Pygamberleriň iberilmeginiň maksady
Salam gadyrdan agzalar,
Şu günler dini ýalňyş wagyz edýän köp bloglar açylýar. Men hem ylmyhal bilgilerinden pygamberleriň bu dünýä gelmelerindäki maksatlary baradaky ýazgylary siz bn paýlaşmagy makul bildim. Egerde kim dini dogry öwrenmek maksady bn okasa köp peýdasy deger diýip umyt edýän. Hemmäňize dogry ýoly dilemek bn....
Ynsanyň ýaradylyp, bu dünýä iberilmeginiň maksady we hikmeti älemiň Ýaradyjysyny tanamak, Oňa iman getirip ybadat etmekdir. Akyl ynsanyň bu ýaradylyş maksadyna özbaşdak düşünmekden ejizdir. Ynsan özüniň we älemiň bir Ýaradyjysynyň bardygyna akyl ýetirip biler, ýöne näme üçin ýaradylandygyny, nämeler etmelidigini bilmez. Käbir kelam alymlary ynsan akyly bilen Allah Tagalanyň bardygyny we birdigini bilse-de, Oňa nähili ybadat etmelidigini, ryzasyny nädip gazanmalydygyny bilmez. Șonuň üçin pygamberlere zerurlyk bardyr.
Kurany Kerimde Allah Tagalanyň her bir millete, ymmata, taýpa olary ilahi azapdan gorkuzýan bir pygamberi iberendigini aýdýar.
«Biz seni Allahyň rahmeti bilen buşlaýjy we azaby bilen gorkuzyjy hökmünde hak din bilen iberdik. Her bir ymmat üçin hem olaryň arasyndan hökman bir oýaryjy pygamber iberendiris» (Fatyr, 24). Başga bir aýatda: «Allaha kasam bolsun, Biz senden öňki ymmatlara hem pygamber iberendiris», (Nahl, 63; Ýunus 47) diýilýär.
Arhiwiň ýagdaýy
● Doly tekst
● 28/28 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 28
Pygamberleriň iberilmeginiň maksadyny şeýle beýan etmek bolar:
1. Gul bolmak
Pygambereriň iberilmeginiň sebäbi, ynsanyň ýaradylyş sebäbi bilen bir nokatda birleşýär. Ol hem Allaha gul bolmakdyr.
«Menden başga ilah ýokdur. Șonuň üçin maňa gulluk ediň» diýip, wahý edip, hökman bir pygamber gönderendiris», (Enbiýa, 25) aýaty muňa yşarat edýär.
2. Teblig etmek
Pygamberleriň asyl wezipelerinden biri hem Allahyň dinini we buýruklaryny ynsanlara teblig etmekdir. Eger olar gelmedik bolsa, biz ybadata degişli meseleleri buýrulan emri we gadagan edilen zatlary bilmezdik. Borjumyza amal etmezdik. Namaz, oraza, zekat, haj näme? Içgi, humar, zyna, haram mala kowalaşmak, süýthoryk ýaly dinimizde halal däl zatlaryň ýagdaýy nähili? Bu zatlara asla düşünmezdik. Șu we şuňa meňzeş birgiden meseleler pygamberleriň üsti bilen öwrenilipdir. Pygamberlere degişli bu esasy maksat we borç Kuranda şeýle beýan edilýär:
«Olar (pygamberler) Allahyň hökümlerini millete aýan ederler, Allahdan gorkarlar we Ondan başga hiç kimden gorkmazlar. Hasap soraýjy hökmünde Allah ýeterlikdir», (Ahzab, 39). Başga bir aýatda:
«Eý, Resul! Rabbiňden saňa inen buýruklary teblig et. Eger muny etmeseň, Onuň ilçiligini ýerine ýetirmedigiň bolar. Allah seni ynsanlaryň şerinden gorar. Dogrusy, Allah käfirler toparyny hidaýete ýetirmez», (Maide, 67).
