Bäşlikler dünýäsi

Bäşlikler dünýäsi

Muhammet
pygamberiň aýdanlary:

***

Bäş närse bardyr ki, kalby öldürýändir: Köp iýmek, köp uklamak, köp gülmek,
dünýä gamyny köp iýmek we haram iýmek.

***

Bäş närse bardyr ki, kalby gaty eder: günäni hemişe etmek, tagamy doýup
iýmek, bendelere zulum etmek, namazy gijikdirmek, çep el bilen tagamy
iýip-içmek.

***

Bäş närse bardyr ki, kalby röwşen eder: «Yhlas» süresini köp okamak, tagamy
az iýmek, alymlar bilen söhbet etmek we gijesine we säher wagty namaz okamak.

***

Bäş närse bardyr ki, kişiniň hyýalyny perişan eder: gaýgy-gamyň köplügi,
köp pikir-hyýal etmek, karz, aýallaryň ysy, köp mahallap hassa bolmak.

***

Musulmançylykda şehitlik ölümi bäş hilidir: mergi keselinden ölmek,
garyn-içege keselinden ölmek, suwa gark bolup ölmek, jaýyň aşagynda galyp
ölmek, din ýolundaky söweşlerde wepat bolmak.

***

Bäş hili haýwany öldürmek parzdyr: ýylan, ala garga, syçan, ýarak it,
ýyrtyjy guş.

***

Her kim bäş wagt namazyny jemagat bilen okasa, ol kişä bäş ýagşylyk berler:
dünýäde näçe ýaşasa-da, garyp-mätäç bolmaz, gabyrda hem azar görmez, amallary
ýazylan kitaby sag tarapyndan berler, Syrat köprüsinden ýyldyrym ýaly geçer,
hiç hili azap we hasap görmän, Jennede girer.

***

Musulmanyň musulman doganynyň öňünde bäş borjy bar: salama jogap bermek,
syrkaw soramak, ölini jaýlamaga gatnaşmak, çagyrylan ýeriňe barmak, asgyryp
«Alhamdulilläh» diýene «Ýerhamuhallah» diýip jogap bermek.

***

«Sabyr—Rahmandan, äwmek—şeýtandan» diýilýär.Ýöne şu bäş zatda howlukmaly:
gyzyňy durmuşa çykarmakda, bergiňi bermekde, ölini jaýlamakda, ötegçini
naharlandyrmakda, günä eden bolsaň, toba etmäge.

***

Heniz giç dälkä şu bäş zadyň gadyryny bil: ÖMRÜŇ—ölmeziňden öňinçä,
SAGLYGYŇ—kesellemeziňden öňinçä, ÝAŞLYGYŇ—garamazyňdan öňinçä, BAÝLYGYŇ —garyp
düşmeziňden öňinçä, AHYRÝETIŇ—heniz dirikäň.

Sizem bildigiňizden goşuberiň!