Pygamberleriň iberilmeginiň maksady
Salam gadyrdan agzalar,
Şu günler dini ýalňyş wagyz edýän köp bloglar açylýar. Men hem ylmyhal bilgilerinden pygamberleriň bu dünýä gelmelerindäki maksatlary baradaky ýazgylary siz bn paýlaşmagy makul bildim. Egerde kim dini dogry öwrenmek maksady bn okasa köp peýdasy deger diýip umyt edýän. Hemmäňize dogry ýoly dilemek bn....
Ynsanyň ýaradylyp, bu dünýä iberilmeginiň maksady we hikmeti älemiň Ýaradyjysyny tanamak, Oňa iman getirip ybadat etmekdir. Akyl ynsanyň bu ýaradylyş maksadyna özbaşdak düşünmekden ejizdir. Ynsan özüniň we älemiň bir Ýaradyjysynyň bardygyna akyl ýetirip biler, ýöne näme üçin ýaradylandygyny, nämeler etmelidigini bilmez. Käbir kelam alymlary ynsan akyly bilen Allah Tagalanyň bardygyny we birdigini bilse-de, Oňa nähili ybadat etmelidigini, ryzasyny nädip gazanmalydygyny bilmez. Șonuň üçin pygamberlere zerurlyk bardyr.
Kurany Kerimde Allah Tagalanyň her bir millete, ymmata, taýpa olary ilahi azapdan gorkuzýan bir pygamberi iberendigini aýdýar.
«Biz seni Allahyň rahmeti bilen buşlaýjy we azaby bilen gorkuzyjy hökmünde hak din bilen iberdik. Her bir ymmat üçin hem olaryň arasyndan hökman bir oýaryjy pygamber iberendiris» (Fatyr, 24). Başga bir aýatda: «Allaha kasam bolsun, Biz senden öňki ymmatlara hem pygamber iberendiris», (Nahl, 63; Ýunus 47) diýilýär.
Arhiwiň ýagdaýy
● Doly tekst
● 28/28 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 28
Weliligiň mertebeleri
1. Welaýeti ulýýa (iň beýik welilik):
Bu nebilere we resullara degişlidir. Çünki olar iň saýlantgy ynsandyr .
2. Welaýeti ali (beýik welilik):
Pygamberlere tabyn bolanlardan mukarrebun derejesine ýeten kişilerdir. Pygamberler öz aralarynda nähili derejä eýe bolsa, bu mertebä ýeten weliler hem öz aralarynda dereje tapawutlaryna eýedir.
3. Welaýeti wusta (orta welilik):
Bular ashaby ýeminden (amal depderini sagdan alanlar) bolan orta derejedäki muttaky mu’minlerdir.
4. Welaýeti edna (iň aşaky welilik):
Bular nefislerine zulum eden, iman we takwalyklarynda az-kem kemterlik eden mü’minlerdir.
Allah Tagala şu aýaty kerimesinde bulary şeýle düşündirýär:
«Soňra biz kitaby saýlan gullarymyza miras berdik. Olardan käbiri nefsine zulum eder, käbiri orta ýoldadyr, käbiri bolsa Allahyň rugsady bilen haýyrda iň öňe geçer. Bu beýik bir lutufdyr. Olaryň sylagy Adn jennetidir. Olar şol jennete girip, altyn bilezikler, hünjüler bilen bezeler. Eşikleri bolsa ýüpekdendir», (Fatyr, 32-33).
Oraz dost, gaty peydaly mowzuk. Allah razy we sogaplaryny bersin!
eger adam Allah ýok diýýän bolsa, ýagny ol zatlar erteki diýýän bolsa, awtomatik ýagdaýda pygamberlere hem ynanmaly däl.
sebäbi pygamberleri Allah iberýän bolsa, oňa-da ýok diýsek, onda pygamberleriň ählisi ýalançy (fokusnik).
Allaha ynanmaýan üçin Kitaplarada ynanmagy gerek däl, ähli Ylahy kitaplar rowaýat we erteki bolýar.
indi tersine gideli.
eger adam Allaha yanýan bolsa, awtomatik ýagdaýda pygamberlere hem ynanmaly.
Kitaplarada ynanmaly. olaryň owadan rowaýat we erteki däl-de Allahyň sözidigine ynanmaly.
pygamberler hem ýalançy (fokusnik) däl. olar ýalan sözlemeýärler we hökümleri özlerinden bermeýärler. olar Allah bilen biziň aramyzdaky araçylar.
gepi uzaldym.
umuman häzir fokuslaryň bolmaýanlygyny we soňky Kitap we soňky Pygamber we soňky dinden soň ýene-de täze dinler, fokuslar, pygamberler gelmeýändigini düşündirmek hem aňsat hem kyn.
10-njy klas okuwçysy orta bilim programmasyny doly tamamlaýar.
we barýar direktoryňka hasap soramaga.
-näme üçin maňa 1-nji klasa gelemde başdan fizikany öwretmediňiz?
-näme üçin 11-nji klas ýok?
-näme üçin internete girmek 2007-nji ýyldan soň mümkin boldy? barybir rusgat berjek bolsalar 1991-nji ýylda rugsat etmediler?
-10 klas okadyp mekdepden çykarjak bolsaňyz meni mekdebe kabul etmek näme gerekdi?
-ýenede näme üçin?
-näme üçin ýenede ?
-näme ýenede üçin?
-üçin ýenede näme ?
-üçin näme ýenede?
....
fokuslar barada.
meniň her günüm şeýle fokuslardan doly.
edil aý ikä bölünmese-de Allah özüni durmuşymdaky wakalar bilen bildirýär.
meni goraýar, maňa duýduryş berýär, käwagt edil ýanymda ýaly duýýan.
Disinheritede käýýämok.
men diňe ýazdym.
Alla razy bolsun🙂
Oraz shu tema un sana uly sylag, uly hormat. berekella temany haladym.
Pygamberimiz (s.a.s) sahabalarymyza Allanyn salamy bolsun.
senem shu gidishin bn dowam et! dini temalar azalyar dp gynanyp bashladyk biza
Paylasanynyz un Alla razy bolsun!
gaty manyly ve peydaly tema haladym. Biz bn paylashanyng ucin Alla razy bolsun.. Devamini isteriz tabii🙂
Alla razy bolsun!!!!!
Elleriñ dert gormesin...
iki dunya bagtly bol Oraz...
shu temany yazyp gaty uly sogaba mynasyp bolansyñ enshalla 🙂