3. Nusga bolmak
Pygamberleriň iberilmeginiň maksadynyň ýene biri, olaryň öz ymmatyna nusga bolmalydygydyr. Kurany Kerim:
«Kim Allahy we ahyret gününi arzuwlaýan bolsa, Allahy köp zikr etsin, kasam bolsun, siziň üçin Allahyň Resuly ajaýyp bir nusgadyr», (Ahzab, 21) diýýär.
4. Dünýä we ahyret deňligini saklamak
Pygamberler dünýä we ahyret deňligini saklamak üçin iberilendir. Pygamberleriň getiren ölçegi bilen ynsan ogly öte geçmekden (ifratdan) we pese gaçmakdan (tefritden) gutulýar, dogry ýoly tapýar. Poplar ýa-da monahlar ýaly terkidünýälik edip monastyrda ýaşaman, ýa-da, dünýä işine baglanyp, oňa doly ýesir bolman, hemişe orta ýoly saklap ýaşamak makuldyr. Bu bolsa diňe wahýyň aýdyňlyk dünýäsine mahsus bir häsiýetdir. Ýogsa, akyl we wyždan arasynda şunuň ýaly deňlik gurlup bilinmez. Ynsan diňe ylym bilen bu derejä çykyp bilmez.
Kurany Kerim bu deňagramlylygy şeýle aňladýar:
«Allahyň saňa berenleri bilen ahyret ýurduňy abadanla. Bu dünýäden-de nesibäňi unutma. Allahyň saňa ýagşylyk edişi ýaly, sen hem ýagşylykda ýaşa. Ýýer ýüzünde bozuklyk ugrunda selpeme. Șübhesiz Allah bozuklary söýmez», (Kasas, 77).
5. Garşy çykmaklygyň öňüni almak
Pygamberler ahyretde: «Biz bilmedik, bize habar berilmedi» diýip, ynsanyň Allah Tagala garşy çykmazlygy üçin iberilendir. Bir aýat muny şeýle beýan edýär:
«Biz buşlukçy we gorkuzyjy hökmünde pygamberleri iberdik. Șeýlelik bilen, ynsanlaryň pygamberler iberilenden soňra, Allaha garşy hiç bahanalary bolmasyn. Allah azizdir, hakimdir», (Nisa, 165).
Her pygamber ynsany diňe ynandyrmak üçin, ynanmaýanlara-da bahana galmaz ýaly mugjyza bilen gelendir. Her ymmat öz pygamberinden nije mugjyzalary gözi bilen görendir hem eşidendir. Biz hem hezreti Muhammede (s.a.w.) degişli müňlerçe mugjyzalary eşitdik we Kuran ýaly ebedi mugjyzany elmydam görýäris. Mundan soň, hiç kimiň garşy gitmäge haky ýokdur. Allah ynanmagymyzy isleýän hakykatlaryny, hemişe goldaw berýän pygamberleriniň üsti bilen aç-açan we äşgär görkezipdir. Bu olaryň iberiliş maksatlarynyň biridir. Iň ähmiýetli tarapy hem Allah Tagala: «Biz pygamber ibermedik ýagdaýymyzda azap bermeris», (Isra, 15) diýýär. Diýmek, pygamberler iberilendigi üçin, mizan we tereziler guruljakdyr. Hiç kimiň bahanasyna bakman, her kesden hasap soraljakdyr.
Oraz sag bol gaty gowy maglumatlar. Bilip gürlemek diyip şuna aydylar
nazar dost hany shunam bir okap gor indi
Nazarjan, sen entek kop zada ynamym yetmez, bi bak, senin kellan nadip myslyt; edya? yada senin organizmin nahili hereket edya? Haysy bir ichki organizmyny ozun kontrol edyan?
P.S: NAMAZLY NYYAZLY OGLAN SEN, OZUNI KAYBETME!
Oraz dostum, taňyrýalkasyn, Allah senden razy bolsun! Meseläni çöp döwen ýaly edipsiň.
Weliler, ulamalar, pirler barada hem ýeterlik maglumatyň bar bolsa, aýratyn mowzuk açyp goýsana! Olaryň-da dünýä gelmeginiň adaty adamlardan parhly hikmeti hökman bardyr. Allahyň söýen gullary barada bilmeýän zatlarymyz örän köp.
