Goňşymyň ogly şeýle bir gowy-y-y, şeýle bir gowy-y-y...
ýene-de arhiwimi çöwüreýin, aşakda gysga hekaýa...
derrew okap bolýar (tüýs meň ýaly ýaltalar üçin-dä)
------
Goňşymyň ogly şeýle bir gowy-y-y, şeýle bir gowy-y-y...
ýa-da goňşusyna aşyk bolan gyz barada
Goňşymyzyň bir gowy ogly bar. Arassa, agzyndan ýekeje-de gybat söz eşitmersiň. Ýöräninde-de ýere seredip ýöreýär. Ejesine-de “siz” diýýärmiş. Bir ýerin-ä gutardy. Şo diýip ölüp barýanda. Okuwly. Özem ýeke ogul. Jaýlaram gowy. Düzgünlerem gül ýaly. Ejesem erbet däl. Özi ýaly ýuwaş, “meni urany hudaý ursun”. Kakasam bir institutda mugallym. Özlerem gyz gözleýämişler. Şol oglana görünjek bolup her zat edip çykdym. Şonda-da maňa barmysyňam diýenok. Ýekeje gezek özüme seretdirip bildim, onda-da jigime gaharyma “Gömül, ýerçeken” diýip, bir şapbat uramda jigim uly-ili bilen aglady. Ol oglanam maňa seretdi.
Nämemiş, düşünjeli gyz gözleýämişler. Menem ýüzüme reňk çalmany-ha öwrendim. Zontigem göterýän. Düşünjeli diýdikleri näme-kä? Okuwly diýdiklerimi-kä diýsem, o-da dälmiş. Arada okuwly bir gyza-da barypdyrlar welin, gyz: “Ýaşmak ýaşyndyrmasa, gyňaç daňyn diýmese baraýaryn” diýýämiş. Şo sözi üçinem halamandyrlar. Mes tulalar bar gyz, biri diläp gelýän bolsa boldugydyr-da. Onda-da oň ýaly oglan üçin. Şu wagt düşündirip bilemok-da, goňşymyň ogly şeýle bir gowy-y-y, şeýle bir gowy-y-y...
Jigimi uranymy halamadymy-ka? Aý, ýok-la. Gelnejemem çagalaryny eliniň ýeten ýerine geldigi “gyran degmişler” diýip urýar. Urmasaň bolýamy, o ýerçekenleri. Etiňi iýip barýalar-a. Oň üçin däldir-le. Şu düşünje diýilýän zatlarynyň nämedigini bilsem, ölerdim welin düşünjeli bolardym, şol oglan üçin. Oň nämedigini ne gelnejem düşündirip bilýä, ne-de ejem. Kakamdan soramaga-da utanýan. Bolmasa ertir ölýänem bolsam kakamdan soraýyn. Hindi kinosam başlaman geçdi-le. Gelnejemä: “Otursan-a gyz, bir gerreçi duşmasa şükür et” diýýä...
Arhiwiň ýagdaýy
● Doly tekst
● 41/41 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 19 maý 2012 ý. · Asyl sahypany gör ↗
Teswirler 41
bu hekahajygy haladym men ony pars diline yazmaga ruhsat barmy?
Öy almada gonşy al diyyarlermi. 😆😆
hekaýaň awtory men däl.
emma awtor öz hekaýasynyň pars diline geçirilenini bilse depesi gök dirär.
elbetde ony parslarada okadarsyň, nesip bolsa.
olaram pikirini aýdar.
rugsatdyr ejegül.
sag bol .
gonşusy sonunda tapyp bildimika? hekayanyn hemmesi bolmasada belli bir bölegi hakyky durmuşdan alynana menzeya?
Gara pishik!Shu gysga hekayadan men ne netije chykardym ne-de bir lezzet alyp bildim. Munun bir satiriki hekayada menzanok. Senin galamyna sozum yok. Yone shu hekayajygyn bolanok. isle mana-da
hich zat dushunmeyandiy isle-dedushunjesiz. men bir zat okamda bir zat owrenmani isleyan. namani owreneli bu hekayandan. Shol birleji chykan dushunjesiz gyzlaryn arsaylayyshlaryhakynda yazylyan eserlein bir gornushjegazy. Onsonam indi dushunje diyen soze dushunmeyanm adam galan bolsa ol baryp yatan samsykdyr. Biderek wagt yirtirdim okap. Yone sen mana gatyrganarasyn. Sebabi tankyt halayany entek gormedim omrumde...Men yone sizin yatlamalarynyzy okap hezil etdim ony hem aydayyn. yene sholar yaly zat yazsanyz oakajak hezil edip. menden oyke etmegin
gara pishik aramyzdan gechmesinBormy?.......Bu asyl sizin yazan hekayanyz dalmi? Ejegul bilen aranyzdaky yazgylary son okadym. Parscha yazylanmy? Ay shey diysene..... Senin sheyle zat yazmajygyny bilyana......
