Gumdan tapylan yürek (bölek)

IKINJI DEPDER

Kyrk ikinji yyldy.
Gyshyñ bagrydy.
Asman göyä köpük saçyan bugrady...
Agamyñ deregin tutan ejem jan,
Düye bakyp, hallan atan ejem jan,
Elli yashyn beyläk atan ejem jan
Ikindiler öyden çykyp ugrady.
-
Beyle giçläp, nireligne ugrady?
Guyyñ yandan gayralygna ugrady.
Ak inishden añyrlygna geçdi-de,
Iki depäñ aralygna ugrady.
-
Ak inishden añyrlygna ashsa-da,
Ak inishde onuñ galmady yzy.
Nädip yzy galsyn, yerden yokarda
Metr yarymlykdan baryarka özi?
Yakdyñ sen, eje jan, yakdyñ Gülnäzi.
-
Shu wagta çen elli yashyñ içinde
Arkan yatyp yöräpmidiñ, eje jan?
Elmydam gözleriñ gara yerdedi,
Yokarlygna garapmydyñ, eje jan?
Wah, sen ozalynda dörän mahalyñ
Ölmek üçin döräpmidiñ, eje jan?
-
Hey, eje-de ölmek üçin dörärmi?
Aslynda nämekä eje diylen zat?
Sho günler akylma gelshine görä,
Ejeler - ömürlik dünyä inen zat.
-
'Birmahal ejesiz galaryn!' diyip
Yatsam-tursam gelermidi kelläme!
Kämahal kelläme geläyende-de,
Beyle bolar öydüpmidim men näme?
-
Ejem mydam gezip yörjek yalydy,
Örän arkayyndym ejemden yaña.
Galmajak yalydym ejemden soña.
Syrkawlamda - gapdalymda oturjak,
Ölen wagtym - gujagyna göterjek,
Ugran wagtym - ses agymy yetirjek
Diñe ejem bolup görnerdi maña.
-
Meniñ kakamy-da on yyl shondan öñ
Sho tarapa äkidipdir sho tabyt.
...
Ynha bu gün shol atamyñ yanyna
Käbämem göterip ugrady obam.
-
Onuñ b/n hoshlashyp hem bilmedim,
Düye gaytarmaga gidipdim shonda.
Agam öz kärini bize tabshyryp,
Maykopdan çykypdy yylyñ bashynda.
-
Shondan bäri biziñ bashymyzdady
Elli köshek bilen altmysh bäsh düye.
Oglunyñ deregne çopandy ene,
Dogannyñ deregne çopandy uya.
-
Ayagymy süyräp depeden depä,
Tayagymy süyräp yapydan yapa,
Birmenzilden düyeleri gaytaryp,
Doññaradash bolup yetipdim gapa.
-
Ojagyñ bashynda ejemiñ yanda
Çay içip, elimi çoyjakdym weli,
Eyyahaçan meñ elimden beterräk
Sowan eken käbäm ejemiñ eli...
-
Soñky gezek ellerini sypalap,
Hoshlashsyn ejesi öz gyzy bilen.
Ey, sen ejem janyñ dirilik wagty,
Dolan, bir sagatlyk yzyña dolan!
-
Birmahallar bir namazhon diwana
Ikindi namazyn geçiren wagty,
'Ey, sen Günüm, yañadan bir dog!' diyip,
Dyza çöküp edenmishin tagaty.
-
Oña rehim edip yañy batan gün
Yañadandan çykanmyshyn yzyna.
Ey sen, shol diwana rehim eden gün,
Rehim etjek dälmi çopan gyzyna?
-
Köp yalbardym, Gün yzyna çykmady...
Hoshlashman gitdi ol öz gyzy bilen,
'Jan, eje jan...menem gitjek eje jan!
Dur, eje!' Ylgadym oñ yzy bilen.
-
Emma meni uzak ylgatmadylar.
Garsa gujaklady iki sany gol.
'Way!' diyip yykyldym garyñ üstüne.
Soñuny bilemok. Bar bilyänim shol...
-
...Ejem jandan ayra salan garlyk gün,
Shondan bäri saña düshenok synym.
Ynha indi nije yylyñ içidir,
Henizem gar görsem dyglayar inim.
-
Gar yaganda gömülerdi yolumyz,
Gar yaganda goyunlarmyz buyardy.
Ejem shonda: 'Nähili zat yagsa-da,
Sheyle uzak yagmawersin!' diyerdi.
-
Ya-da gahar edip onuñ sözüne,
Dargursaklyk edip, aldyñmy sen ar?
Jany yanan tañrysyna gargarmysh,
Wah, gar, ak gar, sende näme günä bar!..

II

Ejemiñ üstüniñ gumy solmanka,
Yene öñki tayak, yene öñki kär.
On sekiz yashyna yetmedik Gülnäz
Boldy birden yurt öñünde jogapkär.
-
Ejem bilen bakan düyelerimiz
Galdy birden men yalñyzyñ bashyna.
Gara saçym gum süpürdi tomsuna,
Gara saçym gar süpürdi gyshyna.
-
Göyäki diyersiñ, on sekiz yashda
Otuz yashly yaly ulaldym birden.
Eger wagty gelip üstüñe düshse
Kän zady göterjek ekeni gerden.
-
Yene öñki guyy, yene öñki suw,
Yene öñki düye, yene öñki gum.
...

Awtor: Kerim Gurbannepesow

(goshgy gysgaldylyp alyndy)