Nazarjan, ALLATAGALLA(j.j) onda senin organlaryny kontrol edyanini nireden bilyan?
shularyn yokdygyny sen nadip aydybilyan.sen 1400 yyl onki dowurlere gidip gordunmi.senden nace akylly adamlar shona ynanypdyr.dazhe einsteinam ynanypdyr
Elbetde hasap soralar. Erbet iş edenligim üçin, jogap bermeli bolar.
Ýöne näme üçin şu zatlary aýtmaga ýekeje pygamber ýetik däl? Biri aýdyp gidipdir, hemmelere galypdyr. Boldy!
Näme üçin öň yzly-yzyna ençeme pygamberler iberilip duruldy? Adamlary toba getirmek üçin, ýene bir gezek ýatlatmak üçin diýip bilersiňiz. Ýöne ADAMLARY TOBA GETIRMELI wagt, edil HÄZIRKI wagt. Dünýädäki erbetlikleriň sany, iň köp ösen döwridir. Hany toba etmelidigini aýdýan pygamberler?
Men kän, bu ugurdana bilýän zatlarym ýok. Öz durmuşym bilen ýaşaýan, Hudaýyň maňa beren durmuşy bilen. Adama erbetlik etmejek bolýan, özüme nähili gatnaşsalar, menem beýlekilere şolar ýaly garamaga çalyşýan.
Ýöne, size-de aýtjak zatlarym, goý islän kişi ISLÄN zadyna ynansyn. Sebäbi herkimiň öz durmuşyny özi gurmaga haky bar.
Minuslamarsyňyz diýip, umyt edýän 🙂
Ynsan daş-töweregine we beýleki barlyklara seredip, bir Ýaradyjynyň bardygyny bilmek ukybyna eýedir. Ýöne ynsanyň Ol Ýaradyjynyň öňündäki öz wezipeleriniň nämedigini bilmegi mümkin däldir. Șonuň üçin Allah Tagala fazly-kereminiň, rahmetiniň nusgasy hökmünde ynsana Kitap we Pygamber iberipdir. Ilahi kitaplaryň asyl maksady adamzady azaşmakdan halas edip, olary hidaýete, ýagşylyga, aýdyňlyga çykarmak we iki dünýäde hem bagtly etmekdir.
Dostum, mugjyza göremok ýa-da eşidemok diýmekde azajyk ýalňyşýaň. Kurany Kerimiň özi bir hiç inkär edip bolmajak mugjyza. Beýle bir kitaby, sowatsyz, hat okap ýa-da ýazyp bilmeýän söýgüli pygamberimiziň (saw) özünden ýazmasy (haşa) hiç bir akylyňň kabul etmejek zady. Eger munda bir ynsanyň eli bar bolsa onda 1400 ýyla däl, beli 14 ýyl hem bolmanka ýalana çykyp ýok bolup giderdi.
Kab aga sizdende Alla razy bolsun!
Inşa'Allah ýokardaky soraglaryňyz barada hem mowzuk açarys, bilýän zatlarymyzy bir-nirimize öwrederis
Pygamberimiziň iň uly mugjyzasy Kurany Kerimdir. Pygamberimiz bir hadysynda: «Öz döwründäki ynsanlary özüne ynandyrmak üçin, mugjyza berilmedik hiç bir pygamber ýokdur. Maňa mugjyza hökmünde berlen, diňe Allahyň wahý edenidir», (Buhary), diýýär. Kuranyň mugjyzalygy kyýamata çenli dowam eder.
Aýyň dogry ikä bölünmegi Şakky Kamar mugjyzasynyň netijesidir. Bu niç hili ýalana çykaryp bolmajak faktlygyna galýar.
Älemleriň Serwerini /S.A.W./ ömürboýy bir buludyň saýalap gezenligi hem myş-myş däl. Ýalan bir gürrüň bolsa, 1400 ýyllap dilden düşürilmän gürrüň edilmezdi.
Her pygambere öz döwrüne görä mugjyza görkezmeklik berilendir.
