Adyny sen goy
Çykanmyzda obamyzyn çetine,
Al sapakdan ot alypdy bar zemin.
Men özümin nirdedigim bilemok—
Barýaryn sen bilen birlesen kimin.
Üsedýändir öýdüp çyg damjalary,
Otlar senin aýagyna dözenok.
Assa öwsüp geçýär dusundan semal,
Timar beren saçlaryny çözenok.
Begres donun nagyslary enaýy.
Gara saçyn örümi deý kesde ýok.
Nurlanyp barýarsyn elwan sapakdan,
Gül gülmi, sen gülmi— bilip bilemok.
Ýer ýermi, biz ýermi— bilip bilemok,
Çünki hemmeje zat seýle bir gözel.
Göwnüne bu sapak, arassa dünýä
Sygmajak bolup dur dumanly göze.
Biz ikiçäk bütin ýerin ýüzünde,
Eýýäm gündogardan gün göge galýar.
Aramyza düsse düssün adamzat,
Ýöne ýeke adam düsmese bolýar.
Gurbannazar Ezizow
Arhiwiň ýagdaýy
● Doly tekst
● 8/8 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 1 awgust 2012 ý. · Asyl sahypany gör ↗
Teswirler 8
Hiç düsünip,
Hiç düsünip bilemok.
Bu ýerde bir hili bulasyklyk bar.
Men «bar» diýsem, «ýok» diýjegne sübhe ýok
Men ýagysy söýýän,
On söýýäni gar.
Dört diwardyr
Üçegimiz bir bizin,
Emma ol sonda-da etmeýär müýni.
«Men gaýkyny söýýän, sen kimi?» diýýän,
Ol arkaýyn jogap berýär:
«Küýkini!»
Diýýärin «Sen bilgesleýin edýärsin,
Çigisdirýän aradaky düwüni.»
On gözlegi towuklaryn arpasy,
Men söýýärin ýöne arpa suwuny.
Hiç düsünip,
Hiç düsünip bilemok,
Ötjek pikirimiz bir ýere gelmän
Bolmajak bolanda bolmaz ekeni
Ol-a meni söýýär!
Men ony söýýän.
Geçmen senin üçin ýagysdan, ýelden,
Ýagys saçyn ýuwýar, semal daraýar.
Bu asmandan geçmen, geçmerin gülden,
Çünki gözlen gül asmana garaýar.
Gözüm baky gurban mawy belende,
Söýgim üçin ondan düsmerin jyda.
Bizin söýgülermiz belent bolanda,
Ýüreklerimizden islemez pida.
Goý nur ýagsyn— gunça-güllerin deri,
Gün nuruna gark bolsun obalar.
Senin üçin hiç dünýeden geçmerin,
Geçsem söýgimizden geçdigim bolar.
3sany goşgy bar welin adyny hiç kim goyup bilenokmy?
Shahyr goymadyk bolsa biz nädip goyaly? Kitapda atsyz gelyämi bu goshgular.
Her goşgynyng yokarsynda ******* bar adyny tapmadym hiç biriningem
Yalñyshmasam 3 goshgam atsyz gidyä. Öye baryp kitapdan seredip göräyerin.
Hakykatdanam 3 goşgusam atsyz.Adyny sen goy....
Salam dostum, mähribanym, Asgabat,
Menin çagalygym, ýigitlik çagym.
Menin öz basymdan sowuljak bagym,
Emma hiç bir zaman sowulmaz bagym.
Depämdäki sonky saçyma çenli,
Men senin perzendin, men senin oglun.
Son üçinem bu gün açyk ýürekden
Sen bilen söhbetdes bolmakçy boldum.
Seni öwmekçi däl,
Bary bos gürrün...
Ýogsa bolýar ahyr,
Käte gelýänler,
Gelende, «säherniz ajaýyp» diýip,
Gideninde «oba» diýip gülýänler.
Bu ömürde köp-köp säher görüldi,
Zähmetkes,
söwesjen, gahryman säher...
Sana hiç säherden onat diýmerin,
Sen hemme säherden mähriban säher.
Sana juda sarpa goýanym üçin,
Hem sylanym üçin eziz diýarym,
Soraýasym gelýär myhmanhanalan
«Ýer ýok» hakykaty sende-de barmy?
Öz ýüzi ýok diýýäs senin jaýlaryn,
Basda göräýmäge seýle-de ýaly,
Emma dostlar bilen içgin gatnasyp,
Tapýas-a öýüni gijänin ýary.
Ýogsa-da tapmarsyn, dostun ýok bolsa,
Käte aglamasan, käte gülmesen,
Tapanynda näme sahsy öýleri,
Içinde ýürekdes tapabilmesen.
Geçmisim, su günüm, geljegimem sen.
Men seni söýmäýin nämüçin, ýeri,
Menin dostlarymyn, söýen gyzlarmyn.
Aglan,
Gülen
günlerimin säheri!
Ähli ýerin birdir güni, asmany,
Ähli ýerin birdir aýal-erkegi.
Dünýän her nokady merkez diýýärler,
Diýmek senem bu dünýänin merkezi.