Helalay, sizi Didar hanyma menzetyan. Ac towuk dushunde dary gorermish diyen yaly ya-da beter Didar hanymyn yazgylaryny okasym gelyanindenmika 🙂
helalaý.
barsyny bulaşdyrdyň.
hekaýa parsça terjime diljek boldy (ejegül bilen kontrakta gol çekdik).
hekaýany men ýazmadym. men ýazyjy däl. öňem aýtdym şony.
aslynda menem ýazan bolýan, ýöne olar ne hekaýa, ne mekaýa... ýöne bir ýazgyjyk...
bu hekaýa diýýän zarisowkany halaman bilersiň.
meniň özümä haladym.
pikiriňi aýdanyň üçinem bir gaty görüp bolarmy?
gaýtam minnetdar.
helalaý aşakda men öz ýazan zadymy goüjak.
meniý ýazgylam gaty gysgadyr.
ýaponlar ýaly 3 sözlemde tamamlaýýandyryn...
ine olardan biri.
---
...bir obada tok öçüpdir diýýä.
şondan bärem hemme kişi gowy ýaşaýamyş diýýä.
edil adam ata döwründäki ýaly...
ýene-de öçen tok barada «roman».
aý roman diýäýeýin, 3 sözlemden köp bolsa meň üçin roman bolýar.
ine aşakda okasaňyz...
----
daşarda gyş.
tok öçdi.
Adam ata spiçkasyny ýakyp bir ýerlerden kädi çigidini tapdy.
biri-birine ýelmeşip gurap galan kädi çigitlerini eli bilen owkalaşdyrdy-da ýanyp duran «gara peçiň» demriniň üstüne oklaşdyrdy. öýüň içini otda gowrulan kädi çigidiniň ýakymly ýanyk ysy tutdy.
bu ysa How ene-de geldi.
ikisi ýarym sagatlap çigit çigitlediler.
kädi çigitlerini.
alagaraňkyda.
ikisi köp zatlaryň gürrüňini etdiler.
bagtlydylar.
duýýadylar.
soňra, duýdansyz öçen tok duýdansyzam geldi.
öçürilmän galan telewizoram işläp başlady...
telewizorda aýdymçy aýdym aýdýardy.
bagt barada...
Ine yaponlaryn
hokkasygowrak oydan.Eger ýer ýüzüniň emeli yşykjlary öçäýse
Diňe ay bilen günüň yşygy galaýsa
Belki adamlar has gowrak ýaşardylar...
Eger ýer ýüzüniň emeli yşykjlary öçäýse
Diňe ay bilen günüň yşygy galaýsa
Belki adamlar has gowrak ýaşardylar...
helalaý.
menem şony diýjek boldum.
ýöne ýapon menden bet diýipdir.
--
tok öçse, gazetleri okap bolmasa
telwizor beýnimi «arassalamasa»
gara pişik hasam garalardymyka?
Okadym. Dili çeper. Akgynly. Ýöne bu hekaýa däl, zarisowka hem däl, başga bir zat. Bir uly eserden parça bolmagy mümkin. Eger o-da bolmasa, onda haýsydyr bir ýazyjynyň monolog usuly arkaly obraz açmaga eden synanyşygydyr.
Obraz oňat açylypdyr. Ynandyryjy. Janly durmuşyň üýtgewsiz beýany şeýle bolýar. Gyzyň gepi-sözi, pikir-düşünjesi, edim-gylymy we hereketleri onuň tebigy häsiýetini açyp görkezýär. Şuňa obraz diýilýär. Edebiýat obrazlarda ýaşaýar. Obrazsyz, häsiýetsiz edebiýat bolmaýar.
Gara pişik, dost, näme diýseňem, sözlem düzüliş usuly, gahrymanyň gep uruş äheňleri seňki, muny senden başga hiç kim ýazan däldir. Eger men söze we sözlem düzülişine düşünýän bolsam, munuň awtory özüň. Boýnuňa alaý!
eger çynym. men ýazamok.
ýöne bu ýazgylary men zakaz edip ýazdyrdym.
şeýle ýazgylar ýene bar mende. goýaryn olaram.
bu fragmentleri hem onuň (ýazyjynyň) eserlerinde ulanan ýerleri bar.
ony duýduň.
Bäh, onda kimkä? Ylýas Amangeldimikä? Şoňka-da meňzeýä.
Onda nämüçin seň ýazýan mowzuklaryň, teswirleriň dili şu mowzugyňky ýaly?
ganymyz bir.
onuňky we meniňki.
Akella utuldy, Akella utuldy 🙂🙂🙂🙂🙂🙂🙂🙂
Bagyshlan,, goryanizmi bu soraga dine gizlar dogri jogap berip bilendirler.. Sebabi dine gizlar dushinjelida..ehehheh oglanlar gaty gorman