Isa Aleýhissalamyň ölini direltmegi, Musa Aleýhissalamyň hasasynyň ýylana öwrülmegi ýaly mugjyzalar Allahyň şol döwrüň zerurlyklaryndan getirip çykaran sebäpleridir.
Dogry aydyanyz ol gudratlar bolmadyk bolsa bu gune cenli dilden-dile gecmezdi! Bolya ol dowurde biz yokmyshda shol Allahyn gudratlaryny gormandirisda,bizin dowrimizde goren eshden bolsanyz dagestanda dogulan caga Allahyn gudraty dalmi ayajygyna kurany kerimdaki yazgylar cykya shol ayajygynda peyda bolanda caga 40 gradus gyzya aglap cydanok!Isa pygamberem diyipdira menden son bir pygamber geler muhammet shona ynanyn diyen!yene bir zat bir yerde okapdym daje rim papada adamlardan bukulyp 5 wagt namaz okan biler bolsanyz!
Salam hormatly agzalar men teswirlerin taze agzasy.yokardaky jogaplaryn hemmesini goldayan menem solara gosulyan disinheritede yekeje aytjak zadym beyle zatlar barada pikir etme onarsan NAMAZ oka hemme soraglaryna jogap taparsyn sana in gowy cykalga sodur in gowy maslahatym.
Kab aga, siziň soragyňyz barada ylmyhalda şeýle jogap berilýär:
«Weli» sözi – söýýän, dost, juda sadyk, ýardamçy, hemaýat edýän, ýakyn garyndaş diýen manylary berýär.
Mü’mine Allahyň welisi diýilýär. Allah Tagala bolsa mü’minleriň welisi we mewlasydyr. «Mewla» sözi – dost, ýardamçy, ýakyn garyndaş, mirasdar, sahyp, mälik, azat eden hojaýyn, azat edilen gul diýen manylary berýär. Kurany Kerimde: «Allah mü’minleriň welisidir», (Äli Imran, 68) diýilýär, başga bir aýatda bolsa:
«Allah siziň Mewlaňyzdyr. Ol ne gözel mewla, ne gözel ýardamçydyr», (Enfal, 40) diýilýär.
Kurany Kerimde weli we welaýet (welilik) sözleriniň manysy şu aýatlar arkaly şeýle düşündirilýär:
«Șuny berk biliň, Allahyň welileri üçin howpuň bolmaýşy ýaly, olar gynandyrylmaz hem. Weliler şeýle kişilerdir, olar Allaha iman edip, onuň emrlerine ters hereketlerden saklanarlar, olara dünýä we ahyret durmuşynda hem buşluk bardyr. Allahyň hökümleri-de we ähtleri-de asla üýtgemez. Ynha, bu buşluklar iň beýik bagtdyr», (Ýunus, 62-63-64).
Bir kudsy hadysy şerifde bolsa, Pygamberimiz welini şeýle taryplaýar: «Allah Tagala şeýle buýrýar: «Kimde-kim Meniň weli gullarymdan birine duşmançylyk etse, Men onuň bilen hökman söweşerin. Bir gulum özüne farz edenlerimden başga has ýakymly bir zat bilen Maňa ýakynlaşyp bilmez. Gulum maňa nafile ybadatlar bilen hemişe ýakyn durar. Ahyry ony söýerin. Ony bir gezek söýenimden soň, Men şol gulumyň eşiden gulagy, gören gözi, tutan eli, ýöreýän aýagy bolaryn. Eger menden bir zat dilese, bererin, bir zatdan Maňa sygynsa, hemaýat ederin», (Buhary, Ibni Maje).
Başga bir hadysda şeýle gürrüň berilýär: «Bir adam Pygamberimiziň huzuruna gelip: «Eý, Allahyň Resuly, Allahyň welileri kimlerdir?» diýip soraýar. Resuly Ekrem: «Gözüň düşen badyna Allah Tagalany ýatladýan, Onuň zikr edilmegine sebäp bolýan kişilerdir» diýip, jogap beripdir», (Ibni Kesir, Șewkany «Fethul Kadyr»).
Bu hadyslar Hak Tagalanyň dostlugyna ýeten weli gullaryň beýik mertebesini aýdyň suratlandyrýar.