huday
Biz Hudaya yalbaryp dogry yola sal diyenimizde bizi dogry yola salyan Huday
Bar bolan ummasyz gunalerimizi bilip toba etsek gunamizi gechyan Huday
Bar zady yaradan Huday, baky bolan Huday.
Hemme zat Hudayyn diyeninden chykman aylanyp ishlap durmaklygy Onun belent ussatlygyna ysharap
Adama perzent beryan yene Hudayyn Ozi. We yene yzyny sanap dursan gutarmayar.
Ine shular Hudayyn hasiyetleri we sypatlary. Bulary bir benda degishli etsen Hudayyn in yaman goryan zady we uly guna. Ony adam toba etmese gechmerin diyyar. Sheyle edilman adama dine bir Hudaydan bar hajatyny sorasa onda ol adam Hudayyn dogry yolunda yorar.
Gysgacha sheyle.
Barnabasyň Injili diýilen kitap gelip 1600-nji ýyllara degişli bir kitapdyr. Onuň ýazylan dili bolsa gelip italýan dilinde ýazylan, ýazylan iň gadymy golýazmalarynyň gyrasynda bolsa Türk dilinde we käbir arab dilindäki belliklerň bardygy hem tassyklanandyr. Bu kitabyň ýazylyş stili we kitapda geografiki we taryhy maglumatlary awtoryň getirişi geografiki we taryhy faktlara esaslanmaýar, ýagny awtoryň olardan habarsyzdygyny subut edýär we bu kitabyň toslamadygyny, ylaýtada onuň ýazylmagynyň doly yslamyň taglymatyna meňzeş we tassyklaýjy etmäge çalyşylmagy we hatda gönüden göni Muhammediň geljegini buşlatmaga çalyşylmagy bolsa munuň bir musulman alymy tarapyndan bar bolan hakyky Injili alyp ony özüçe yslam esasynda ýazandygyny dolydan doly tassyklamasydyr!
Bu kitabyň 300nji ýyllarda bolup geçen geňeşlerde gadagan edilipdir....diýen ýaly gürrüňler taryhy faktlara esaslanmaýar-da toslamadyr. Çünki şol döwürdäki käbir kitaplar sanawynyň içinde Barnabasyň haty diýilen kitap ýatlanylyp geçilýär, emma Barnabasyň Injili bilen Barnabasyň haty edebi, geografiki we taryhy taýdan hem doly tapawutlanýar, çünki Barnabasyň haty atly kitap 2-nji asyrlaryň soňuna degişli diýilip hasaplanýar, musulmanlaryň Barnabasyň Injili diýip hasaplaýan Injili bolsa gelip 1600-nji ýyllara degişlidir, hiç bir ýazylyş stili tarapdan, geografiki we taryhy faktlar esasynda hem bu ýazylan kitabyň Isa Mesihiň ýaşap geçen döwrüne ýakyn döwürlerde umuman ýazylmandygynyň subutnamasydyr. Munuň tersine bolsa, bu günki bar bolan Injil ýagny Matta, Markus, Luka we Ýahýanyň güwälik geçen ýagny ýazga geçiren Injili irki döwüre ýagny Isa Mesihiň ýaşap geçmeginiň asyry bolan 1-nji asyra degişli bolup ýazylyş stili, dili, geografiki we taryhy faktlarynda hem hakykata esaslanýar. Bu bolsa Hudaýyň hak sözi bolan Injiliň hakykatdan hem biziň günümize çenli goralandygynyň we Barnabasyň Injili ýaly musulmanlaryň toslamasy bolan kitaplaryň hem bu günki gün orta çykmagy bilen bolsa haýsysynyň hakykat ýüzünde hakykatdygynyň tassyklamasydyr! Musulmanlar diňe Barnabasyň Injili diýen kitaby öňe sürmek bilen çäklenmän, Yslama görä Injil diýen hem kitap çykardylar we ony hem hak injil diýip milliardlarça musulmanlara hödürleýärler. Ýöne taryhy öwrenmegiň nähilidigine düşünýän ynsan hakykatyň nirededigini bilip bilýär.
Yslamyň şeýle yslama laýyk Injiliň gözlegindediginiň bir esasy sebäbi hem Töwratdan başlap, gadymy pygamberler ýazgylarynda, Zeburda we Injilde agzalmadyk, wada edilmedik, tassyklanmadyk yslam pygamberi Muhammediň tassyklanmagyny şeýle köp isleýändiklerinden we ol kitaplar esasynda Isa Mesih barada ýüzlerçe wadalaryň we pygamberlikleriň geçişi we Hudaý tarapyndan öňki ýazgylarda tassyklanýandygy, Muhammediň bolsa gynansakda hiç hili wadalara eýe bolman, diňe ýeke-täk özüne daýanýandygy üçindir!
Ynanmaýan bolsaňyz, bu günki gün bar bolan Yslama görä Barnabasyň Injili bilen mesihileriň hakykat diýip hasaplaýan Injilini öwrenip görüň we taryhy deliller esasynda barlag geçirip görüň!
Bar, GÜMÜÑI ÇEK, sylapmen! Seni bärde diñlejek ýok, dost! Ýoluñ bilen boluber!
HUDAÝ BAR, ÝANYMDA BOLAN BOLSAÑ, ÝAMAN ERBET ÝENJERDIM SENI.....
Sawýer, hakykaty gowy görýän adam meni diňlär, hakykaty ýigrenýänler bolsa seniň ýaly öz ýoluna kowmak bilen bolarlar! MEni näme üçin ýençmek isleýärsiň haýsy nädogry zady aýdanym üçin? Ondan başgada meni ýençmek saňa berilen bolsa belkide ýanyňda bolsam ýenjersiň...Bolýar, sen meni ýeňçmek isleseňde men seniň üçin haýyr-doga edýän, Hudaýym saňa rehim etsin!
Sylap, dost, aslynda meniñ saña nebsim agyrýar. Nebir türkmen oglany, sowatly özüñem. Arman, MISSIONERLERIÑ eline düshüp, ishiñ gaýdypdyr-da. SENIÑ MUSULMAN BOLMAGYÑ ÜÇIN, ALLATAGALADAN DILEG ETJEK MENEM, SYLAP dost!
Muh.a.s.w,Isa,Musa,Budda,Krishna bu mugallymlarymyz,adamzadyng bir-birine sutem bermekden we yitip gitmezligi uchin,ruhy dunya kirsiz barmak uchin iberlendir,elbetde dunyang yuzine,bir pygamber adamlary ,nogsanlyklardan halas edip bilmezdi,pygamberligem oz ygtyyaryna bolanok,Tangrynyng emri bilen bolyan zatlar ahyryn,gadyrdan teswirchiler!
Yasawy dost,
Budda we Krishna bu ahli kitaba ya mukaddes kitaplara girenok. Uns berip olaryn taglymatlaryny okasan hem Huday ynanyshlary yagny akydalary ahli kitapdan we yslamdan gaty bashgarak. Bu sebapden olar bize mugallym bolup bilmezler. Adam dasha Huday diyibem yagshy ishleri edip biler. Yone ol ish Hudayyn gatynda 1 kopuklik peydasy yok.
Adam ata bilen pygamberimizin a.s. arasynda gechen shol sanda bizin pygamberimizem yeke-tak Hudayy we Ona nadip yuzlenmegi owredenler. Huday diyip bashga zatlary Huday edip yormesinler diyip gelenler. Hemme pygamberlerin kyssalaryny okasan dine bir Hudaylykdan yol alyarlar. Muna - towhid, yagny Hudayy hemme hudaylyk hasiyetde we sypatlarda birlemk bolyar.
Turkmentalyp,Sizing aytyangyzyng hakykat tarapy bar,yone...garaz dushnikli edip aytjak bolng,uzak yazmaly boljak,men ahli din taglymatlaryny ichgin okadym we kokidamarlary bir cheshmeden gelyandigini dushinip yokardakylary yazdym,ozim Islama undew edyan,sebabi beyleki dinlengem yagshy undewlerini ichine alyar...!
Howwa yagshy umumy yagshy ishleri edin meselem ogurlyk etman, mylayym bolun, haramlyk etman diyen anehde bardyr. O zatlar barada men aytmandym. Yslamyn birinji dushmany - kophudaylyk yagny ona shirk diyyarler. Shol sebapden bashy shirkden gaydyan taglymatlar musulmana mugallym bolup bilmez. Men shuny aytjak bolyan. Islan islan zadyna ynanar, bu zatda zorluk yok. Bashga ynanjyn adamlaryny sylamaly. Olardan zyyan gelyan bolsa-da goranmaly, yagny senin imanyna zelel yetiryan bolsa.
Men shuny aytmak isledim.
Sawyer bilen dostlaşdyk, ol hem maňa dost diýip gaharsyz belkide gaharyny basyp, duşman bolan maňa dostlyk elini uzadyp bilendigi şatlandyryjy we edýän gürrüňlerimizden hiç zat gazanman ýagdaýymyzda hem birek-biregi şahsy sylamagy öwrenendigimiz bähbitli bolandygynyň alamaty! Gaharyna erk edip bilýän batyr ynsandyr, bu üçin Sawyer dost men seni sylaýan! 🙂
Indi arkaýyn Teswirleriň duşuşyklaryna ine men Sylap diýip barsa boljak!
Ýöne ýokardaky Alma ildeşimiziň goýan makalasy welin hakykata gabat gelmeýär, bu bolsa anykdyr!
Umyt bilmeýän bolsaň, taryhy öwrenip gör, Barnabasyň injili ýeke özi 1600-nji ýyla degişli bolup durýär, ol barada başga hiç ýerde agzalmadyk, hiç bir başga golýazmasy tapylmadyk...ýeke özi özbaşyna bolup duran bir yslamyň toslama ýazgysydyr...Başga bir zat bolsa, seniň pikiriňçe şol hakyky Injil bolýan bolsa, onda ol hem yslama ters düşünjeleri aýdýar, çünki ol injili toslan adam ýaha mesihilige çüňňür düşünmändir, ýada yslama...Hudaýyň hak Injilinde bolsa hemme zat dogry we anykdyr we ol Injilde ýüzlerçe şaýatlyklary we gadymy golýazma nusgalary bardyr we taryhy subutnamalara eýedir.
Sylap -mende soragym barda , chynym bilen info gazanmak niyeti bilen sorayan.
1.Shol dowirde yashap gechen taryhchylaryn hich birindede Isa s.a.w.uly orun berilmandir. Birki yerde agzalypdyr .
Name uchin beyleka?
2. Hristianlaryn her akymynyn hachlaram uytgeshik bolyan ekeni, birinde gosha hachlysyny gordim? Bu name many anladyarka?
Hazir yene yazjak...
Sylap -mende soragym barda , chynym bilen info gazanmak niyeti bilen sorayan.
1.Shol dowirde yashap gechen taryhchylaryn hich birindede Isa s.a.w.uly orun berilmandir. Birki yerde agzalypdyr .
Name uchin beyleka?
2. Hristianlaryn her akymynyn hachlaram uytgeshik bolyan ekeni, birinde gosha hachlysyny gordim? Bu name many anladyarka?
Hazir yene yazjak...